جۇڭگو تەڭىز ارمياسىنىڭ 26 - توپتاعى كەمە قورعاۋ قوسىنى انگلياداعى دوستىق ساپارىن اياقتاتىپ ەلگە قايتتى
كەلۋقاينارى:جۇڭگو قازاق راديو تورابى |جاۋاپتى رەداكتور: | جاڭالانعان ۋاقىت:2017-10-08 16:00:00


    شينحۋا اگەنتتىگىنىڭ حابارى: جۇڭگو تەڭىز ارمياسىنىڭ 26 - توپتاعى كەمە قورعاۋ قوسىنى قازاننىڭ 7 - كۇنى انگلياداعى 5 كۇندىك دوستىق ساپارىن اياقتاتىپ لوندون تايمىس وزەننەن ەلگە قايتتى. سول كۇنى تۇستەن كەيىن، جۇڭگونىڭ انگلياداعى باس ەلشىسى، انگليا پاتشا تەڭىز ارمياسىنىڭ ۋاكىلى، جۇڭگولىق قانداستار مەن مۇھاجىرلار سونداي -اق جۇڭگولىق وقۋشىلار قاتارلى ٴار سالادان نەشە جۇزدەگەن ادام كەمە توقتاعان باتىس يندستان پورتىنا جينالىپ جۇڭگولىق قوناقتاردى ۇزاتىپ سالدى.


    باسقارىلمالى بومبى قورعاۋ كەمەسى حۋاڭ-گاڭ كەمەسى، ياڭجوۋ كەمەسى جانە يۋان -ياڭ ۋنيۆەرسال ارتقى شەپتەن قامداۋ گاۋ-يۋ-حۋ كەمەسىنەن قۇرالعان جۇڭگو تەڭىز ارمياسىنىڭ 26 - توپتاعى كەمە قورعاۋ قوسىنى قازاننىڭ 3 - كۇنى لوندونعا بارعان بولاتىن. ساپار كەزىندە، كەمە قوسىنى انگليا تەڭىز ارمياسىنىڭ مانساپتىلارىن كەمەگە شىعىپ ەكسكورسيالاۋعا ۇسىنىس تتى جانە كەمەنى اشىق ۇستاۋ كۇنى مەن قوناقاسى بەرۋ قاتارلى قيمىلداردى ۇيىمداستىردى. جۇڭگو مەن انگليا ەكى ەل ارمياسىنىڭ كوماندىر -جاۋىنگەرلەرى اپاتتان قۇتقارۋ اپات زيانىن ازايتۋ جونىندە تالقى وزدىرۋ قاتارلى قيمىلداردى وتكىزدى.


    اۋدارعان: نازار ٴارىپ ۇلى