تاۋەلسىز ەلدەر دوستاستىعى حاۋىپسىزدىك شارت ۇيىمى كەڭ كولەمدى ىستراتەگيالىق مانيۆەر وتكىزدى
كەلۋقاينارى:جۇڭگو قازاق راديو تورابى |جاۋاپتى رەداكتور:داۋىلبەك | جاڭالانعان ۋاقىت:2017-10-09 17:40:00


    شينحۋا اگەنتتىگىنىڭ حابارى. تاسس اگەنتتىگىنىڭ حابارىنا قاراعاندا، تاۋەلسىز ەلدەر دوستاستىعى حاۋىپسىزدىك شارت ۇيىمىنىڭ تەز اڭىر ٴبىلدىرۋ قوسىنى قازاننىڭ 8-كۇنىنەن باستاپ ارمەنيادا «سەلبەستىك2017» اتتى بىرلەسپە اسكەري مانيۆەرىن وتكىزدى. بۇل مانيۆەر تاۋەلسىىز ەلدەر دوستاستىعى حاۋىپسىزدىك شارت ۇيىمىنىڭ «سوعىستاعى باۋىرلاستار ماحابباتى-2017» اتتى كەڭ كولەمدى ىستراتەگيالىق مانيۆەرىنىڭ قۇرامداس بولەگى.


    رەسەي مەملەكەت قورعانىس مينيسترلىگىنىڭ توراپ حابارىندا بىلاي دەلىندى: «سوعىستاعى باۋىرلاستار ماحاباتى-2017» اتتى ىستراتەگيالىق مانيۆەر 3- قازاننان 20-قاراشاعا دەيىن وتكىزىلەدى، 120 مىڭ اسكەر مانيۆەرگە قاتىناسادى، 1500 دەن ارتىق اسكەري تەحنيكا جابىدىعى مەن 90 نان ارتىق ايروپلان ىستەتىلەدى.

    
    تاۋەلسىز ەلدەر دوستاستىعى حاۋىپسىزدىك ۇيىمى 2002-جىلى مامىر ايىندا قۇرىلعان. 1992-جىلى قول قويىلعان تاۋەلسىز ەلدەر دوستاستىعى حاۋىپسىزدىك شارت ۇيىمىنان وزگەرتىلگەن. رەسەي، بەلوروسسيا، قازاقستان، تاجىكستان، ارمەنيا، قىرعىزستان قاتارلى 6 مۇشە ەلى بار.


    اۋدارعان: ارداق ابيدەن قىزى