ا ق ش-نىڭ جازانى اۋىرلاتۋ ارقىلى سولتۇستىك كورەيانى قىساۋى ناتيجەسىز اياقتالادى
كەلۋقاينارى: |جاۋاپتى رەداكتور: | جاڭالانعان ۋاقىت:2018-03-11 19:41:00


    شينحۋا اگەنتتىگىنىڭ حابارى. سولتۇستىك كورەيا ەڭبەك پارتياسى ورتالىق كوميتەتىنىڭ ورگان گازەتى «ەڭبەك اقپاراتىندا» 10-ناۋرىز كۇنى اۆتورلى شولۋ جاريالانىپ، ا ق ش-نىڭ تاياۋدان بەرى سولتۇستىك كورەياعا جازانى كۇشەيتكەندىگىن جازعىرىپ، «ا ق ش-نىڭ جازانى اۋىرلاتۋ ارقىلى سولتۇستىك كورەيانى قىساۋى ناتيجەسىز اياقتالادى»،-دەدى.


    ماقالادا بىلاي دەلىندى: تاياۋدا ا ق ش سولتۇستىك كورەيا مەن ٴۇشىنشى ەلگە جازاسىن تاعى دا كەڭەيتىپ، سولتۇستىك كورەيامەن باسقا ەلدەردىڭ قالىپتى حالىقارالىق ساۋداسىنا كەسە-كولدەنەڭ بولدى، بۇل حالىقارالىق زاڭعا كوپە-كورنەۋ قايشى كەلگەن يەلىك ۇقىققا سۇعاناقتىق جاساۋ قىلىعى. ا ق ش جازالاۋ جانە قۇرساۋلاۋ ارقىلى، سولتۇستىك كورەيانى وقشاۋلاپ، تۇمشالاپ، السىرەتىپ، ونى باعىندىرۋ نيەتىنە سالىندى. قازىر ا ق ش جازالاۋمەن اسكەري جاقتان قىسىم تۇسىرۋگە جانتالاسا كىرىسۋدە، الايدا ٴار قانداي اسكەري كۇش، جازالاۋ جانە قۇرساۋلاۋ سولتۇستىك كورەيانى قورقىتا المايدى.