ا ق ش، انگليا جانە فرانسيا ەلدەرىنىڭ اسكەري ارەكەتى زاڭسىز دەگەن كۇدىك تارالۋدا
كەلۋقاينارى:جۇڭگو قازاق راديو تورابى |جاۋاپتى رەداكتور:داۋىل | جاڭالانعان ۋاقىت:2018-04-16 15:36:00


شينحۋا اگەنتتىگىنىڭ حابارى: ا ق ش، انگليا جانە فرانسيا ءساۋىردىڭ 14- كۇنى سىرياداعى كوپتەگەن ۇكىمەت جانە اسكەري ورىنداردى اۋەدەن بومبىلادى. وسى رەتكى اسكەري ارەكەتتىڭ زاڭعا ساي نە ەمەستىگى ءىشىنارا ەلدەردى كۇدىكتەندىردى.


انگلياداعى قارسى پارتيا بولعان ەڭبەك پارتياسىنىڭ كوسەمى كولبين بىلاي دەدى: انگليا اسكەري ارەكەت ورىستەتۋدەن بۇرىن پارلامەنتتىڭ ماقۇلداۋىنا قول جەتكىزۋى ءتيىس، ۇيتكەنى «وسى رەتكى اسكەري ارەكەت زاڭسىز» دەگەن كۇدىك بار، سىريانىڭ قىسىلتاياڭ جاعدايىن ونان ارى ۋشىقتىرۋى مۇمكىن. انگليا ەركىن دەموكراتتار پارتياسىنىڭ كوسەمى كابۋل مالىمدەمە جاريالاپ بىلاي دەدى: انگليانىڭ باس ءۋازىرى وسى رەتكى ارەكەتتەن بۇرىن انگليا پارلامەنتىنىڭ ريزالىعىن الۋعا ءوتىنىش بەرۋى كەرەك ەدى.


يراننىڭ ەڭ جوعارى رۋحاني كوسەمى حامەنەي ءساۋىردىڭ 14- كۇنى مالىمدەمە جاريالاپ، ا ق ش، انگليا، فرانسيا ەلدەرىنىڭ سىريانى سوققىلاۋى «زاڭسىز ارەكەت» دەدى. يراننىڭ پرەزيدەنتى رۋحاني سول كۇنى بىلاي دەدى: ا ق ش، انگليا، فرانسيا ەلدەرىنىڭ سىريانى سوققىلاۋىنان وسى ءوڭىر بۇرىنعىدان دا ميشا بىلىعاتىن بولدى.


كۋبانىڭ سىرتقى ىستەر مينيسترلىگى ءساۋىردىڭ 14- كۇنى مىناداي مالىمدەمە جاريالادى: بۇل ا ق ش- تىڭ سىريا ۇكىمەتى جاي بۇقاراعا حيميالىق قارۋ قولداندى دەگەن جەلەۋمەن ب م ۇ حاۋىپسىزدىك القالار كەڭەسىنىڭ جۇلگەسىنەن سىرت قولدانعان «سىڭار جاقتىلى» شاراسى، «ب م ۇ ۋستاۆىنا» قايشى.


ۆەنەسۋەلانىڭ پرەزيدەنتى مادۋرو ءساۋىردىڭ 14- كۇنى ا ق ش، انگليا، فرانسيا ەلدەرىنىڭ سىريانى سوققىلاعاندىعىن قاتاڭ جازعىرىپ، مۇنىسى قىلمىستى ارەكەت، ا ق ش پەن وداقتاستارىنىڭ بۇل رەتكى ارەكەتى حالىقارالىق زاڭعا بۇكىلدەي قايشى، تەررورلىققا جاتادى،- دەدى.


اۋدارعان: امانتاي مۇسايىپ ۇلى