پەن ۋارتون جۇڭگو مەن ا ق ش- تىڭ باسشىلار ءماجىلىسى ا ق ش- تا اشىلدى
كەلۋقاينارى:جۇڭگو قازاق راديو تورابى |جاۋاپتى رەداكتور:داۋىل | جاڭالانعان ۋاقىت:2018-04-16 15:37:00


شينحۋا اگەنتتىگىنىڭ حابارى: 2018- جىلعى پەن ۋارتون جۇڭگو مەن ا ق ش- تىڭ باسشىلار ءماجىلىسى ءساۋىردىڭ 14- كۇنى ا ق ش- تىڭ فيلادەلفيا قالاسىندا اشىلدى. ماجىلىسكە قاتىناسقاندار بىلاي دەدى: جۇڭگو مەن ا ق ش كەزەكتە ءبىر باعىتتا ىلگەرىلەۋى كەرەك، مىنە بۇل ەكى ەلدىڭ ءارى دۇنيە جۇزىندەگى حالىقتاردىڭ باقىتى.


ا ق ش پەنسيلۆانيا ۋنيۆەرسيتەتى ۋارتون ساۋدا ينيستيتۋتىنىڭ باستىعى جەفرەي. گارەت ءماجىلىستىڭ باستالۋ سالتىندا بىلاي دەدى: جۇڭگونىڭ دامىپ وزگەرۋ قارقىنىنىڭ تەزدىگى دۇنيەنىڭ دامۋ تاريحىندا سيرەك كەزدەسەدى، ا ق ش سياقتى باتىستاعى ەلدەردى تاڭ قالدىردى، ا ق ش پەن جۇڭگو قاتىناسىنىڭ دامۋى دا ءار سالاداعىلاردىڭ قىزۋ تالقى تاقىرىبىنا اينالدى. جۇڭگو مەملەكەتتىك حالىق قۇرىلتايى سىرتقى ىستەر كوميتەتىنىڭ ورىنباسار مەڭگەرۋشى جوراسى فۋ يىڭ بىلاي دەدى: ءارقانداي وركەنيەت ءوزىنىڭ بوگەنايى بولەك يدەيالىق تاڭباسىن قالدىرادى، ال جۇڭگولىقتاردىڭ يدەيالىق مۇراسى-سوعىسقا قۇمارتۋ ەمەس، قايتا بەيبىتشىلىكتى قاستەرلەپ، ورنىقتىلىقتى ساقتاۋ.


پەن ۋارتون جۇڭگو- ا ق ش باسشىلار ءماجىلىسىن ا ق ش- تىڭ پەنسيلۆانيا ۋنيۆەرسيتەتىندەگى ۋارتون ساۋدا ينيستيتۋتىنىڭ وقۋشىلارى 2016- جىلى ورتاعا قويعان بولىپ، ا ق ش- تاعى وقۋشىلار ۇيىمداستىرعان ەڭ كولەمدى جوعارى جىك تالقىسى، ول ءار جىلى جۇڭگو مەن ا ق ش- تىڭ ساياسي، ساۋدا، ءىلىم سالاسىنداعى قايراتكەرلەردى، سونداي- اق ا ق ش- تىڭ ءارقايسى ۋنيۆەرسيتەتتەرىندەگى ستۋدەنتتەردى باۋراۋدا.


اۋدارعان: امانتاي مۇسايىپ ۇلى