يراق بۇقاراسى جينالىس وتكىزىپ، ا ق ش، انگليا، فرانسيا ەلدەرىنىڭ سيريانى اۋەدەن بومبىلاعاندىعىنا قارسىلىق ءبىلدىردى
كەلۋقاينارى:جۇڭگو قازاق راديو تورابى |جاۋاپتى رەداكتور:داۋىل | جاڭالانعان ۋاقىت:2018-04-16 17:11:00


شينحۋا اگەنتتىگىنىڭ حابارى. يراقتاعى قالىڭ قاۋىم 15-ءساۋىر كۇنى استانا باعداتتا جينالىس وتكىزىپ، ا ق ش، انگليا، فرانسيا ەلدەرىنىڭ سيرياعا اسكەري شابۋىل قوزعاعاندىعىنا قارسىلىق ءبىلدىردى.سول كۇنى تۇستەن كەيىن، جينالىس باعداتتىڭ قالا ورتالىعىنداعى ازاتتىق الاڭىندا وتكىزىلدى. يراق بۇقاراسى قولدارىنا يراق پەن سيريا ەكى ەلىنىڭ مەملەكەت تۋلارىن كوتەرىپ، «ا ق ش-نىڭ قىلىعىنا جول قويمايمىز»، «ا ق ش دەموكراتيانى جەلەۋ ەتىپ، سيريا حالقىن قىرعىندادى» دەگەن ۇرانداردى كوتەرىپ، ا ق ش باس بولعان باتىس ەلدەرىنىڭ سيريانى اۋەدەن شابۋىلداعاندىعىن جازعىردى. قيمىلدى ۇيىمداستىرۋشى شەيح حۇسايىن.سايد تىلشىگە بىلاي دەدى: ا ق ش، انگليا، فرانسيا ەلدەرىنىڭ سيرياعا اسكەري شابۋىل قوزعاۋى اشىقتان-اشىق شاپقىنشىلىق جاساعاندىق، حالىقارالىق زاڭعا جانە ادامگەرشىلىك ولشەمگە قايشى.


اۋدارعان: گۇلنۇر قابىلقاق قىزى