جۇڭگونىڭ ساۋدا ونىمدەرىنەن كەدەن باجىسىن ۇستەمەلەپ الۋ ۇسىنىسى جونىندە الەۋمەتتىك قۇلاق قاعىس ەتۋ ٴماجىلىسى اشىلادى
كەلۋقاينارى:جۇڭگو قازاق راديو تورابى |جاۋاپتى رەداكتور:ايناگۇل | جاڭالانعان ۋاقىت:2018-05-16 10:24:00


    شينحۋا اگەنتتىگىنىڭ حابارى: ا ق ش ساۋدا ۋاكىلدەر كەڭسەسى مامىردىڭ 14-كۇنى مالىمدەمە جاريالاپ بىلاي دەدى: وسى قۇرلىم مامىردىڭ 15-كۇنىنەن 17-كۇنىنە دەيىن ا ق ش ىنىڭ 50 ميلليارد امەريكا دوللارىندىق جۇڭگونىڭ ساۋدا ونىمدەرىنەن كەدەن باجىسىن ۇستەمەلەپ الۋ ۇسىنىسى جونىندە الەۋمەتتىك قۇلاق قاعىس ەتۋ ٴماجىلىسىن اشادى. ا ق ش ىنىڭ نەگىزگى ساۋدا سالاسى توبى جۇىقتان بەرى ارت-ارتىنان جازباشا پىكىر تاپسىرىپ، ا ق ش ۇكىمەتىنىڭ جۇڭگوعا قاراتقان كەدەن باجى جوسپارىن سىڭار جاقتىلى اتقارعاندىعىنا كۇشتى قارسىلىقٴبىلدىرىپ، كەدەن باجىسىن ۇستەمەلەپ الۋ ا ق ش ىنىڭ جاساۋ، يمپورت-ەكسپورت ەتۋ سالاسىن سونداي-اق تۇتىنۋشىلار مۇددەسىن زياندايتىندىعىن ەسكەرتتى.


    جۋىقتا عانا جاريالانعان قۇلاق قاعىس ەتۋ ٴماجىلىسى كۇن تارتبىنە ساي،ٴۇش كۇننەن بەرى ا ق ش جۇڭگو ساۋدا سالاسى، ادۋاكات ورنى، كاسىپ قوعامى قاتارلى سالالاردان بارعان 120 دان ارتىق ۋاكىل قۇلاق قاعىس ەتۋ ماجىلىسىنە قاتىناسادىٴارى پىكىرلەرىن بىلدىرەدى.


    تانىستىرۋعا قاراعاندا، مامىردىڭ 14-كۇنىنە دەيىن، ا ق ش ساۋدا ۋاكىلدەر كەڭسەسى جۇڭگوعا قاراتىلعان كەدەن باجىسى تۋرالى ۇسىنىستان 2700 پارشا جازباشا پىكىر قابىلداعان، ونىڭ كوبى ا ق ش ۇكىمەتىنىڭ جۇڭگو ونىمدەرىنەن كەدەن باجىسىن ۇستەمەل الۋىنا قارسى تۋرعان حاتتار.


    ا ق ش نەگىزگى ساۋدا سالاسى توبى جازباشا حاتىندا كەدەن باجىسىن ۇستەمەلەپ الۋدىڭ جۇڭگو شارۋاشىلىعى مەن كاسبورىندارىنا ٴتيىمسىز ەكەندىگىن ەسكەرتكەن. ا ق ش جۇڭگو ساۋدا مەملەكەتتىك كوميتەتىنىڭ جازباشا پىكىرىندە بىلاي دەلىندى: سىڭار جاقتىلى كەدەن باجى شاراسىن اتقارۋ ا ق ش پەن جۇڭگونىڭ ساۋدا ماسەلەسىن شەشپەيدى، كەرسىنشە ا ق ش كاسپورىندارى مەن تۇتىنۋشىلارىن ەكونوميكالىق زيانعا ۇشىراتادى. ا ق ش مەملەكەتتىك سىرتقى ساۋدا القالار قوعامى دا بىلاي دەپ قارادى، كەدەن باجىسىن ۇستەمەلەۋ ا ق ش ىنىڭ جاساۋ، قىزمەت وتەۋ سالاسى مەن تۇتىنۋشىلار مۇددەسىن زياندايدى.


اۋدارعان: ارداق ابيدەن قىزى