سىرتقى ىستەر مينيسترلىگىنىڭ مالىمدەمەشىسى اق ش-ىڭ جۇڭگونىڭ امەريكاعا ەكسپورت ەتەتىن قۇنى 200 ميلليارد امەريكا دولىلارىندىق ونىمىنەن كەدەن باجىسىن ۇستەمەلەپ الۋ تىزىمدىگىنە قاراتا اڭىس ٴبىلدىردى
كەلۋقاينارى:جۇڭگو قازاق راديو تورابى |جاۋاپتى رەداكتور: | جاڭالانعان ۋاقىت:2018-07-12 10:28:00


    ٴوز حابارىمىز: ساۋدا ىستەرمينيسترلىگىنىڭ مالىمدەمەشىسى شىلدەنىڭ 11-كۇنى جۇڭگونىڭ امەريكاعا ەكسپورت ەتەتىن قۇنى 200 ميلليارد امەريكا دوللارىندىق ونىمىنەن كەدەن باجىسىن الۋ تىزىمدىگىنە قاراتا اڭىىس ٴبىلدىردى.

    مالىمدەمەشىسى بىلاي دەپ كورسەتتى: ا ق ش جاقتىڭ قارقىندى تەزدەتىپ، دەڭگەيىن جوعارىلاتۋ فورماسىمەن كەدەن باجىسىن ۇستەمەلەپ الاتىن ونىمدەردىڭ تىزىمدىگىن جاريالاۋىن قابىلداي الماايمىز ٴارى قاتاڭ قارسىلىق ٴبىلدىرەمىز. اق ش-نىڭ ارەكەتى جۇڭگوعا جانە تۇتاس دۇنيەگە زيان جەتكىزىپ وتىر، سونىمەن قابات ٴوزىن دە زياندايدى، مۇنداي اقىلعا سيمايتىن ارەكەتكە جول بەرمەيىمىز.


    مالىمدەمەشى بىلاي دەدى: جۇڭگو اق ش-نىڭ ارەكەتىنەن قاتتى تىكسىنەدى، مەملەكەتتىڭ وزەكتى مۇددەسى مەن حالىقتىڭ مۇددەسىن ورعاۋ ٴۇشىن، جۇڭگو ۇكىمەتى اۋەلگىدەي قاجەتتى قارسى شارا قولدانادى. سونىمەن قابات، ٴبىز حالىقارالىق قوعامدى، ەركىن ساۋدا ٴتارتىبى مەن كوپ جاقتىلى ساۋدا تۇزىلىسىن ورتاق قورعاپ، ساۋداداعى زورەكەرلىك ارەكەتتەرىنە بىرلىكتە قارسى تۇرۋعا ۇندەيمىز. سونىمەن بىرگە اق ش-نىڭ سىڭار جاقتىلى ارەكەتى جونىندە ٴبىز دۇنيە ساۋدا ۇيىمىنا تاعى دا ۇستەمەلەي شاعىم بەرەمىز.


    سىرتقى ىستەر مينيسترلىگىنىڭ مالىمدەمەشىسى حۋا چۇنيىڭ شىلدەنىڭ 11-كۇنى بىلاي دەدى: اق ش-نىڭ ارەكەتى تيىپتىك ساۋداداعى زورەكەرلىككە جاتادى. جۇڭگو قاجەتتى قارسى تۇرۋ شاراسىن قولدانىپ، ٴوزىنىڭ لايىقتى زاڭدى مۇددەسىن باتىل قورعايدى. مەن بۇل ٴبىر رەتكى سىڭار جاقتىلىق پەن كوپ ۇيەكتەنۋ، قورعانىمپازدىق پەن ەركىن ساۋدا،وكتەمدىك پەن تارتىپ اراسىنداعى شايقاس ەكەندىگىن قايتالاي باسا دارىپتەيمىن. حالىقارالىق قوعام ورتاق قۇلشىنىپ، سىڭار جاقتى ارەكەتتى باتىل تەجەپ، قورعانىمپازدىققا قارسى تۇرىپ، كوپ جاقتىلى ساۋدا تۇزىلىسى مەن ەركىن ساۋدا ەرەجەسىن قورعاۋى قاجەت. بۇل جاۋاپكەرشىلىكتى ەل رەتىندە ٴبىزدىڭ ارقالاۋعا ٴتيىسى بورشىمىز جانە جاۋاپكەرشىلىگىمىز.

اۋدارعان: سەرىك راقىم ۇلى