جۇڭگو مەن اراب ەلدەر سەلبەستىگى تالقىسىنىڭ 8-كەزەكتى مينيستر دارەجەلىلەر ٴماجىلىسى سۇبەلى تابىستارعا قول جەتكىزدى
كەلۋقاينارى:جۇڭگو قازاق راديو تورابى |جاۋاپتى رەداكتور: | جاڭالانعان ۋاقىت:2018-07-12 15:41:00

 

    ٴوز حابارىمىز: سىرتقى ىستەر مينيسترلىگىنىڭ مالىمدەمەشىسى حۋا چۇنيىڭ 11-شىلدە كۇنى وتكىزىلگەن داعدىلى تىلشىلەر ماجىلىسىندە بىلاي دەدى: جۇڭگو مەن اراب ەلدەر سەلبەستىك تالقىسىنىڭ 8-كەزەكتى مينيستر دارەجەلىلەر ٴماجىلىسى تاريحتا جاڭالىق جاراتقان، بولاشاق جوسپارلانعان، سەلبەستىك تۇيىن ەتىلىپ، بەيبتشىلىك جەبەلگەن ٴماجىلىس بولىپ، سۇبەلى تابىستارعا قول جەتكىزدى ٴارى جۇڭگو مەن اراب ەلدەرى سەلبەستىگىنىڭ جاڭا داۋىردەگى العا باسۋىنىڭ دابىلىن قاقتى.


    حۋا چۇنيىڭ تانىستىرىپ بىلاي دەدى: ٴماجىلىستىڭ شىلدەنىڭ 10-كۇنى وتكىزىلگەن اشىلۋ سالتىندا ٴتوراعا شي جينپيڭ ماڭىزدى ٴسوز سويلەپ، جۇڭگو مەن اراب ەلدەرىنىڭ جالپى بەتتىك سەلبەسكەن، ورتاق دامىعان، بولاشاقتى بەتكە العان ستراتەگيالىق سەرىكتەستىك قاتىناس ورناتقاندىعىن جاريالادىٴارى جۇڭگو مەن اراب ەلدەرىنىڭ«ٴبىر بەلدەۋ ٴبىرجولدى» سەلبەسە ورتاق قۇرۋى جونىندە كوپتەگەن كورەگەن، جاڭاشا جانە ٴورىسى كەڭ ماڭىزدى قۋاتتامالار العا قويىپ، جۇڭگو مەن اراب ەلدەرى قاتىناسىنىڭ دامۋىنا تىڭ پاراق اشىپ، العا باسۋ باعىتىن كورسەتىپ بەردى. سول كۇنى تۇستەن كەيىن جۇڭگو مەن اراب ەلدەرىٴار سالاداعى سەلبەستىك جايىندا جۇزدەن ارتىق ورتاق تانىمعا كەلدى. ەكى جاق « بەيجيىڭ جارناماسى»،« تالقىنىڭ 2018-جىلدان 2020-جىلعا دەيىنگى ارەكەتتى اتقارۋ جوسپارى» جانە« جۇڭگو مەن اراب ەلدەرىنىڭ ٴبىر بەلدەۋ ٴبىر جول قۇرلىسىن سەلبەسىپ ورتاق قۇرۋ ارەكەت جارناماسى» قاتارلى ماڭىزدى ٴۇش تابىس حۇجاتىنا قول قويىپ، جۇڭگو مەن اراب ەلدەرى قاتىناسىنىڭ بۇدان كەيىنگى ٴبىر مەزگىلدەگى دامۋىنا انىق، جۇيەلى، كەمەلدى جوسپار جاساپ بەردى.


    حۋا چۇنيىڭ بىلاي دەدى: «بەيجيىڭ جارناماسىندا» جۇڭگو مەن اراب ەلدەرى ستراتەگيالىق سەرىكتەستىك قاتىناسىنىڭ مازمۇنى باسا بايىمدالىپ، ەكى جاق قاتىناسى مەن كوللەكتيۆ سەلبەستىگىن تەرەڭدەتۋ باعىتى ايقىندالدى، «تالقىنىڭ 2018-جىلدان 2020-جىلعا دەيىنگى ارەكەتتى اتقارۋ جوسپارىندا» شارۋاشىلىق-ساۋدا، ونەركاسىپ، ەنەرگيا، مادەنيەت قاتارلى 20 عا جۋىق سالانى قامتىعان سەلبەستىك جونىندە جاڭا جوبا مەن تىڭ شارالار ورتاعا قويىلدى، ال«جۇڭگو مەن اراب ەلدەرىنىڭ ٴبىر بەلدەۋ ٴبىر جول قۇرلىسىن سەلبەسىپ ورتاق قۇرۋ ارەكەت جارناماسىندا» ٴبىر بەلدەۋ ٴبىرجول قۇرلىسىنىڭ باستاماشىلىق رولى كورنەكتىلەندىرىلدى. ەكى جاق تاعى «ٴبىر بەلدەۋ ٴبىرجول» قۇرىلىسىن جەبەۋدەگى تۇيىندى سالا، الدىمەن ويلاساتىن باعىت، ارەكەت شاراسى قاتارلىلار جايىندا ورتاق تانىمعا كەلدى.

اۋدارعان: گۇلميرا قوزىقان قىزى