جۇڭگو قالالارى مەن ا ق ش چيكاگو قالاسىنىڭ 2018-جىلعى قارجى قوسۋ سەلبەستىك تالقىسى بەيجيڭدە وتكىزىلدى
كەلۋقاينارى:جۇڭگو قازاق راديو تورابى |جاۋاپتى رەداكتور: | جاڭالانعان ۋاقىت:2018-07-12 15:42:00

 

    ٴوز حابارىمىز: جۇڭگو قالالارى مەن ا ق ش چيكاگو قالاسىنىڭ 2018-جىلعى قارجى قوسۋ سەلبەستىك تالقىسى 11-شىلدە كۇنى بەيجيڭدە وتكىزىلدى، ەلىمىزدەن سەگىز قالا ا ق ش نىڭ چيكاگو قالاسىمەن « 2018-جىلدان 2023-جىلعا دەيىنگى بەس جىلداعى تۇيىندى كاسىپ سەلبەستىك جوسپارىنا» قول قويىپ، ەمدەۋ اقاۋسىزدىعى، وزىق جاساۋ قاتارلى سالادا سەلبەستىك نىعايتاتىن بولدى.


    سەلبەستىك جوسپارىنا ساي بەيجيىڭ، شاڭحاي، تيانجين، چيڭداۋ قاتارلى سەگىز قالا ا ق ش-نىڭ چيكاگو قالاسىمەن ەمدەۋ اقاۋسىزدىعى، وزىق جاساۋ كاسىبى، جاڭا تەحنيكا قاتارلى سالادا كاسىپتى نەگىزگى جەلى ەتكەن قوس باعىتتى قارجى قوسۋدى جەبەۋ تەكشەسىن قۇراتىن بولدى.


    جۇڭگو ساۋدا ىستەر مينيسترىنىڭ كومەكشىسى لي چىڭگاڭ بىلاي دەدى: ساۋدا ىستەر مينيسترلىگى ا ق ش ىنداعى ٴار قايسى ىشتات، قالالارمەن شارۋاشىلىق-ساۋدا دوستىق قاتىناسىن دامىتۋعا ٴمان بەرەدى، چيكاگو قالاسى جۇڭگو كاسپورىندارىنىڭ ا ق ش ىنا قارجى قوسۋىنداعى دانەكەرگە اينالدى، كەزەكتەگى جاعدايدا ۋاكىلدەر ۇيىرمەسىنىڭ ساپارى ا ق ش جەرلىك ۇكىمەتتەرى مەن كاسىپ سالاسىنىڭ ەكى ەل شارۋاشىلىق-ساۋدا سەلبەستىگىنىڭ بولاشاعىنا سەنىممەن قارايتىندىعىن كورسەتتى. ول بىلاي دەدى: جۇڭگو مەن ا ق ش-نىڭ ٴوزارا كولەمدى كەدەن باجىسىن الۋدى جاريالاۋى-ەكى جاقتىڭ ساۋدا ٴبولىس جاعدايىن بۇلدىرىپ، ەكى ەل كاسپورىندارىنىڭ مۇددەسىن زيانعا ۇشىراتتى، ساۋدا تالاسىندا جەڭمپاز بولمايدى، سەلبەستىك عانا ەكى ەلدىڭ بىردەن-ٴبىر دۇرىس تالعامى.


    چيكاگو قالاسىنىڭ باستىعى رامۋ بىلاي دەدى: بولاشاق بەس جىلدا ٴبىز تىپتى دە زور دامۋعا قول جەتكىزەمىز اسىرەسە دۇنيەدەگى ٴىشنارا جاعدايلار جونىنەن الىپ قاراعاندا ٴبىزدىڭ سەلبەستىگىمىز ەرەكشە ماڭىزدى، ٴبىز قارسىلاسۋدان بارىنشا ساقتانامىز، بۇل جونىندە سەنىمىزدە تولىق، ٴبىز سەلبەستىكتەگى باسەكەلەستەرمىز.

اۋدارعان: گۇلميرا قوزىقان قىزى