جۇڭگونىڭ بوتسۆاناداعى ەمدەۋ اترەتى
كەلۋقاينارى: |جاۋاپتى رەداكتور: | جاڭالانعان ۋاقىت:2018-08-06 17:00:00



«جارايسىىڭدار، ازاماتتار» ،- 90 مينۋتتىق كوكتامىردىڭ ىشكى وپەراتسيا قاربالاستىعى اياقتاعاننان كەيىن، بوتسۆانانىڭ سەستىرالارى باس مارماعىن شىعارىپ، جۇڭگودان كەلگەن 3 شيپاگەرگە قۇتتىقتاۋ ايتتى.

بۇل ازاماتتار جۇڭگودان بوتسۆاناعا كومەككە بارعان ەمدەۋ اترەتىنىڭ مۇشەلەرى، ولاردىڭ ەسىمدەرى چىن شايميىن، چيۋ حۋاجي جانە چىن جىفىن ەدى، ۇشەۋى دە فۋجيەن ولكەسىنىڭ ادامى، ٴارقايسىسىنىڭ ماماندىعى جەكە-جەكە بۇيرەك ىشكى اۋرۋلار ٴبولىمى، سۇيەك ٴبولىمى جانە ىشەك سىرتقى ٴبولىمى سىندى كاسىپتىك سالادان. وسى رەت ولار بوتسۆانانىڭ استاناسى گابورونىنىڭ مارينا حانشا دەگەن ەمحاناسىندا كوكتامىر ىشكى وپەراتسياسىن جاساۋى ٴبىر رەتكى تىڭ باستاما ەسەپتەلمەك، وسىدان بۇرىن، بۇكىل بوتسۆانا ەلىندە ەشقانداي شيپاگەر بۇل وپەراتسيانى جاساپ كورمەگەن، ناۋقاس داعدى بويىنشا ٴاسىلى وڭتۇستىك افريكاعا جوتكەلۋى ٴتيىس ەدى.

ناۋقاس جاعدايى اۋىر، باسقا جەرگە جوتكەپ ەمدەۋ كۇردەلى، تىپتى بۇرىندارى ناۋقاس ٴبىر جىلدان ارتىق ۋاقىت جۇمساپ، ارەڭ دەگەندە باسقا جەرگە جوتكەلەتىن، وسىلاردى ەسكەرگەن 3 جۇڭگولىق شيپاگەر قۇنىتتاپ زەرتتەۋلەر جۇرگىزىپ، حانشا ەمحاناسىندا ناۋقاسقا وپەرتسيا جاساۋدى بەكىتكەن بولاتىن. وپەراتسيا ٴساتتى اياقتالدى، وپەراتسيا بارىسى مەن وپەراتسيادان كەيىن دە ٴونىمى جاقسى بولدى.


شيپاحانانىڭ بۇيرەك ىشكى اۋرۋلار ٴبولىمنىڭ جاۋاپتىسى شيە حى ەمدەۋ اترەتىنىڭ ەلدەن ەرەك جوعارى تەحنيكاسىن القاپ ماداقتادى. ول بىلاي دەدى: بۇل وپەراتسيانىڭ ٴساتتى ورىندالۋىنىڭ ٴمانى ەرەكشە دەۋگە بولادى، تەك وسى ٴبىر وپەراتسيانىڭ ٴوزى ۇكىمەت ٴۇشىن 20 مىڭ امەريكا دولارىندىق قاراجات ۇنەمدەدى، سونداي-اق بۇل ەلىمىزدىڭ وسى تۇردەگى وپەراتسيادا تىڭ ناتيجە جاراتۋى ەسەپتەلىپ، جۇڭگولىق شيپاگەرلەردىڭ كومەگى ايرىقشا قىمباتتى بولعان.


بوتسۆانا افريكانىڭ وڭتۇستىگىنە ورنالاسقان بولىپ، بۇكىل جەرشارى بويىنشا ايدىسپەن جۇعىمدالۋ مولشەرى ەڭ جوعارى ەلدىڭ ٴبىرى. ەلىمىز 1981-جىلدان باستاپ بوتسۆاناعا ەمدەۋ اترەتىن جىبەرىپ كەلەدى، قازىرگە دەيىن، جالپى 15 توپتا جيىنى 464 ادام رەت شيپاگەر جىبەرگەن. ولار شەبەر ەمشىلىك ونەرىمەن جەرلىك ۇكىمەتتىڭ جانە حالىقتىڭ سەنىمى مەن قۇرمەتىنە يە بولىپ عانا قالماستان، اسا جاپالى ورتادا سان رەتكى قيىندىقتاردى جەڭىپ، ەمدەۋ جاردەمىن شىنايى ورىندادى.

قازىر بوتسۆانادا ەمدەۋ جاردەم مىندەتىن ورىنداپ جاتقان 15-توپتاعى 46 شيپاگەر بوتسۆانانىڭ استاناسى گابورونداعى مارينا حانشا جانە ەكىنشى ۇلكەن قالاسى فرانسيستۋداعى اڭكاگۆ سىندى ەكى ۇلكەن جوتكەپ ەمدەۋ شيپاحاناسىندا تۇرادى.

بيىل چىن ليەپڭنىڭ بوتسۆانا ەمدەۋ كومەك اترەتىنىڭ باستىعى بولىپ ىستەگەنىنە 3-جىل، ول: ەمدەۋ كومەك اترەتى ٴاركۇنى شۇعىل قۇتقارۋدى قاجەت ەتەتىن جاندارعا كەز بولادى، ٴبىز شىنايى كومەگىمىزبەن جەرلىك تۇرعىنداردىڭ سەنىمىنە يە بولدىق ، بۇل جۇڭگو مەن بوتسۆانا حالىقتارىنىڭ شىنايى دوستىق نەگىزىن بەكەمدەي ٴتۇستى.


اڭكاگۆ شيپاحاناسى بوتسۆانانىڭ سولتۇستىگىندەگى ەڭ ۇلكەن شيپاحانا، ٴار كۇنى اۋرۋ كورسەتەتىن، شيپاحانا جوتكەۋ جۇمىسىن پىترەتىندەردىڭ اياقالسى ۇزىلمەيدى، مۇنىڭ ىشىندە شۇعىل سالماقتى ناۋقاستار مەن وسپە ناۋقاستارىنىڭ سانى ٴبىرشاما كوپ.
بوتسۆانا ەلىندەگى جالعىز عانا وسپە اۋرۋى شيپاگەرى استانا حانشا شيپاحاناسىندا قىزمەت ىستەيدى، اڭكاگۆ شيپاحاناسىنداعى جۇڭگو ەمدەۋ اترەتىنىڭ مۇشەسى حوۋ پەيفىڭ وسى ەلدىڭ سۇلتۇستىك رايونىنداعى بىردەن ٴبىر وسپە اۋرۋى ارناۋلى شيپاگەرى: بۇكىل ەلدەگى وسپە ناۋقاستارىنىڭ تەڭ جارىمى ماعان جۇكتەلگەنىن ويلاپ تا كورمەپپىن،-دەيدى ول.


2-ٴساۋىر كۇنى، وسپە ٴبولىمى ٴبىر كاببوج وسپەسىمەن قاتار يممۋنيتتىك كەمستىك ۆيرۋسى ساقتالعان ناۋقاستى قابىلدادى، ول شيپاحاناعا قابىلدانعان كەزىندە وكپەسى اۋىر دارەجەدە جۇعىمدالعان بولاتىن. حوۋ پەيفىڭ ٴارقايسى بولىمدەگى شيپاگەرلەرمەن بىرلەسىپ اۋرۋ كورىپ، بىرلىكتە ەمەۋ جۇرگىزىپ، ەكى اپتا ۋاقىتپەن ىسىك قايتارعاننان كەيىن، ناۋقاستىڭ جاعدايى ورنىعىپ شيپاحانادان شىقتى.


حوۋ پەيفىڭ بىلاي دەدى: وسى سياقتى ناۋقاسى سالماقتىلاردىڭ باسىم كوبى دەركەزىندە تەكسەرىلىپ ەمدەلمەگەندىكتەن جاعدايى اۋىرلاسقان، وسپە ناۋقاستارى ٴۇشىن ۋاقىت اسا باعالى، ٴبىز وسى ارادا ناۋقاستارعا كومەكتەسىپ اجالعا اراشاشى بولامىز.


اڭكاگۆ شيپاعاناسىنداعى دوحتىر :جۇڭگونىڭ ەمدەۋ اترەتى كوپتەگەن ەمدەۋ قيىندىقتارىن شەشىم ەتتى، بۇل بوتسۆانا حالقىنا ۇلكەن قامقورلىق بولدى،-دەدى.

 

اۋدارعان: اينۇر گىمىڭعازى قىزى