ٴتوراعا شي جينپيڭ الدا رەسەيدىڭ ۆلاديۆوستوك قالاسىنا بارىپ 4-كەزەكتى شىعىس بولەك شارۋاشىلىق تالقىسىنا قاتىناسادى
كەلۋقاينارى:جۇڭگو قازاق راديو تورابى |جاۋاپتى رەداكتور: | جاڭالانعان ۋاقىت:2018-09-12 09:33:00


    سىرتقى ىستەر مينيسترلىگى 9-ايدىڭ 7-كۇنى جۇڭگو-شەتەل مەديالارىنا قۇلاق قاعىس ەتۋ جيىنىن اشىپ مىنالاردى جاريالادى: ٴتوراعا شي جينپيڭ 9-ايدىڭ 11-، 12-كۇندەرى رەسەيدىڭ ۆلاديۆوستوك قالاسىنا بارىپ 4-كەزەكتى شىعىس بولەك شارۋاشىلىق تالقىسىنا قاتىناسادى. رەسەيدىڭ قيىر شىعىس رايونىنداعى ٴار سالا قايراتكەرلەرى جانە جۇڭگو قانداستار مەن مۇھاجىرلەر تىلشىلىكتى قابىلداعان كەزدەرىندە بىلاي دەدى: ٴتوراعا شي جينپيڭنىڭ 4-كەزەكتى شىعىس بولەك شارۋاشىلىق تالقىسىنا قاتىناسۋىن ٴتورت كوزبەن كۇتەمىز، وسى كەزەكتى شىعىس بولەك شارۋاشىلىق تالقىسىنىڭ جۇڭگو مەن رەسەيدىڭ سەلبەستىگىن، اسىرەسە جۇڭگونىڭ رەسەي قيىر شىعىس رايونىمەن بولعان ناقتىلى سەلبەستىگىن تەز قارقىنمەن ىشكەرىلەي داميتىن تىڭ كەزەڭگە شىعاراتىندىعىنا سەنەمىز.


    رەسەي قيىر شىعىس فەدراتسيالىق ۋنيۆەرسيتەتى سىرتقى ىستەر مەكتەپ باستىعىنىڭ ورىنباسارى ۆيكتوريا. پانوۋا تىلشىگە بىلاي دەدى: قىمباتتى قوناقتاردى ٴۇيىمىزدىڭ جانىندا قارسى الاتىندىعىمىزعا قۋانىپ تۇرمىن، ٴتوراعا شي جينپيڭنىڭ 4- كەزەكتى شىعىس بولەك شارۋاشىلىق تالقىسىنا قاتىناسۋى ٴبىز جونىنەن كەلەلى مانگە يە. ٴتوراعا شي جينپيڭنىڭ قادام تاستاۋىنان جۇڭگو مەن رەسەيدىڭ دوستىق قاتىناسىنىڭ تاعى ٴبىر ساتى جوعارىلاۋىن كۇتەمىز. رەسەي مەن جۇڭگونىڭ ٴتىپتى دە كوپ سەلبەستىك كومەسكى كۇشىن اشىپ، بۇرىننان بار نىسانداردىڭ ومىرشەڭدىگىن اسىرىپ، جاڭا سەلبەستىكتىڭ تياناقتانۋىن ٴۇمىت ەتەمىز.


    بەرتىنگى جىلداردان بەرى، جۇڭگو مەن رەسەي قيىر شىعىستى اشۋ سەلبەستىگىندە كورنەكتى ونىمدىلىككە قول جەتكىزىپ، بۇل ەكى ەلدىڭ جەرلىكتەر سەلبەستىگىنىڭ ماركاسىنا اينالدى. جۇڭگو ٴۇرتىس كوپ جىل بويى رەسەي قيىر شىعىس رايونىنىڭ 1- ٴىرى ساۋدا سەرىگىندىك ورىندى ساقتاپ كەلدى. رەسەي قيىر شىعىس رايونىنىڭ جۇڭگومەن بىلتىرعى ساۋدا سوماسى 7 ميلليارد 770 ميلليون امەريكا دوللارىنا جەتىپ، سىرتقى ساۋدا جالپى سوماسىنىڭ %27.2 ىن ۇستادى. قازىرگە دەيىن جۇڭگو قارجىلى 26 كاسىپورىن قيىر شىعىستاعى سەكىرمەلى دامۋ رايونى مەن ۆلاديۆوستوك ەركىن پورتىنا ىرگە تەپتى.


    موسكۆادان ايروپلانعا وتىرىپ 14 ساعاتتا ۆلاديۆوستوككا جەتكەن ٴسۇن لەي حيلۇڭجياڭ ولكەلىك ساۋدانى جەبەۋ قوعامىنىڭ اشقان قيىر شىعىس رايونىنداعى كاسىپورىنشىلار اڭگىمە ماجىلىسىنە قاتىناستى. رەسەيدىڭ قيىر شىعىسىنداعى جۇڭگولىقتار ونەركاسىپ- ساۋدا بىرلەستىگىنىڭ ٴتوراعاسى بولعان ول جۇڭگودان باردان كوپتەگەن ۋاكىلدەر ۇيىرمەسى مەن كاسىپورىنشىلارعا جاتىن ورىن، مايعا الاتىن كولىك جانە اۋدارماشى ىزدەۋمەن ابىگەر بولدى، ول جۇڭگوداعى كوپتەگەن قاتىستى اڭگىمە ماجىلىسكەدە قاتىناسقان بولاتىن. ول بىلاي دەدى: ۆلاديۆوستوككا ٴبىر جولدا وسىنشاما كوپ تالقىعا قاتىناساتىن قۇرمەتتى قوناق جانە ونەركاسىپ- ساۋدا سالاسىنىڭ قايراتكەرلەرى قاتىناسقان احۋال بۇرىن بولىپ كورمەگەن.


    ٴتوراعا شي جينپيڭ ۆلاديۆوستوككا بارىپ شىعىس بولەك شارۋاشىلىق تالقىسىنا قاتىناسادى، دەگەن حابار قيىر شىعىس رايونعا قونىستانعانىنا 30 نەشە جىل بولعان ٴسۇن لەيدى ەرەسەن شاتتاندىردى ٴارى اڭساتتى. ول بىلاي دەدى: ٴتوراعا شي جينپيڭنىڭ 4- كەزەكتى شىعىس بولەك شارۋاشىلىق تالقىسىنا قاتىناسۋى جۇڭگو مەن رەسەيدىڭ جوعارى دەڭگەيدەگى ساياسي قاتىناسىن تاعى ٴبىر رەت ىسپاتتاپ قالماستان جۇڭگونىڭ رەسەي قيىر شىعىسىن اشۋعا، جۇڭگو مەن رەسەيدىڭ وڭىرلىك اۋىس- كۇيىس، سەلبەستىگىنە باسا ٴمان بەرىپ، ناقتىلى شارالار قولداناتىندىعىنان دەرەك بەرەدى. رەسەي قيىر شىعىستى بارىنشا اشۋ ستراتەگياسىن ورتاعا قويدى، ونىڭ ۇستىنە ۆلاديۆوستوكتا پورت قۇرىپ، ىرگە تەپكەن كاسىپورىندارعا ٴتىپتى دە كوپ ٴتيىمدى ساياسات جاراتتى. ول بىلاي دەپ قارادى: ٴتوراعا شي جينپيڭنىڭ شىعىس بولەك شارۋاشىلىق تالقىسىنا قاتىناسۋى جۇڭگونىڭ قيىر شىعىس رايونمەن سەلبەستىك، اۋىس-كۇيىسكە ٴتىپتى دە ٴمان بەرەتىندىگىن، جۇڭگو كاسىپورىنشىلارىنا ساۋدا ورايىن جاراتىپ، اۋىل شارۋاشىلىعى، بايلىقتاردى اشۋ جانە ساياحات جاقتارىندا رەسەيمەن بەلسەنە سەلبەسەتىندىگىن اڭعارتادى.