سانشي جۇڭگو-ەۋروپا كەزەكشى پويەزى جۇڭگو مەن گەرمانيا ساۋداسىنا تىڭ وراي اپەردى
كەلۋقاينارى:جۇڭگو قازاق راديو تورابى |جاۋاپتى رەداكتور: | جاڭالانعان ۋاقىت:2018-09-12 09:34:00

 

    9-ايدىڭ 4-كۇنى سانشيدەن جولعا شىققان جۇڭگودان ەۋروپاعا باراتىن ەكى كەزەكشى پويەز گەرمانيانىڭ دۋيسبۋرگ تەمىر جول زات تاسىمال ارالىق بەكەتىنە بارىپ توقتادى. بۇل سانشيدەن بارعان جۇڭگو-ەۋروپا كەزەكشى پويەزىنىڭ دۋيسبۋرگكە تۇڭعىش ايالداۋى.


    دۋيسبۋرگ گەرمانيانىڭ باتىسىنداعى رۋر رايونىنا ورنالاسقان، ەۋروپاداعى ماڭىزدى قاتىناس زات اينالىم تورابى بولىپ، دۇنيەدەگى ەڭ ۇلكەن ىشكى وزەن پورتى بار. شانشي ولكەلىك پارتكومنىڭ شۋجيى لو حۇينيڭ كەزەكشى پويەز جەتۋ سالتىندا بىلاي دەدى: سانشي جۇڭگو-ەۋروپا كەزەكشى پويەزى 2017-جىلى ىسكە قوسىلعاننان بەرى، شانشي مەن ەۋروپا ساۋدا بارىس-كەلىسىندەگى «ماڭىزدى كەزەكشى پويەز» بولدى، كەزەكتە «ٴبىر بەلدەۋ، ٴبىر جول» لەنيا بويىنداعى 5 ەلدەگى 10 قالانى قامتيدى. بيىلعى كەزەكشى پويەز سانىن بىلتىرعىدان ٴبىر ەسەلەۋدى جوسپارلاۋدامىز، شانشي «ٴبىر بەلدەۋ، ٴبىر جول» قۇرىلىسىنا بەلسەنە اتسالىسادى.


    تانستىرۋعا قاراعاندا، دۋيسبۋرگكە بارعان ەكى كەزەكشى پويەز 8-ايدىڭ 13-كۇنى شانشيدەن جولعا شىعىپ، مانجۋري كەدەنى ارقىلى رەسەي، بەلۋروس جانە پولشا ەلدەرىن باسىپ، گەرمانياعا جەتەدى. تاسىمالدايتىن باستى تاۋارلارى شانشيدىڭ جەرگىلىكتى كاسىپورىندارىنىڭ گەرمانيا حاريدارلارىن قامدايتىن ونەركاسىپتىك بولشەك ونىمدەر جانە پويەز دوڭگەلەك جۇپتارى.


    تايجۇڭ توبىنىڭ باستىعى ۋاڭ چۋاڭمين تىلشىگە بىلاي دەدى: پويەز دوڭگەلەك جۇپتارى جاعىندا، تايجۇڭ گەرمانيا تەمىر جول سەرىكتىگىن قامداۋ ساۋدا ورىنى تولىمدىلىعىن العان بىردەن-ٴبىر جۇڭگو كاسىپورىنى. بيىل 7-ايدا، گەرمانيا تەمىر جول سەرىكتىگى تايجۇڭ توبىمەن 840 پار پويەز دوڭگەلەك جۇبىن ساتىپ الۋ توقتامىنا قول قويدى، گەرمانيا تەمىر جول سەرىكتىگى زات تاپسىرۋ ۋاقىتىنا اۋىر تالاپ قويعاندىقتان، تايجۇڭ توبى ٴبىر اي ۋاقىتپەن مۇنى ٴوندىرىپ بولدى جانە جۇڭگو-ەۋروپا كەزەكشى پويەزى ارقىلى ونىمدەردى گەرمانياعا جەتكىزدىك، تەڭىز تاسىمالىمەن سالىستىرعاندا تەڭ جارىم ۋاقىتتى ۇنەمدەلەدى. ال ۇقساس كولەمدەگى ونىمدەر ەۋروپاداعى ساۋداگەرلەرگە جارىم جىل دەگەندە جەتكىزىلەدى.


    دۋيسبۋرگ قالاسىنىڭ ورىنباسار باستىعى وسسەنگارد بىلاي دەدى: جاڭا لەنيانىڭ اشىلۋى دۋيسبۋرگتىڭ ەۋروپا زات اينالىم دانەكەرى بولۋداعى ماڭىزدى ورىنىن كۇشەيتىپ، دۋيسبۋرگتىڭ حالىقارالىق شارۋاشىلىق-ساۋدا سەلبەستىگى جاعىنداعى ىقپالىن جوعارىلاتىپ، جۇڭگومەن سەلبەسۋ بايلانىسىن جاقىنداتۋعا سەپتىگىن تيگىزەدى.


    گەرمانيا تەمىر جول سەرىكتىگىنىڭ زاتتاردى ارالىق تاسىمالداۋ تاراۋىنىڭ جاۋاپتىسى شۋلز بىلاي دەدى: جۇڭگو-ەۋروپا كەزەكشى پويەزى گەرمانيا تەمىر جول سەرىكتىگىنە كاسىپتە جەتىلۋدىڭ تىڭ ورايىن اپەردى، گەرمانيا تەمىر جول سەرىكتىگى «ٴبىر بەلدەۋ، ٴبىر جول» قۇرىلىسى جانە جۇڭگو-ەۋروپا كەزەكشى پويەزىنىڭ ىسكە قوسىلۋىن وراي ەتىپ، جۇڭگو كاسىپورىندارىمەن ۇزاق ۋاقىتتىق سەلبەستىك قاتىناس ورناتۋدى ٴۇمىت ەتەدى.


    جۇڭگونىڭ ديۋسسەلدورفتەگى باس كۋنسۋلى فىڭ حايياڭ بىلاي دەدى: ەرىكتى ۇشتاستىرۋ، «ٴبىر بەلدەۋ، ٴبىر جول» قۇرىلىسىنا بەلسەنە اتسالىسۋ ارقىلى شانشي وتكەندەگى ىشكى قۇرىلىقتىق جەردەن باتىسقا ەسىكتى ايقارا اشۋدىڭ الدىڭعى لەگىنە ٴوتتى. دۋيسبۋرگ-باتىس ەۋروپا مەن جۇڭگونى بايلانىستىراتىن ماڭىزدى دانەكەر، جۇڭگو-ەۋروپا تەمىر جولىن سالۋ جانە دامىتۋدا كورنەكتى ورىنعا يە. جۇڭگو-ەۋروپا كەزەكشى پويەزىنىڭ ىسكە قوسىلۋى شانشيدىڭ گەرمانيا جانە ەۋروپامەن ٴوزارا تۇتاسۋىن اناعۇرلىم جەبەيتىندىگىنە سەنەمىن. جۇڭگونىڭ ديۋسسەلدورفتەگى باس كۋنسۋلدىعى كوپىرلىك رولىن تولىق ساۋلەلەندىرىپ، شانشي-دۋيسبۋرگتى قامتىعان جۇڭگو-ەۋروپا كەزەكشى پويەزدەرىنىڭ قاتارىن مولايتىپ، قارقىنىن تەزدەتەدى.


    كەزەكتە، جۇڭگو-ەۋروپا كەزەكشى پويەزىنەن 10 مىڭى قاتىناپ، 800 مىڭ ولشەمدى ساندىقتاعى زاتتى تاسىمالدادى، ەل ىشىندە 48 قالادا قاتىناپ، ەۋروپاداعى 15 مەملەكەتتىڭ 43 قالاسىنا بارادى.