پرەزيدەنت كانديداتى شابۋىلعا ۇشىرادى، برازيليا زور سايلامىنىڭ بولاشاعى بۇلدىر
كەلۋقاينارى:جۇڭگو قازاق راديو تورابى |جاۋاپتى رەداكتور: | جاڭالانعان ۋاقىت:2018-09-12 09:35:00

 

    برازيليانىڭ پرەزيدەنت كانديداتى ياير.پولسوناللو 9-ايدىڭ 6-كۇنگى سايلام باسەكە قيمىلى كەزىندە شابۋىلعا ۇشىراپ جارالاندى، بۇرىنعى پرەزيدەنت لۋلا سايلام باسەكەسىنە قاتىناسپاعاندىقتان، پولسوناللونى حالىقتىڭ قولداۋ مولشەرى باسقا كانديداتتاردان كوش ىلگەرى بولدى. سوت سول كۇنى لۋلانىڭ پرەزيدەنت كانديداتى تولىمدىلىعىن ساقتاۋ ارىزىن تويتارىپ تاستادى. ساراپشىلار بىلاي دەپ قارادى: شابۋىلداۋ ۋاقيعاسى وسى رەتكى سايلام جاعدايىنىڭ كۇردەلى ەكەندىگىن كورسەتەدى، مۇنىڭ 10-ايداعى پرەزيدەنت سايلامىنا قانداي ىقپال جاسايتىندىعىن ٴالى دە بايقاپ كورۋگە تۋرا كەلەدى، الايدا وسى رەتكى شابۋىلداۋ ۋاقيعاسىنىڭ تۇرلىشە توپتى قولداۋشىلار اراسىنداعى قاقتىعىستى ۋشىقتىرۋىنان ساقتانعان ٴجون.


    برازيليا مەديالارىنىڭ حابارىنا قاراعاندا، پولسوناللو سول كۇنى برازيليانىڭ شىعىس وڭتۇستىگىندەگى سايلاۋ باسەكەسى قيمىلىنا قاتىناسىپ جاتقان، قولداۋشىلار ونى يىقتارىنا كوتەرىپ العان كەزدە، ادامدار شوعىرىنان بىرەۋ اتىلىپ شىعىپ وعان پىشاق سىلتەگەن. ونىڭ قۇرساعى جارالانىپ، شۇعىل قۇتقارۋعا جونەلتىلدى، قازىرشە جاعدايى ورنىقتى. سەرىكتەرى ونىڭ قازىرشە ٴالسىز ەكەندىگىن ايتتى.


    بيىل 40 جاستاعى قاندىقول تۇتقىندالدى. قاندىقولدىڭ ادۆوكاتى: ونى ٴدىن نەمەسە ساياسي سەبەپپەن پىشاق جۇمساعان بولۋى مۇمكىن،-دەدى. الايدا پولسوناللونىڭ قولداۋشىلارى مەن تاعى ٴبىر كانديدات رەلاردو.اركامين: لۋلامەن ول قاراستى ەڭبەك جۇمىسشى پارتياسى پەردە اتىنداعى قاندىقول بولۋى مۇمكىن،-دەگەندى اڭعارتتى.


    ۋاقيعا تۋىلعاننان كەيىن، برازيليانىڭ قازىرگى پرەزيدەنتى تەمەر قاتارلى كوپتەگەن پرەزيدەنت كانديداتىن قامتىعان بىرازيليانىڭ ٴار سالاسىنداعى قايراتكەرلەر مۇنداي زورلىقتى كۇش ۋاقيعاسىنا وكىنىش ٴبىلدىردى ٴارى مۇنى ايىپتادى.


    8-ايدىڭ 20-كۇنگى حالىق رايىن تەكسەرۋ ناتيجەسىنە قاراعاندا، لۋلا %37 تىك قولداۋ مولشەرىمەن الدىعا وزىپ شىققان، پولسوناللو %18 تىك قولداۋ مولشەرىمەن ەكىنشى ورىندى ۇستاعان. الايدا برازيليا جوعارى دارەجەلى سايلام سوتى 9-ايدىڭ 1-كۇنى قازىر تۇرمەدە جازا وتەپ جاتقان لۋلانىڭ پرەزيدەنت سايلامىنا قاتىناسۋ تولىمدىلىعى جوق دەپ ۇكىم شىعاردى. 9-ايدىڭ 6-كۇنگى حالىق رايىن تەكسەرۋ ناتيجەسى لۋلا سايلامعا قاتىناسپاعان جاعدايدا، پولسوناللونى قولداۋ مولشەرىنىڭ %22 جوعارىلاعاندىعىن كورسەتتى، ال پرەزيدەنت سايلامىنا لۋلا اتىنان قاتىناسپاق بولعان سايلام سەرىگى فەرناندو.ادانى قولداۋ مولشەرى تەك %6 بولىپ، ٴتورتىنشى ورىنعا ٴتۇسىپ قالعان.


    برازيليا ريو شتاتى مەملەكەتتىك ۋنيۆەرسيتەتى حالىقارالىق قاتىناس فاكتۋلتەتىنىڭ مەڭگەرۋشىسى ماليسيو.سانتولو بىلاي دەدى: وسى رەتكى شابۋىلدىڭ پرەزيدەنت سايلامىن ٴتىپتى دە شيەلەنىستىرۋىنەن الاڭداۋلىمىز، ٴار قايسى كانديداتتىڭ قولداۋشىلارى اراسىنداعى قاقتىعىستىڭ اسقىنۋىنان ساق بولۋ كەرەك.


    ساراپشىلار بىلاي دەپ قارادى: وسى رەتكى سايلامنىڭ بەتالىسى بارعان سايىن وزگەرىپ بارادى، قازىرگى جاعدايدان قاراعاندا، ەشكىم دە لۋلانىڭ وسىدان بۇرىنعى جەڭىسىنە جەتە المايتىن سياقتى، پرەزيدەنت سايلامىنا ٴبىرىنشى رەت داۋىس بەرۋدە كانديداتتاردان ەشكىم دە سايلاۋشىلاردىڭ جارىمىنان استام داۋىسقا يە بولماسا، ەكىنشى رەت داۋىس بەرىلەدى.


    ەڭبەك جۇمىسشى پارتياسىنان الىپ قاراعاندا، جوعارى دارەجەلى سايلام سوتى وسى پارتيادان 9-ايدىڭ 12-كۇنىنەن بۇرىن لۋلانىڭ ورنىن باساتىن كانديداتتى تۇراقتاندىرۋدى تالاپ ەتكەندىكتەن، لۋلا سايلام باسەكەسىندەگى سەرىگى ادانى كورسەتۋى، ٴارى جۇرتتى ونى قولداۋعا شاقىرۋى مۇمكىن. الايدا جۇرتتىڭ ادادان كۇتەتىن ٴۇمىتى لۋلادان الدە قايدا الشاق جاتىر، ونىڭ ۇستىنە شىرىكتەسۋ شاعىمىنىڭ ىقپالى بار بولعاندىقتان، قولداۋ مولشەرى تىم جوعارى ەمەس، سوندىقتان لۋلانى قولدايتىنداردى ادانى قولداۋعا باستاۋ قيىنىراق.


    قازىر ۇستەم ورىندا تۇرعان پولسوناللونى الىپ ايتار بولساق، شىرىكتەسۋگە قاتىستى شاعىم ايتىلماعان بىردەن ٴبىر پرەزيدەنت كانديداتى رەتىندە، ول بەلگىلى قولداۋعا يە بولدى، بۇدان تىس، شابۋىلداۋ ۋاقيعاسى ونىڭ اتىن ٴتىپتى دە ايگىلەي ٴتۇستى. دەسەدە ول جونىندە تالاس-تارتىس تا بارشىلىق، ەكىنشى كەزەك پرەزيدەنت سايلامىنا ٴساتتى وتكەنىمەن، ونىڭ سوڭىندا جەڭىپ شىعۋى ەكىتالاي.


    العاشىندا قولداۋ مولشەرى جوعارى بولعان لۋلا پرەزيدەنت باسەكەسىنەن ماجبۇري شەگىندى، قولداۋ مولشەرى ودان كەيىن تۇرعان پولسوناللو شابۋىلعا ۇشىرادى، بۇدان برازيليانىڭ ساياسي جۇيەسىنىڭ قازىر توتەنشە دارمەنسىز ەكەندىگىن بايقاۋعا بولادى. جاقىنعى جىلداردان بەرى، برازيلياداعى ٴبىر قىدىرۋ شىرىكتەسۋ دەلوسىنان ساياسي سالاداعى كوپتەگەن جەمقورلار اشكەرەلەنىپ، حالىقارادا وتە ناشار ىقپال تۋدىردى. قازىر شارۋاشىلىقتىڭ قالپىنا كەلۋ قوزعاۋشى كۇشى جەتەرسىز، اقشانىڭ قۇنسىزدانۋ ٴجايىتى اۋىر. ىشتەگى بۇلىنشىلىك پەن سىرتقى قاتەر بىردەي ورىن تەپكەن جاعدايدا مۇنداي زورلىقتى كۇش ۋاقيعاسىنىڭ تۋىلۋى حالىقتى ونان ارى الاڭداتتى.


    ساياسي ورنىقتىلىق لاتىن امەريكا وڭىرىندەگى وسى ٴىرى ٴارى بازارى جاڭادان گۇلدەنگەن ەلدىڭ شارۋاشىلىعى مەن حالقى جونىنەن اسا ماڭىزدى. برازيليانىڭ ماسەلەنى تۇبىرىنەن شەشىپ، شارۋاشىلىقتىڭ دامۋىنا ومىرشەڭ كۇش قوسۋىن ٴۇمىت ەتەمىز.