گۋتەرەس ٴارقايسى ەلدەردى ناقتى شارا قولدانىپ دۇنيەنىڭ بارعان سايىن جىلىنۋىن توسۋعا ۇندەدى
كەلۋقاينارى:جۇڭگو قازاق راديو تورابى |جاۋاپتى رەداكتور: | جاڭالانعان ۋاقىت:2018-09-12 10:04:00

 

    شينحۋا اگەنتتىگىنىڭ حابارى: ب م ۇ- نىڭ باس حاتشىسى گۋتەرەس 9- ايدىڭ 10- كۇنى ٴارقايسى ەلدەردى دەرەۋ ارەكەت قولدانىپ، جەرشارىنىڭ بارعان سايىن جىلىنۋىن توسىپ، كليمات وزگەرىسىنىڭ ادامزاتقا تيگىزەتىن وڭاۋعا كەلمەيتىن زاردابىنان ساقتانۋعا ۇندەدى.


    گۋتەرەس سول كۇنى نيۋيوركتەگى ب م ۇ- نىڭ باس ىشتابىندا كليمات وزگەرىسى ماسەلەسى جايلى ٴسوز سويلەپ بىلاي دەدى: حالىقارالىق قوعام ەگەر 2020- جىلدان بۇرىن وزگەرىس ەنگىزبەسە «كليمات وزگەرىسىنىڭ مەڭگەرۋسىز كەتۋىن توسۋ ورايىنان ايىرىلىپ قالادى، بۇل ادامزاتقا جانە ادامزاتتىڭ تىرشىلىك ەتۋدە يەك سۇيەگەن بارلىق ٴتابيعات جۇيەسىنە زارداپ اكەلەدى.


    ول تاعى بىلاي دەدى: «پاريج كەلىسىمىن» اتقارۋ ولشەمى جايلى كەلىسسوز 9-ايدىڭ 9-كۇنى بانكوك قالاسىندا تابىسپەن اياقتادى، «الايدا بۇل الدە قايدا جەتكىلىكسىز». كەلەسى ٴتۇيىندى ٴسات 12-ايدا پولشادا اشىلاتىن «ب م ۇ- نىڭ كليمات وزگەرىسى جۇلگەسى شارتىنىڭ» 24- رەتكى شارت جاساسقان جاقتار ٴماجىلىسى.

اۋدارعان: امانتاي مۇسايىپ ۇلى