ناميبيا ٴار سالاسى جۇڭگو-افريكا سەلبەستىك تالقىسى بەيجيڭ باسشىلار ٴماجىلىسىنىڭ تابىسىن قىزۋ تالقىلادى
كەلۋقاينارى:جۇڭگو قازاق راديو تورابى |جاۋاپتى رەداكتور: | جاڭالانعان ۋاقىت:2018-09-12 10:16:00

 

    شينحۋا اگەنتتىگىنىڭ حابارى: وسى ايدىڭ باس شەنىندە وتكىزىلگەن جۇڭگو-افريكا سەلبەستىك تالقىسى بەيجيڭ باسشىلار ٴماجىلىسى ناميبيادا ٴار سالانىڭ كەڭ كولەمدى نازارىن اۋداردى. ناميبيا وسى رەتكى باسشىلار ٴماجىلىسىنىڭ تابىسى قوماقتى بولدى، ماجىلىستە العا قويىلعان افريكاعا باعىتتالعان ٴبىر سىپىرا ساياساتتار افريكا مەن جۇڭگونىڭ سەلبەستىگىن، اسىرەسە ناميبيا مەن جۇڭگونىڭ سەلبەسىپ دامۋىن اناعۇرلىم جەبەيدى،-دەپ قارادى.
ناميبيا پرەزيدەنتى گەينگوپ 9-ايدىڭ 10-كۇنگى اقپارات جاريالاۋ ماجىلىسىندە بىلاي دەدى: ناميبيا جۇڭگومەن سەلبەسىپ، شارۋاشىلىقتىڭ تەز قارقىنمەن ارتۋىن جانە نەگىزدىك قۇرىلعىلار قۇرىلىسىن دامىتۋدى بىرلىكتە جەبەۋدى ٴۇمىت ەتەدى. جۇڭگو-افريكا سەلبەستىك تالقىسى ارقىلى ورناتىلعان جۇڭگو-افريكا سەرىكتەستىك قاتىناس ٴبىزدى گۇلدەنۋگە بەتالعان بولاشاققا جەتەلەيدى.


    ناميبيانىڭ قازىنا مينيسترى شىلەتتۆاين بىلاي دەدى: ناميبيا مەن جۇڭگونىڭ سەلبەستىگى باستىسى الداعى بەس جىلداعى نەگىزدىك قۇرىلعى قۇرىلىس سالاسىنا شوعىرلاندى، جۇيەدەن استانا اۋەجايىن وزگەرتىپ سالۋ، اۋە جاي جولىن سالۋ قاتارلى نىساندار قامتىلادى.


    ناميبيا ۋەنيۆەرسيتەتىنىڭ ساياسات ٴىلىمى لەكتورى وزەر ريراك: «كەلەشەكتە افريكا ەلدەرى جۇڭگومەن جالعاستى سۇحپاتتاسىپ، ەكى جاقتىڭ وسىبىر ماڭىزدى قاتىناسىن كۇشەيتىپ، جۇڭگو مەن افريكا شارۋاشىلىعىن شالقىتۋعا مۇحتاج»،-دەپ قارادى.

اۋدارعان: ٴسانيا قازەك قىزى