ا ق ش جۇڭگوعا تاعى دا كەلىسسوز وتكىزۋ ۇسىنسىن ورتاعا قويدى
كەلۋقاينارى:جۇڭگو قازاق راديو تورابى |جاۋاپتى رەداكتور: | جاڭالانعان ۋاقىت:2018-09-14 10:11:00

 

    ٴوز حابارىمىز: ا ق ش–نىڭ جۇڭگوعا تاعى دا كەلىسسوز وتكىزۋ ۇسىنسىن ورتاعا قويۋىنا قاراتا جۇڭگو ساۋدا ىستەر مينيستيرلىگىنىڭ اقپارات مالىمدەمەشىسى گاۋ فىڭ 9-ايدىڭ 13-كۇنى جۇڭگونىڭ ۇسىنستى قابىلداپ بۇعان قارسى الۋ پوزيتسياسىن ۇستاناتىندىعىن راستادى. ەكى جاق ۇيىرمەسى ٴىشنارا ناقتى ماسەلەلەر جونىندە ىشكەرلەي پىكىرلەسۋدە.


    كەدەن ساناعىنا قاراعاندا، بيىل 8-ايدا ەلىمىزدىڭ اق ش پەن ساۋدا سوماسىنىڭ وڭ بالانىسى 31 ميلليارد امەريكا دوللارىنا جوعارىلاپ ايلىق جوعارى رەكورتتى جاڭالاعان. ا ق ش–نىڭ جۇڭگوعا كەدەن باجىسىن ۇستەمەلەۋ شاراسىن قولدانۋى اق ش ۇكىمەتىنىڭ قايتا–قايتا اۋىزعا العان ساۋداداعى اسا زور كەرى بالانىسىن باسەيتە العان جوق .اق ش-نىڭ جۇڭگودان قۇنى 200 ميليارد امەريكا دوللارىندىق تاۋار ونىمىنەن كەدەن باجىسىن ۇستەمەلەۋ شاراسى ٴالى اتقارىلماي تۇرىپ اق ش پرەزيدەنتى ترامف وسى شارادان كەيىن جۇڭگونىڭ اق ش–نا يمپورت ەتەتىن بۇدان باسقا قۇنى 267 ميلليارد امەريكا دوللارىندىق ونىمىنەن دە كەدەن باجىسىن مولايتاتىندىعىن ايتىپ قوقانلوقى جاسادى.


    جۇڭگو ساۋدا ىستەر مينيسترلىگىنىڭ اقپارات مالىمدەمەشىسى گاۋ فىڭ بۇنى بوپسا جاساۋ جانە قىسىم كورسەتۋ دەپ ايتا كەلىپ بۇل جۇڭگوعا ەشقانداي رول اتقارا المايدى، ماسەلەنى شەشۋگە ٴتيمسىز دەپ اتاپ كورسەتتى. گاۋ فىڭ بىلاي دەدى: جۇڭگو مەن ا ق ش–نىڭ شارۋاشىلىق ساۋدا كەڭەس ۇيىرمەسى جۋىقتان بەرى ٴتۇرلى فورمادا پكرلەسىپ، وزدەرىنىڭ كوڭىل ٴبولىپ وتىرعان ماسەلەلەرى جايلى اۋىس-كۇيىس جاساپ كەلەدى، جۇڭگو ساۋدا تالاسىنىڭ اسقىنۋى ٴارقايسى جاقتىڭ مۇددەسىنە ۇيلەسپەيدى دەپ قارايدى.

اۋدارعان: كۇلان ىرىسباي قىزى