جۇڭگو مەن رەسەيدىڭ ەكى جاقتىلى ساۋداسى ارشىندى دامۋدا
كەلۋقاينارى:جۇڭگو قازاق راديو تورابى |جاۋاپتى رەداكتور: | جاڭالانعان ۋاقىت:2018-09-14 17:01:00

 

    شينحۋا اگەنتتىگىنىڭ حابارى: ساۋدا ىستەر مينيسترلىگىنىڭ اقپارات مالىمدەمەشىسى گاۋ فىڭ 9-ايدىڭ 13-كۇنى بىلاي دەدى، جۇڭگو جالعاستى 8 جىل رەسەيدىڭ ٴبىرىنشى ۇلكەن ساۋدا سەرىگى بولىپ كەلدى، جۇڭگو مەن رەسەيدىڭ ەكى جاقتىلى ساۋداسى جالعاستى جەدەل دامىدى. الدىڭعى 8 ايدا ەكى جاقتىلى ساۋدا سوما 67 ميلليارد 500 ميلليون امەريكا دوللارىنا جەتىپ ۇقساس مەزگىلدەگىدەن %27.5 ارتىپ، تۇتاس جىلدا 100 ميلليارد امەريكا دوللارىنا جەتۋ مۇمكىندىگى زورايدى.


    گاۋ فىڭ بىلاي دەدى: الدىڭعى 7 ايدا جۇڭگونىڭ رەسەيدىڭ بارلىق كاسىپ سالاسىنا قوسقان تىكەلەي قارجىسى 230 ميلليون امەريكا دوللارىنا جەتتى، ناقتى پايدالانعان رەسەي قارجىسى 48 ميلليون 640 مىڭ امەريكا دوللارى بولدى، ەكى ەلدىڭ ەنەرگيا، يادرو قۋاتى، اۋياتسيا، عارىش، شەكارا اتتاعان نەگىزدىك قۇرىلعى قاتارلى سالالارداعى ستراتەگيالىق كەلەلى نىساندارى ورنىقتى ىلگەرلەدى. كەلەسى كەزەكتە جۇڭگو مەن رەسەي قيىر شىعىس رايونىنداعى سەلبەستىگىن دامىتۋ جوسپارىنىڭ سوڭعى مەزگىلدىك ىستەرىن تياناقتاندىرۋ قىزمەتىن ويداعداي ىستەپ، جۇڭگو مەن رەسەيدىڭ جەرلىك ورىندار سەلبەستىگىن جالعاستى ىشكەرلەتىپ، ەنەرگيا، كەن، اۋىلشارۋاشىلعى، قاتىناس قاتارلى سالالارداعى سەلبەستىك نساندارىن اتقارۋدى تەزدەتەدى.


    تانىستىرۋعا قاراعاندا 2017-جىلى جۇڭگونىڭ رەسەيدىڭ قيىر شىعىس فەدراتسيالىق رايوندارمەن ساۋدا سوماسى 7 ميلليارد 700 ميلليون امەريكا دوللارىنا جەتىپ، قيىر شىعىستاعى ٴبىرىنشى ۇلكەن ساۋدا سەرىگى بولعان. بيىل العاشقى جارىم جىلدا ەكى جاقتىلى ساۋدا سوما 4 ميلليارد 200 ميلليون امەريكا دوللارىنا جەتىپ ۇقساس مەزگىلدەگىدەن %18 ارتقان. سونىمەن قابات جۇڭگو قيىر شىعىستا ٴبىرىنشى ۇلكەن شەتەل قارجى قاينارىندىق ەلگە اينالعان.

اۋدارعان: كۇلان ىرىسباي قىزى