1 - قازان التىن اپتالىعى كەزىندە ەلىمىزدىڭ تۇتىنلىم بازارى ٴبىرشاما ورنىقتىلىقتى ساقتادى
كەلۋقاينارى: |جاۋاپتى رەداكتور: | جاڭالانعان ۋاقىت:2018-10-09 09:52:00

 

    ٴوز حابارىمىز: بيىل 1 - قازان التىن اپتالىعى كەزىندە ەلىمىزدىڭ تۇتىنلىم بازارى ورنىقتى ارتۋدى ساقتادى. ٴداستۇرلى تۇتىنىلىم ساپاسى جوعارىلاپ، تىڭ تۇتىنلىم تۇيىندەرى جاڭادان قوسىلدى.

 

ساۋدا ىستەر مينسترلىگىنىڭ ساندى مالىمەتىندە كورسەتىلۋىنشە، بيىل 10 - ايدىڭ 1 - كۇنىنەن 7 - كۇنىنە دەيىن، ەلىمىزدىڭ پارشا ساتىلىم جانە اس سۋ كاسىبورىنىنىڭ تيجارات سوماسى 1 تريلليون 400 ميلليارد يۋان بولىپ، كۇندىك تيجارات سوماسى بىلتىرعى ۇقساس مەزگىلدەگىدەن %9.5 ارتتى. توۆار تۇتىنىلىمىنىڭ ساپاسى جوعارىلاپ، اس سۋ بازارى جاندانىپ، قىزمەت وتەۋ تۇتىنىلىمى كورنەكتىلەنىپ، جاڭادان گۇلدەنگەن تۇتىنلىم ٴادىسى قارىشتاپ دامىپ، مەرەكە كەزىندەگى بازاردىڭ نەگىزگى ەرەكشەلىگىنە اينالدى. مادەنيەت جانە ساياحات مينسترلىگىنىڭ ساناعىنا نەگىزدەلگەندە، 1 - قازان التىن اپتالىعى كەزىندە ەلىمىزدەگى كورىنىس رايوندارى ەل ىشىنەن 726 ميلليون ادامدى قابىلداپ، ۇقساس مەزگىلدەگىدەن %9.43 ارتىپ، ەل ٴىشى ساياحات كىرىسى 599 ميلليارد 8 ميلليون يۋان بولىپ، ۇقساس كەزدەگىدەن %9.04 ارتقان. قالا ىشىندەگى سەرۋەن، توڭكەرىستىك ورىندار ساياحاتى، اۋىل - قىستاق ساياحاتى قاتارلىلار نەگىزگى ساياحات ٴتۇرى بولعان.

 

قازىر ەلىمىز تۇرعىندارىنىڭ تۇتىنىلىم ورەسىنىڭ ارتۋى قىزمەت وتەۋ مەن توۆار تۇتىنىلىم ساتىسىندا تۇر، بۇندا قىزمەت وتەۋ تۇتىنىلىمىنىڭ كومەسكى كۇشى زور. ساۋدا ىستەر مينسترلىگى زەرتتەۋ اكەدەمياسىنىڭ زەرتتەرمەنى باي ميڭ بىلاي دەيدى: بولاشاقتا تۇتىنىلىم ورەسى ٴالى دە ارتادى، بۇرىنعى ادەتتەگى ورەدەگى تۇتىنىلىم بىرتىندەپ جەكەشە تۇتىنىلىمدى قاناعاتتاندىرۋعا قاراي داميتىن بولادى.