حانگونىڭ سىرتقى ىستەر مينيسترلىگى: چاۋشيان كۇن ٴتارتىبى قاربالاس بولعاندىقتان، چاۋشيان ا ق ش جوعارى دارەجەلىلەر كەڭەسىن كەشىكتىرگەندىگىن حابارلادى
كەلۋقاينارى:جۇڭگو قازاق راديو تورابى |جاۋاپتى رەداكتور: | جاڭالانعان ۋاقىت:2018-11-09 10:37:00

 

    شينحۋا اگەنتتىگىنىڭ حابارى: حانگو سىرتقى ىستەر مينيسترلىگى 11-ايدىڭ 8-كۇنى بىلاي دەدى: ا ق ش حانگوعا چاۋشياننىڭ كۇن-ٴتارتىپ كەستەسى قاربالاس بولعاندىقتان، وسى اپتادا وتكىزىلەدى دەپ بەلگىلەنگەن ا ق ش-چاۋشيان جوعارى دارەجەلىلەر كەڭەسىن كەشىكتىرە تۇرۋدى ۇسىنىس ەتكەندىگىن ٴبىلدىردى.


    سول كۇنى وتكىزىلگەن كەزەكتى تىلشىلەر ماجىلىسىندە، حانگو سىرتقى ىستەر مينيسترلىگى مالىمدەمەشىسىنىڭ ورىنباسارى جين دى-حۋان ٴتىلشىنىڭ سۇراعىنا جاۋاپ بەرگەن كەزدە بىلاي دەدى: چاۋشيان ا ق ش-نىڭ وسى رەتكى چاۋشيان-ا ق ش جوعارى دارەجەلىلەر كەڭەسىن كەشىكتىرۋگە قاتىستى تۇسىندىرمەنى تاپسىرىپ الدى. ا ق ش جاقتىڭ تۇسىندىرمەسىنە قاراعاندا، چاۋشياننىڭ كۇنٴتارتىبى قاربالاس بولعاندىقتان كەڭەستى كەشىكتىرۋدى ورتاعا قويعان.


    ا ق ش مەملەكەتتىك كەڭەسى 11 -ايدىڭ 7- كۇنى مالىمدەمە جاريالاپ بىلاي دەدى: مەملەكەت ىستەر حاتشىسى پومپەو وسى اپتادا چاۋشيان ەڭبەك پارتياسى ورتالىق كوميتەتى باستىعىنىڭ ورىنباسارى جين يوڭجى مەن وتكىزبەكشى بولعان كەڭەسىن كەشىكتىرىپ وتكىزەدى. مالىمدەمەدە كەشىكتىرۋدىڭ ناقتىلى سەبەبى تۇسىندىرىلمەدى، تەك ا ق ش پەن چاۋشياننىڭ قازىرگى سۇحباتى جالعاستى وتكىزىلەتىندىگى، ا ق ش-نىڭ ەكى ەل باسشىسىنىڭ 6-ايداعى-سينگاپورداعى كەڭەسى كەزىندەگى ۋادەسىن تياناقتاندىرۋعا قۇلشىناتىندىعى ايتىلدى.

اۋدارعان: ارداق ابيدەن قىزى