سينگاپوردىڭ جۇڭگومەن عىلىم-تەحنيكادا جاڭالىق جاراتۋ سەلبەستىگىنىڭ كومەسكى كۇشى زور
كەلۋقاينارى:جۇڭگو قازاق راديو تورابى |جاۋاپتى رەداكتور: | جاڭالانعان ۋاقىت:2018-11-09 10:44:00

    جاڭا كەزەكتى عىلىم تەحنيكا توڭگەرىسى مەن كاسىپ وزگەرىسى بۇكىل دۇنيەنى شارپىپ، عىلىم تەحنيكادا جاڭالىق جاراتۋدىڭ شارۋاشىلىق قوعام دامۋىنداعى تىرەكىتىك جانە باستاماشىلدىق رولى كۇن سايىن كورنەكتىلەنىپ كەلەدى. سينگاپوردىڭ ۇكىمەت ٴمانساپتىلارى مەن مامان وقىمستىلارى سينگاپور مەن جۇڭگونىڭ عىلىم-تەحنيكادا جاڭالىق جاراتۋ سالاسىنداعى ٴوزارا تولىقتىرۋ رولى كۇشتى، سەلبەستىك كومەسكى كۇشى زور دەپ قارادى.


    جۇڭگو 40 جىلدىق رەفورما جاساپ، ەسىك اشۋدىڭ ارقاسىندا، ٴبىرشاما كەمەلدى عىلىم تەحنيكادا جاڭالىق جاراتۋ جۇيەسىن قۇردى، اسىرەسە عىلىم-تەحنيكادا جاڭالىق جاراتۋدىڭ زور توپتاعى دارىندىلار قوسىنى بارلىققا كەلدى. سينگاپور اشىق جاڭالىق جاراتۋ جۇيەسىن قۇردى، ول بەلگىلى عىلمي زەرتتەۋ ابىزالدىلعىنا يە، تەحنيكا وتكەرمەلەۋ، كاپيتال بازارىنىڭ اينالىمى جانە ٴبىلىم مەنشىك ۇقىعىن قورعاۋ جاقتارىندا مول تاجىريبە توپتاعان، ەكى ەل عىلىم-تەحنيكادا جاڭالىق جاراتۋ سالاسىندا ٴبىرشاما كۇشتى ٴوزارا تولىقتىرۋ رولىن بايقاتتى.


    جۇڭگو مەن سينگاپوردىڭ ۇكىمەتتەر ارا جانە حالىقتىق عىلىم-تەحنيكا سەلبەستىگىنىڭ نەگىزى جاقسى، سوناۋ 1992-جىلى ەكى جاق «جۇڭگو مەن سينگاپوردىڭ ۇكىمەت ارا عىلىم-تەحنيكا سەلبەستىك كەلىسىمىنە» قول قويىپ، جۇڭگو-سينگاپور عىلىم-تەحنيكا سەلبەستىك بىرلەسكەن كوميتەتىن قۇرعان. جۇڭگو مەن سينگاپور عىلىم-تەحنيكادا جاڭالىق جاراتۋ سالاسىندا كەڭ، ٴونىمدى سەلبەستىك قانات جايدىرىپ، ماتەريال، بيولوگيالىق ٴدارى-دارمەك، پاراساتتى قالا قاتارلى كوپتەگەن سالالاردى شارپىعان سەلبەسىپ زەرتتەۋ نىساندارىن ورتاق قولداپ، بەلگىلى تابىسقا قول جەتكىزدى.


    سينگاپور زۇڭليى لي شيانلۇڭ بيىل 4-ايدا مەديالارعا بىلاي دەدى: شىعىس وڭتۇستىك ازيا ەلدەر وداعىنىڭ كەزەكتى ٴتوراعا ەلى سالاۋاتىمەن سينگاپوردىڭ ماڭىزدى قىزمەتى شعىس وڭتۇستىك ازيا ەلدەر وداعىندا پاراساتتى قالا تورابىن قۇرۋ، جۇڭگو قازىر 500 نەشە قالادا پاراساتتى قالا سىناق قىزمەتىن ورستەتتى، ول بۇكىل جەرشارىنداعى پاراساتتى قالا سانى ەڭ كوپ مەملەكەت، سينگاپوردىڭ جۇڭگودان ۇيىرەنۋىنە جانە ونىڭ تاجىريبەلەرىنەن ۇلگى الۋىنا بولادى،ٴارى وسى سالالاردا جۇڭگومەن سەلبەستىك جاساۋدى ٴۇمىت ەتەدى.


    سينگاپور-جۇڭگو دوستىق قوعامىنىڭ باستىعى، سينگاپور نانياڭ جاراتىلسىتىق عىلىمدار ۋنيۆەرسيتەتى جوعارى دارەجەلى زەرتتەۋ ورنىنىڭ باستىعى پان گوجۇي بىلاي دەدى: جۇڭگو عىلمي زەرتتەۋدە جاڭالىق جاراتۋعا مول قارجى قوستى، جاقىنعى ون جىلدان بەرى جاساندى زەردە، ٴىرى ساندى مالىمەت، اۆياتسيا-عارىش، بيوتەحنيكا قاتارلى ٴارقايسى جاقتاردان قامال الدى، جۇڭگونىڭ عىلىم-تەحنيكا سالاسىنداعى دامۋىنا بايلانىستى، سينگاپور ٴتىپتى دە كوپ جاقتاردان جۇڭگومەن سەلبەستىك ورىستەتىپ، عىلىم تەحنيكادا جاڭالىق جاراتۋ ارقىلى ەكى ەلدىڭ كوركەم بولاشاعىن قۇرۋعا بولادى.


    سينگاپور-جۇڭگو عىلم-تەحنيكالىق اۋىس كۇيسىتى جەبەۋ قوعامىنىڭ باستىعى، سينگاپور نانياڭ جاراتىلسىتىق عىلىمدار ۋنيۆەرسيتەتىنىڭ پروفەسسورى شىن زى-شياڭ بىلاي دەپ قارادى: سينگاپوردىڭ شارۋاشىلىعىنىڭ جاريالىق دارەجەسى جوعارى، جاڭالىق جاراتۋ قۋاتى كۇشتى، بۇدان تىس، سينگاپور قوعامى جۇڭگو قانداستارىن نەگىز ەتەدى، سينگاپور مەن جۇڭگونىڭ عىلىم تەحنيكادا جاڭالىق جاراتۋ سەلبەستىگىنىڭ وزگەشە ابىزالدىلىعى بار.


    ساراپشىلار بىلاي دەپ قارادى: جۇڭگو مەن سينگاپور عىلىم تەحنيكادا جاڭالىق جاراتۋ سەلبەستىكتەرىن جالعاستى كۇشەيتۋىنە، سەلبەستىك سالالارىن كەڭەيتۋىنە، سەلبەستىك دارەجەسىن جوعارلاتۋىنا، ەكى ەلدىڭ عىلىم-تەحنيكاداعى سەلبەستىگى مەن دامۋىن شىنايى جەبەۋىنە بولادى. ەكى ەلدىڭ جۇڭگو مەن شعىس وڭتۇستىك ازيا ەلدەر وداعى عىلىم تەحنيكالىق وداق جوسپارى اياسىندا جانە «ٴبىر بەلدەۋ، ٴبىر جول» عىلىم تەحنيكادا جاڭالىق جاراتۋ جوسپارى جۇلگەسىندە عىلىم تەحنيكادا جاڭالىق جاراتۋ سەلبەستىگىنىڭ كومەسكى كۇشى اسا زور.