شەتەلدەردەگى كۇڭزى ينيستيتۋتتارى كوكتەم مەرەكەسىن قۇتتىقتاپ الۋان باي مازمۇندى قيمىلدار وتكىزدى
كەلۋقاينارى: |جاۋاپتى رەداكتور: | جاڭالانعان ۋاقىت:2019-02-10 10:53:00

 

    حالىق گازەتىنىڭ حابارى: جۇڭگونىڭ ٴداستۇرلى مەرەكەسى بولعان كوكتەم مەرەكەسى كەلۋ بايلانىسىمەن دۇنيەنىڭ جەر-جەرىندەگى كۇڭزى ينيستيتۋتتارى الۋان باي مازمۇندى قۇتتىقتاۋ قيمىلدارىن وتكىزىپ، دۇنيەگە جۇڭگونىڭ سان الۋان ۇزدىك ٴداستۇرلى مادەنيەتىن ايگىلەدى.

 

فرانسياداعى لا روچەللە كۇڭزى ينيستيتۋتى ۇيىمداستىرعان جۇڭگونىڭ كوكتەم مەرەكەسىن قۇتتىقتاۋ بىرلەسپە ساۋىق كەشى جەرلىك ۋاقىت بويىنشا 2-ايدىڭ 5-كۇنى كەشتە لا روچەللە قالاسىنداعى ايتري قالاشىعىندا وتكىزىلدى. جەرلىكتەگى جانە توڭىرەگىندەگى قالالارداعى فرانسيا قاۋىمى ساۋىق كەش وتكىزىلەتىن زالعا ەرتە باردى. كەيبىر حانزۋ ٴتىلى اۋەسكەرلەرى جۇزدەسكەن كەزدە حانزۋ تىلىندە، جاڭا جىلىڭ قۇتتى بولسىن،-دەپ امانداسىپ، ناق مايدان دىر-دۋمانعا بولەندى. لا روچەللە كۇڭزى ينيستيتۋتىنداعى جۇڭگو جاق مەكتەپ باستىعى لياڭ شۋاڭ بىلاي دەدى: كۇڭزى ينيستيتۋتى جىل سايىن جەرلىك تۇرعىندارعا باعىتتاپ تۇرلىشە فورمادا كوكتەم مەرەكەسىنىڭ مادەني قيمىلدارىن وتكىزىپ، جۇرتتىڭ القاۋىنا بولەنۋدە. جۇڭگولىق جانە مەكسيكالىقتاردان 150 نەشە ادام جەرلىك ۋاقىت بويىنشا 2-ايدىڭ 3-كۇنى مەكسيكاداعى جۇڭگو مادەنيەتى وزەگىندە باس قوسىپ، جۇڭگو كوكتەم مەرەكەسىنىڭ مەرەيىن سەزىندى. مەكسيكا قالاسىنداعى كۇڭزى ينيستيتۋتى ناق مايداندا تاعى ٴشاي بەرۋ، قاعاز ويما ويۋ، جۇڭگو تۇيىنشەگىن جاساۋ، جۇڭگو حاتكەرلىگىن ۇيرەتۋدەي قيمىلدار وتكىزىپ، مەكسيكا قاۋىمىنان كوپتەگەن ادام ىنتامەن قاتىناستى. جاپونيانىڭ كاناگاۋا اۋدانىنداعى يىڭ مەيلين ۋنيۆەرسيتەتىنىڭ يۋان يەبيان مەكتەپ اۋلاسىندا 2-ايدىڭ 2-كۇنى شىراقتار جاينادى. جاپونيالىقتار جانە جۇڭگو چياۋميندەرىنەن بولىپ نەشە ٴجۇز ادام جۇڭگونىڭ كوكتەم مەرەكەسىن بىرلىكتە تويلادى. ساگاميحارا قالاسىنداعى گاڭ تيان جىنميزىنىڭ وتباسىنداعى 4 مۇشەسى دە وسى قۇتتىقتاۋ قيمىلىنا قاتىناستى. گاڭ تيان جىنميزى بىلاي دەدى: مەنىڭ 9 جاستاعى ۇلىم جۇڭگو ديحاندارىنىڭ سۋرەتىن سىزۋدى ۇيرەندى. 11 جاستاعى قىزىم حانزۋ ٴتىلىن ۇيرەنۋدە، ول كەيىن وراي بولسا جۇڭگوعا بارىپ ٴبىلىم اسىرىپ، جاپونيا مەن جۇڭگونىڭ دوستىق اۋىس-كۇيىسىندەگى ەلشىلەردەن بولۋدى ٴۇمىت ەتۋدە. جەرلىك ۋاقىت بويىنشا 2-ايدىڭ 1-كۇنى تۇستەن كەيىن، بارابان ٴۇنى شار تاراپقا تارالعان كەزدە وڭتۇستىك افريكانىڭ يوحانسبۋرگ ۋنيۆەرسيتەتىندەگى كۇڭزى ينيستيتۋتى ۇيىمداستىرعان جۇڭگونىڭ كوكتەم مەرەكەسىن قۇتتىقتاۋ قيمىلى رەسىمي باستالدى. وسى ينيستيتۋتتىڭ سىرت جاق مەكتەپ باستىعى ٴدايۆيد. مونيە بىلاي دەدى: مادەنيەت اۋىس-كۇيىسى ەكى ەل حالىقتارىنىڭ جۇرەگىن توعىستىرادى. وڭتۇستىك افريكا مەن جۇڭگونىڭ مادەنيەتتەرى ىشكەرىلەي قابىسىپ، تەگىس مەيىرىمدىلىكتى، باۋىرمالدىقتى دارىپتەۋدە. وسى رەتكى قيمىل وڭتۇستىك افريكا حالقىنىڭ جۇڭگو داستۇرىنە بولعان تۇسىنىگىن ارتتىردى، وڭتۇستىك افريكادا وتكىزىلەتىن جۇڭحۋا مادەنيەتى قيمىلدارىنىڭ كوبەيىپ، ەكى ەل حالىقتارىنىڭ دوستىعىن كۇشەيتە ٴتۇسۋىن ٴۇمىت ەتەمىن.