جۇڭگونىڭ ا ق ش-نداعى ەلشىسى: جۇڭگو-ا ق ش قاتىناسىنداعى سەلبەسۋ جانە ٴوزارا پايدا جەتكىزىپ، تەڭ يگىلىككە كەنەلۋ نەگىزگى بەتالىسى وزگەرمەيدى،-دەدى
كەلۋقاينارى: |جاۋاپتى رەداكتور: | جاڭالانعان ۋاقىت:2019-02-10 16:44:00

 

    شينحۋا اگەنتتىگىنىڭ حابارى: جۇڭگونىڭ ا ق ش-نداعى ەلشىسى سۇي تيانكاي تاياۋدا بىلاي دەدى: جۇڭگو مەن ا ق ش-نىڭ اراسىندا الاۋىزدىقتىڭ ورىن تەبۋى قالىپتى جاعداي، ماڭىزدىسى ەكى جاقتىڭ ٴوزارا تۇسىنىكتى نىعايتىپ، قارسى جاقتىڭ ستراتەگيالىق ماقساتىن دۇرىس تۇجىرىمداۋ. ەكى ەل قاتىناسىنداعى سەلبەسۋ جانە ٴوزارا پايدا جەتكىزىپ، تەڭ يگىلىككە كەنەلۋ نەگىزگى بەتالىسى وزگەرمەيدى.

 

سۇي تيانكاي 2-ايدىڭ 8-كۇنى ميچيگان شتاتىندا ميچيگان دۇنيە ىستەر كوميتەتى وتكىزگەن جۇڭگو مەن ا ق ش قاتىناس ورناتقاندىعىنىڭ 40 جىلدىعى جونىندەگى سۇحپات ماجىلىسىنە قاتىناستى. ول ماجىلىستە بىلاي دەدى: جۇڭگو مەن ا ق ش-نىڭ قاتىناس ورناتۋى جۇڭگونىڭ رەفورما جاساپ، ەسىك اشۋمەن ٴبىر ۋاقىتتا باستالدى، بۇل استە كەزدەيسوق ەمەس. وسى ەكى تاريحي بارىس ٴوزارا قاباتتاسا العا باسىپ، جۇڭگو-ا ق ش حالقىنا جانە دۇنيە حالقىنا وراسان زور پايدا جەتكىزدى. جۇڭگو مەن ا ق ش-ندا تاريح، مادەنيەت، قوعامدىق ٴتۇزىم قاتارلى ٴتۇرلى جاقتا پارىق ساقتالعانىمەن، وتكەن 40 جىلدا ەكى ەل قاتىناسىنىڭ نەگىزگى بەتالىسى قاي-قاشان دا سەلبەسۋ جانە ٴوزارا پايدا جەتكىزىپ، تەڭ يگىلىككە كەنەلۋ بولدى. 40 جىلدان بەرى، جۇڭگو مەن ا ق ش-ندا كەسەك وزگەرىستەر تۋىلدى، الايدا ەكى ەل قاتىناسىنىڭ نەگىزگى بەتالىسى وزگەرمەۋى ٴتيىس.