ەڭ جوعارى حالىق سوتى مەن ەڭ جوعارى حالىق پروكۋراتۋراسىنىڭ ٴادىليالىق تۇسىندىرمەسى شەتەل اقشاسى زاڭسىز الىپساتارلىعىن تۇراقتاندىرۋ ولشەمىن ايقىندادى
كەلۋقاينارى: |جاۋاپتى رەداكتور: | جاڭالانعان ۋاقىت:2019-02-10 16:44:00

 

    شينحۋا اگەنتتىگىنىڭ حابارى: ەڭ جوعارى حالىق سوتى، ەڭ جوعارى حالىق پروكۋراتۋراسى تاياۋدا «قارجى تولەۋ، ەسەپ جابۋ جۇمىسىمەن زاڭسىز شۇعىلدانۋ، شەتەل اقشاسى الىپساتارلىعىمەن زاڭسىز شۇعىلدانۋ قىلمىستى ىستەر دەلوسىن بىتىرۋگە ۇيلەسەتىن زاڭدىق ٴبىر قانشا ماسەلەلەر جايلى تۇسىندىرمەنى» بىرلىكتە جاريالاپ، شەتەل اقشاسىن قىمباتقا ساتقان نەمەسە ساتىپ العانداردىڭ ٴارى شەتەل اقشاسىن ٴتۇسىن وزگەرتىپ ساۋدالاعانداردىڭ، فينانس بازارىنىڭ ٴتارتىبىن بۇلدىرگەندەردىڭ سيپاتى اۋىرلارىن زاڭسىز تيجارات جۇرگىزۋ قىلمىسى بويىنشا جازالاۋدى بەلگىلەدى.

 

ەڭ جوعارى حالىق سوتى، ەڭ جوعارى حالىق پروكۋراتۋراسى قاتىستى تاراۋىنىڭ جاۋاپتىسى تانىستىرىپ بىلاي دەدى: قازىر كوپتەگەن جاسىرىن اقشا دۇكەندەرىنىڭ باستى جۇمىسى قارجىنى ەل اتتاپ الماستىرۋ، بۇل قىرۋار قارجىنىڭ شەتەلگە اعىلۋىنا سەبەپ بولدى، ونىڭ قوعامدىق زاردابى وراسان اۋىر بولىپ، ٴتۇيىندى سوققى بەرۋ وبيەكتىنە جاتادى.

 

تۇسىندىرمەگە نەگىزدەلگەندە، قارجى تولەۋ، ەسەپ جابۋ ىستەرىمەن زاڭسىز شۇعىلدانعاندار دا نەمەسە شەتەل اقشاسى الىپساتارلىعىمەن زاڭسىز شۇعىلدانعاندار دا مىناداي جايىتتەر بايقالسا، زاڭسىز تيجاراتپەن شۇعىلدانۋ سيپاتى توتەنشە اۋىر دەپ تۇراقتاندىرىلادى: ٴبىرىنشى، زاڭسىز تيجارات ەتكەن مولشەرى 25 ميلليون يۋاننان جوعارى بولعاندار؛ ەكىنشى، زاڭسىز تاپقان پايداسى 500 مىڭنان اسقاندار.