رەسەي مەديالارى شەتەل ساۋداگەرلەرىنىڭ قارجى قوسۋ زاڭىنا نازار اۋداردى : شەتەل كاسىپورىندارىنىڭ جۇڭگودا تەز قارقىنمەن دامۋىنا كومەكتەسىپ، جۇڭگونىڭ ەسىك اشۋ دەڭگەيىن جوعارىلاتتى
كەلۋقاينارى: |جاۋاپتى رەداكتور: | جاڭالانعان ۋاقىت:2019-03-12 09:59:00

جۇڭگو حالىقارالىق راديو ستانسياسىنىڭ حابارى. 3-ايدىڭ 10-كۇنى، 13 ـ كەزەكتى مەملەكەتتىك حالىق قۇرىلتايىنىڭ 2 ـ ءماجىلىسى ۋاكىلدەر ۇيىرمەسىنىڭ جالپى ءماجىلىسىن جانە ۋاكىلدەر گرۋپپاسىنىڭ ءماجىلىسىن اشىپ، شەتەل ساۋداگەرلەرىنىڭ قارجى قوسۋ زاڭ جوباسىن قارادى. جۇڭگونىڭ كوپ سالاداعى ماڭىزدى سەلبەستىك سەرىگى بولعان رەسەي « شەتەل ساۋداگەرلەرىنىڭ قارجى قوسۋ زاڭىنا» ايرىقشا نازار اۋداردى. رەسەي مەديالارىنىڭ شولۋىندا، بۇل زاڭ شەتەل كاسىپورىندارىنىڭ جۇڭگودا ورنىقتى قاداممەن تەز دامۋىنا كومەكتەسۋمەن بىرگە جۇڭگونىڭ سىرتقا ەسىك اشۋىن ونان ارى ىلگەرىلەتەدى دەلىنگەن.


رەسەي اقپارات اگەنتتىگىنىڭ حابارىنا قاراعاندا، جۇڭگونىڭ « شەتەل ساۋداگەرلەرىنىڭ قارجى قوسۋ زاڭىن» شىعارۋداعى ماقساتى شەتەل ساۋداگەرلەرىنىڭ قارجى قوسۋىنا رۇقسات ەتۋ، جەبەۋ، قورعاۋ، باسقارۋ قاتارلى نەگىزگى ەرەجەلەردى بەلگىلەپ، شەتەل كاپيتالىمەن قۇرىلعان كاسىپورىندارعا اشىق، جاريا، تەڭ قارجى قوسۋ ورتاسىن جاراتۋ.


«حابار» گازەتىنىڭ حابارىندا، جۇڭگو شەتەل قارجىسىن ارناعا ءتۇسىرۋ جونىندەگى وسى زاڭدى سوناۋ ەرتەدەن باستاپ جازعان، ا ق ش قورعانىمپازدىعى باس كوتەرگەن كەزدە، جۇڭگو بارعان سايىن اشىق بەينە بايقاتىپ، شەتەل كاسىپكەرلەرى ورتاعا قويعان مەملەكەتتىڭ قارجى قوسۋ ورتاسىن جاقسارتۋ ۇسىنىسىن بەلسەنە ويلاستىرعان.


«تاۋەلسىزدىك گازەتى» بىلاي دەپ اتاپ كورسەتتى: «شەتەل ساۋداگەرلەرى قارجى قوسۋ زاڭىندا » جۇڭگودا قىزمەت ىستەيتىن كوپتەگەن شەتەل ۇكىمەت ءمانساپتىلارى مەن ساۋدا قايراتكەرلەرىنىڭ ۇسىنىسىن ەسكەرگەن. مىسالى، جوبانىڭ 22 - تارماعىندا بىلاي دەپ بەلگىلەنگەن : شەتەل ساۋداگەرلەرى قارجى قوسۋ بارىسىنداعى تەحنيكالىق سەلبەستىك شارتىن قارجى قوسۋشى جاقتار تەڭدىك پرينسيپى بويىنشا تەڭ تۇرعىدا كەڭەسىپ بەلگىلەيدى، اكىمشىلىك ورگانداردىڭ جانە ونىڭ قىزمەتكەرلەرىنىڭ اكىمشىلىك تاسىلدەردەن پايدالانىپ تەحنيكانى زورلىقپەن وتكەرمەلەۋىنە بولمايدى. مۇنى شەتەل ساۋداگەرلەرىنىڭ ۋاكىلدەرى جاپپاي القادى، ءبىراق سونىمەن بىرگە اناعۇرلىم جاريا تولىق قاندى ەرەجە شىعارۋدى دا ءۇمىت ەتتى.