مەملەكەت ءتوراعاسى شي جينپيڭ ەفيوپيا پرەزيدەنتى ساعىلوك پەن كەنيانىڭ پرەزيدەنتى كەنياتاعا جەكە-جەكە حال سۇراۋ تەلەگرامماسىن جولدادى
كەلۋقاينارى: |جاۋاپتى رەداكتور: | جاڭالانعان ۋاقىت:2019-03-12 10:08:00


ءوز حابارىمىز. مەملەكەت ءتوراعاسى شي جينپيڭ 3-ايدىڭ 11-كۇنى ەفيوپيا اۆياتسيا سەرىكتىگى جولاۋشىلار ايروپىلانىنىڭ شىرعالاڭعا ۇشىراپ، قىرۋار ادام قازا بولعانى جايلى ەفيوپيا پرەزيدەنتى ساعىلوك پەن كەنيانىڭ پرەزيدەنتى كەنياتاعا جەكە-جەكە حال سۇراۋ تەلەگرامماسىن جولدادى.


شي جينپيڭ حال سۇراۋ تەلەگرامماسىندا بىلاي دەدى: ەفيوپيا اۆياتسيا سەرىكتىگى جولاۋشىلار ايروپلانىنىڭ شىرعالاڭعا ۇشىراپ، ەفيوپيا، كەنيا، جۇڭگو ازاماتتارىن قامتىعان قىرۋار ادامىنىڭ قازا بولعانىن ەستىپ قاتتى تىكسىندىم، مەن جۇڭگو ۇكىمەتى مەن حالقى اتىنان جانە ءوز اتىمنان قازا بولعاندارعا قايعىلى ازا بىلدىرەمىن، قازا بولعانداردىڭ تۋىس-تۋعاندارىنان شىنايى حال سۇرايمىن. ەفيوفيا ۇكىمەتىنىڭ سوڭعى جۇمىستاردى ويداعىداي ءبىر جايلى ەتەتىندىگىنە سەنەمىن، جۇڭگو قاجەتتى قولداۋ كورسەتەدى جانە كومەكتەسەدى.


سول كۇنى مەملەكەتتىك كەڭەستىڭ زۇڭليى لي كىچياڭ دا وسى جونىندە ەفيوپيانىڭ زۇڭليى ابيگە حال سۇراۋ تەلەگرامماسىن جولداپ، قازا بولعاندارعا ازا ءبىلدىرىپ، قازا بولعانداردىڭ تۋىس-تۋعاندارىنان حال سۇرادى.