رەسەيدىڭ سىرتقى ىستەر مينيسترى: جۇڭگو مەن رەسەيدىڭ سەلبەستىگىن جالعاستى تەرەڭدەتىپ، كوپ سالادا ورتاق ىزدەنىس جاسايتىندىعىن ايتتى
كەلۋقاينارى: |جاۋاپتى رەداكتور: | جاڭالانعان ۋاقىت:2019-04-15 10:09:00

 

    ورتالىق تەلەۆيزياسىنىڭ حابارى: رەسەيدىڭ سىرتقى ىستەر مينيسترى راۆلوۆ 4-ايدىڭ 13-كۇنى « رەسەي سىرتقى ىستەر جانە مەملەكەت قورعانىسى ساياساتى كوميتەتىنىڭ » 27 - رەتكى جىلدىق ماجىلىسىندە ٴسوز سويلەگەندە رەسەي مەن جۇڭگونىڭ سەلبەستىگىنە جوعارى باعا بەرىپ بىلاي دەدى: بولاشاقتا جۇڭگو مەن رەسەيدىڭ ناقتى سەلبەستىگى ۇزدىكسىز تەرەڭدەيدى. جۇڭگو مەن رەسەيدىڭ سەرىكتەستىك قاتىناسى جالپى بەتتىك ٴوزارا تيىمدىلىك جاساۋ قاتىناسىنىڭ ۇلگىسى عانا ەمەس، جۇڭگو مەن رەسەيدىڭ سەلبەستىگى حالىقارالىق ماسەلەلەردى زاڭسىز تاسىلمەن شەشۋگە ۇرىنعان كۇشتەرگە قىراعى بولۋ رولىن اتقارادى. راۆلوۆ بىلاي دەدى: بولاشاقتا جۇڭگو مەن رەسەيدىڭ سەلبەستىگى ۇزدىكسىز تەرەڭدەيدى، كەزەكتە حالىقارالىق حاۋىپسىزدىك پەن ورنىقتىلىق سىن ـ سايىسقا ٴدوپ كەلگەن جاعدايدا، ەكى جاق حالىقارالىق حاۋىپسىزدىك سياقتى كوپتەگەن سالالاردا بىرگە ىزدەنىس جاسايدى. رەسەي حالىقارالىق حاۋىپسىزدىك تۋرالى بولجال مەن سەنىمدىلىكتى جوعارىلاتۋ جونىندە ۇسىنىس بەرەدى، مىسالى، جۇڭگومەن بىرگە «عارىشتا قارۋ - جاراق ورنالاستىرۋدان ساقتانۋ جونىندەگى بىرلەسكەن دارىپتەمە»، «حيميالىق جانە بيولوگيالىق لاڭكەستىككە سوققى بەرۋ تۋرالى شارت» جاساۋ قاتارلىلار.