ليۋ كۇن 99 - كەزەكتى دۇنيە بانكەسى مەن I M F دامۋ كوميتەتىنىڭ ماجىلىسىنە قاتىناستى
كەلۋقاينارى: |جاۋاپتى رەداكتور: | جاڭالانعان ۋاقىت:2019-04-15 16:00:00

 

    شينحۋا اگەنتتىگىنىڭ حابارى: دۇنيە جۇزىلىك بانكە توبى مەن حالىقارالىق اقشا قورى ۇيىمى ( I M F ) جاقىندا امەريكانىڭ استاناسى ۆاشينگتوندا 99 - كەزەكتى دامۋ كوميتەتىنىڭ ٴماجىلىسىن اشتى. جۇڭگونىڭ قازىنا مينيسترى ليۋ كۇن دامۋ كوميتەتىنىڭ مينيستر دارەجەلىلەردىڭ تۇسكى قوناعاسىسىنا قاتىناستى ٴارى ٴسوز سويلەدى، مينيستردىڭ ورىنباسارى زوۋ جيا ـ ي دامۋ كوميتەتىنىڭ مينيستر دارەجەلىلەر ماجىلىسىنە قاتىناستى ٴارى ٴسوز سويلەدى.

 

ليۋ كۇن بىلاي دەدى: قازىر دۇنيە ٴجۇزىنىڭ دامۋ سەلبەستىگى اۋىر سايىسقا ٴدوپ كەلىپ وتىر، دۇنيە ٴجۇزى بانكەسى دۇنيە جۇزىندەگى ەڭ ماڭىزدى كوپ جاقتى اشۋ قۇرىلىمى رەتىندە، كوپ جاقتى پرينسيپتە تاباندى بولىپ، ٴار جاقتىڭ ەرەجەنى نەگىز ەتكەن كوپ جاقتى ساۋدا ٴتۇزىلىسىن بىرگە قولداۋىن جەبەۋ ٴارى بارلىق مۇشە ەلدەرگە قىزمەت وتەۋ ماقساتىنا تاباندى بولىپ، مۇشە ەلدەردىڭ تۇرلىشە جاعدايىنا قاراي پارىقتى كومەك بەرۋ ستراتەگياسىن باعىتتامالى تۇردە قولدانۋى كەرەك.

 

ليۋ كۇن بىلاي دەدى: قازىر جۇڭگو ەكونوميكاسى جوعارى قارقىنمەن ارتۋدان جوعارى ساپالى دامۋعا بۇرىلىس جاساۋدى جەدەلدەتىپ، ەكونوميكالىق قۇرىلىمدى ۇزدىكسىز ساپالىلاندىرىپ، دارەجەسىن جوعارىلاتىپ، جاڭا قوزعاۋشى كۇش ۇزدىكسىز كورنەكتى جەتىلۋدە. بيىل جۇڭگو بەلسەندى قازىنا ساياساتىن كۇشەيتىپ، ونىمدىلىكتى ارتتىرىپ، باجىنى زور مولشەردە ازايتىپ، اقىنى تومەندەتىپ، ٴبىرىنشى توقساندا ەكونوميكانىڭ ارتۋىندا تاماشا باستاما جاراتتى. جۇڭگو بازارعا كىرۋ رۇقساتىن ۇزدىكسىز زور مولشەردە كەڭەيتىپ، ٴبىلىم مەنشىك ۇقىعىن قورعاۋ تەبىنىن ارتتىرىپ، باجىنى، اقىنى اناعۇرلىم زور كولەمدە ازايتىپ، باۋراۋ قۋاتىنا يە قارجى قوسۋ مەن ساۋدا ورتاسىن جاراتادى.