ا ق ش ورتا شىعىسقا جالعاستى اسكەر كۇشىن تولىقتاپ جىبەرۋدە
كەلۋقاينارى: |جاۋاپتى رەداكتور: | جاڭالانعان ۋاقىت:2019-05-13 10:02:00

 

    ٴوز حابارىمىز: ا ق ش - نىڭ بەس بۇرىشتى سارايى مالىمدەمە جاريالاپ، ۋاقىتتىق قورعانىس مينيسترى شاناحان ورتا شىعىس رايونىنا «ارلينتون» اتتى تەڭىزدە دە قۇرلىقتا تەڭ شابۋىل جاساي الاتىن كەمەنى كوبەيتۋدى ٴارى وتانشىل اتتى باسقارىلمالى بومبىدان قورعانۋ جۇيەسىن ورنالاستىرۋدى بەكىتكەندىگىن ايتتى.

 

ستراتوسفەرا دەپ اتالاتىن B 52 الىس ارالىقتى ىستراتەگيالىق بومبىلاۋشى 4 ايروپلان، 5-ايدىڭ 9 -كۇنى كەشتە ا ق ش ارمياسىنىڭ كاتارداعى ۋدەد اۋە ارميا بازاسىنا جەتتى، ا ق ش تاعى ۇقساس تيپتەگى كوپتەگەن بومبىلاۋشى ايروپلانداردى «باتىس وڭتۇستىك ازيانىڭ» بەلگىلى جەرىنە جەتكىزەتىنىن ايتتى. سونىمەن بىرگە، ا ق ش -نىڭ لينكولين اتتى اۆياماتكا سوعىس توبى شىعاناق رايونىنا قاراي بەت الىپ، وسى ايدىڭ 9 - كۇنى ەگيپەتتىڭ سۋەيش كانالى ارقىلى قىزىل تەڭىزگە كىردى، الداعى بىرنەشە كۇندە اراب تەڭىزىنە جەتىپ، حورمۋز بۇعازىنا بارماقشى. ا ق ش-نىڭ ۋاقىتتىق قورعانىس مينيسترى شاناحان 5-ايدىڭ 10 -كۇنى ا ق ش ارمياسىنىڭ ارلينتون اتتى قۇرلىقتا دا تەڭىزدە دە تەڭ شابۋىل جاساي الاتىن كەمەسىن ورتا شىعىس رايونىنا ورنالاستىرۋدى بەكىتتى. وسى اسكەري كۇشتەر تولىق تياناقتانعاننان كەيىن، ا ق ش ورتالىق قولباسشىلىق شتابىنا قاراستىٴبىر اۆياماتكا ۇلكەن اترەتى، قۇرلىقتا دا تەڭىزدە دە تەڭ شابۋىل جاساي الاتىن ٴبىر كەمە ۇلكەن اترەتى جانە كەڭىستىكتە ۇزاق ارالىققا ۇشاتىن 6 بىرلەسپە اترەتىمەن، كولەمدى شايقاس جۇرگىزۋگە بولادى.

 

تالداۋ جاساۋشىلار بىلاي دەپ قارادى: ا ق ش-نىڭ وسى رەت ورتا شىعىس رايونىنا اسكەر كۇشىن كوبەيتۋدەگى ماقساتى ساياسي تۇرعىدان ويلاستىرعانى بولىپ، ا ق ش-نىڭ ەكونوميكا سالاسىندا يرانعا شەكتەن تىس قىسىم تۇسىرۋمەنٴبىر ۋاقىتتا قولدانعان اسكەري قىسىم ٴتۇسىرۋ ارەكەتى بولماق.#