جۇڭگو ـ گەرمانيا وقىمىستىلارى ەكى ەلدىڭ عىلىم ـ تەحنيكا، وقۋ ـ اعارتۋ سەلبەستىگىن ورتاق اقىلداستى
كەلۋقاينارى: |جاۋاپتى رەداكتور: | جاڭالانعان ۋاقىت:2019-05-13 10:02:00

 

    شينحۋا اگەنتتىگىنىڭ حابارى: گەرمانياداعى جۇڭگولىق پروفەسسورلار قوعامى ۇيىمداستىرعان 11 - كەزەكتى جۇڭگو - گەرمانيا پروفەسسورلار تالقىسى 5-ايدىڭ 10- جانە 11- كۇندەرى گەرمانيانىڭ ورتا بولەگىندەگى گوتينگەن قالاسىندا وتكىزىلدى. ەكى ەلدىڭ ونداعان وقىمىستىسى ٴبىر اراعا باس قوسىپ، تۇرلىشە پاندەر سالاسىنىڭ الدىڭعى لەكتىك دامۋى مەن ەكى ەلدىڭ جوعارى دارەجەلى وقۋ ـ اعارتۋ سالاسىنداعى سەلبەستىگى جونىندە پىكىر الماستىردى.

 

گەرمانيا بونن ۋنيۆەرسيتەتى جەر شارى زەرتتەۋ ورتالىعىنىڭ مەڭگەرۋشىسى گۋ شۋە–ۋ بىلاي دەدى: جۇڭگو مەن گەرمانيانىڭ ەڭ وزىق جوعارى مەكتەپتەرى مەن زەرتتەۋ ورىندارىنىڭ سەلبەستىك ورىستەتۋى اۋقىمعا اينالدى، ونىڭ ۇستىنە ەكى جاقتىڭ سەلبەستىكتى جەبەۋ، تەحنيكانى وندىرگىش كۇشكە اينالدىرۋ قۋاتى دا وتە كۇشتى.

 

وسى كەزەك تالقىنى وتكىزۋدى ۇستىنە العان گەرمانيا گوتتينگەن ۋنيۆەرسيتەتىنىڭ ورىنباسار باستىعى گيتلاۋد كاسپەر حەيني بىلاي دەدى: جۇڭگو-كوتينگەن ۋنيۆەرسيتەتىنىڭ حالىقارالانۋ ستراتەگياسىنداعى ماڭىزدى رايونداردىڭ ٴبىرى، بولاشاقتا جۇڭگومەن سەلبەستىكتى ۇزدىكسىز كەڭەيتەدى.

 

جۇڭگو گۋاڭدۇڭ شەتەل ٴتىلى سىرتقى ساۋدا ۋنيۆەرسيتەتىنىڭ لەكتورى حۋاڭ يۇيحۋان تالقىدا بىلاي دەدى: قارىم ـ قاتىناس جاساۋ بارىسىندا ٴتىل، جاتىرقاۋ قاتارلى فاكتورلاردان كەدەرگىلەرگە ۇشىراعانىمىزبەن، بۇل ماسەلەلەردى جەڭۋگە بولادى، جۇڭگو مەن گەرمانيا عىلىم ـ تەحنيكا سەلبەستىگى ارقىلى ارتىقشىلىقتى قابىلداپ ولقىلىقتى تولىقتاپ، ورتاق العا باسۋ ماقساتىنا جەتە الادى.