يراننىڭ جوعارى دارەجەلى ٴمانساپتىلارى ا ق ش ارمياسىن سوققى بەرۋ نىساناسى دەپ قارادى، بۇل جاعىندا ا ق ش لايىقتى شارا قولداناتىندىعىن ايتتى
كەلۋقاينارى: |جاۋاپتى رەداكتور: | جاڭالانعان ۋاقىت:2019-05-15 15:29:00

 

    يران ٴىسلام توڭكەرىستىك قورعانىس قوسىنىنىڭ جوعارى دارەجەلى قولباسشىسى 5 - ايدىڭ 12 - كۇنى ا ق ش - نىڭ شىعاناق رايونىنداعى اسكەري قۇرىلعىلارىنا سوققى بەرۋ نىساناسىنا ەنگىزگەندەرىن جاريالادى.

 

ا ق ش - نىڭ مەملەكەت ىستەر حاتشىسى مايك پومپەو مەديالاردىڭ سۇحباتىن قابىلداعاندا بىلاي دەدى : ا ق ش يراننىڭ مۇمكىن بولعان شابۋىلىنا لايىقتى توتەپ بەرەدى، الايدا سوعىس اشۋ امەريكانىڭ تۇپكى ماقساتى ەمەس.

 

ا ق ش جۋىردا ورتا شىعىسقا «ابەراحان لينكولين» اتتى اۆياماتكا سوعىس اتىرەتى مەن 52 - B تۇرپاتتى بومبىلاعىش ۇشاق ەرەكشە قوسىنىن ورنالاستىردى. ا ق ش ٴمانساپتىلارى بۇل ورنالاستىرۋدىڭ ماقساتى يراننىڭ ورتا شىعىس رايونىنداعى ا ق ش ارمياسىنا قاتەر توندىرمەكشى بولعان «ايقىن بەلگىسىنە» جاۋاپ قايتارۋ دەدى. «ابەراحان لينكولين» اتتى اۆياماتكا الدىڭعى ايدا شىعاناق سۋ ايدىنىنان ا ق ش ەلىنە قايتقان تاعى ٴبىر اۆياماتكانىڭ ورنىن باستى.

 

يران وقۋشىلار اگەنتتىگىنىڭ حابارىنا قاراعاندا، يران ٴىسلام توڭكەرىستىك قورعانىس قوسىنى اۋە شابۋىلىنان قورعانۋ اسكەري ٴبولىمىنىڭ قولباسشىسى اميللاري حاجىجاد 5 - ايدىڭ 12 - كۇنى بىلاي دەگەن : وتكەندە، كەمىندە 40 ـ ـ ـ ـ ـ 50 ايروپلان جانە 6000 اسكەرى بار اۆياماتكا بىزگە اۋىر قاتەر ٴتوندىرىپ كەلگەن ەدى، الايدا قازىر بۇل ٴبىزدىڭ سوققى بەرەتىن نىسانامىزعا اينالىپ، بىزگە وراي بولدى.

 

قاجىجاد : ەگەر ا ق ش ارەكەت قولداناتىن بولسا، ٴبىز وعان سىلەيتە سوققى بەرەمىز دەدى

 

سول كۇنى يران تەڭىز ارمياسىنىڭ قولباسشىسى قۇساين حانزادي بىلاي دەدى : ا ق ش ارمياسىنىڭ شىعاناق رايونىندا تۇرۋى ” شەگىنە جەتتى “، ولار ٴسوزسىز بۇل وڭىردەن كەتۋى كەرەك.

 

يران ٴىسلام پارلامەنتى اگەنتتىگى تورابىنىڭ حابارىنا قاراعاندا، يران ٴىسلام توڭكەرىستىك قورعانىس قوسىننىڭ قولباسشىسى قۇساين سالامي سول كۇنى پارلامەنتتە ا ق ش ورتا شىعىس رايونىندا پسيحيكالىق سوعىس قوزعاپ جاتقاندىعىن ايتتى. يران پارلامەنتىنىڭ مالىمدەمەشىسى بەحرۋز نيماتي بىلاي دەدى : « قولباسشى سالامي وڭىرلىك جاعدايعا نازار اۋدارىپ، ا ق ش – تىڭ ٴبىر مايدان پسيحيكالىق سوعىس قوزعاعانىنا تالداۋ جاساپ اشىپ كورسەتتى، ويتكەنى ا ق ش اسكەري قوسىندارىنىڭ ورتا شىعىس وڭىرىندە كىرىپ – شىعۋى قالىپتى جاعداي بولىپ قالىپتاسقان، وعان تاڭداناتىن تۇكتە جوق.

 

كەزەكتە ا ق ش پەن يراننىڭ قارىم - قاتىناسى بارعان سايىن شيەلەنىسە تۇسۋدە. ا ق ش ەكونوميكا سالاسىندا يرانعا ۇزدىكسىز قىسىم ٴتۇسىرىپ، يراننىڭ مۇناي ەكسپورت ەتۋ جولىن ۇزىپ تاستاماقشى.

 

پومپەو ا ق ش تۇتىنۋشىلارىنىڭ اقپاراتى مەن ساۋدا ارناسىنىڭ سۇحباتىن قابىلداعاندا بىلاي دەدى : ا ق ش جاقتىڭ اسكەري ورنالاستىرۋى يران جاقتىڭ تۇتقيىل شابۋىل قوزعاۋ مۇمكىندىگىنە قاراتىلعان قارىمجى ارەكەتى بولىپ، يران جاققا سەس كورسەتۋ جانە كەرەك كەزدە اڭىس ٴبىلدىرۋ بولىپ تابىلادى. ول بىلاي دەدى : ەگەر يران ا ق ش - نىڭ مۇددەسىن زيانداۋدى كوزدەپ، يراق، افعانستان، يەمەن نەمەسە ورتا شىعىستىڭ باسقا جەرلەرىندە ا ق ش نىڭ اسكەري قۇرىلعىلارىنا شابۋىل قوزعايتىن بولسا وندا، ٴبىز وعان ۇيلەسىمدى تاسىلمەن اڭىس بىلدىرەتىن بولامىز، الايدا ٴبىزدىڭ نىسانامىز سوعىس اشۋ ەمەس.

 

پومپەو 5 - ايدىڭ 13 - كۇنى بەلگيانىڭ برۋسسەل قالاسىندا ەۆروپا وداعىنىڭ مانساپتىلارىمەن يران ماسەلەسىن تالقىلادى، ىلە - شالا رەسەيدىڭ تەڭىز جاعالاۋىنداعى قالا سوچيگە بارىپ، رەسەيدىڭ پرەزيدەنتى ۆلاديمير پۋتين جانە سىرتقى ىستەر مينيسترى سەرگەي لاۆروۆپەن كەزدەستى.