ا ق ش - نداعى كوپتەگەن كاسىپتىك قوعامدار ا ق ش ۇكىمەتىنىڭ جۇڭگودان كەدەن باجىسىن ۇستەمەلەپ الۋىنا قارسى تۇردى
كەلۋقاينارى: |جاۋاپتى رەداكتور: | جاڭالانعان ۋاقىت:2019-05-15 16:35:00

 

    شينحۋا اگەنتتىگىنىڭ حابارى: ا ق ش مەملەكەتتىك بولشەك ساتۋ ساۋدا بىرلەستىگى، تۇتىنۋ تەحنيكا قوعامى، كيىم ـ كەشەك، اياق كيىم، بايپاق كاسىپ بىرلەستىگى، سويا بۇرشاق قوعامى قاتارلى كوپتەگەن كاسىپتىك قوعام 5-ايدىڭ 13-كۇنى مالىمدەمە جاريالاپ، ا ق ش ۇكىمەتىنىڭ قۇنى 300 ميلليارد امەريكا دوللارى كەلەتىن جۇڭگودان ا ق ش ـ نا جەتكىزىلەتىن تاۋارلاردان كەدەن باجىسىن ۇستەمەلەپ الۋ تىزىمدىگىن جاريالاۋىنا قارسى تۇردى، سونداي ـ اق ا ق ش پەن جۇڭگونىڭ ەكونوميكا ـ ساۋدا كەلىسسوزىنىڭ تەز ارادا قالىپتى ارناعا تۇسۋىن قۋزادى.

 

ا ق ش مەملەكەتتىك بولشەك ساتۋ ساۋدا بىرلەستىگىنىڭ باستىعى ماشيۋ سەي مالىمدەمە جاريالاپ بىلاي دەدى : تاياۋداعى كەدەن باجىسىنىڭ جوعارىلاۋى ا ق ش ەكونوميكاسى جونىنەن العاندا “قوماقتى ٴباس تىككەندىك” سانالادى، بۇل ا ق ش -نداعى كاسىپتەنۋگە نۇقسان جەتكىزەدى ٴارى تۇتىنۋشىلاردىڭ وزىندىك قۇنىن ارتتىرادى. جالپى بەتتىك ساۋدا سايىسى ەكى جاققا دا زياندى، دۇنيە ٴجۇزى ەكونوميكاسى دا اۋىر اپاتقا ۇشىرايدى.

 

ا ق ش تۇتىنۋ تەحنيكا قوعامىنىڭ ٴتوراعاسى گارري شاپيرو مالىمدەمەسىندە بىلاي دەدى : اقساراي مەملەكەتتىك ەكونوميكا كوميتەتىنىڭ مەڭگەرۋشىسى كۋدرو ايتقانداي، كەدەن باجىسى جۇڭگولىقتارعا ەمەس،قايتا اق ش-ندىقتارعا اۋىر تيەدى. اق ش-نىڭ وسىنداي زاڭ جۇزىندە سەنىم ارتۋعا بولمايتىن تاسىلمەن كەدەن باجىسىن جوعارىلاتۋ ا ق ش -نداعى وتباسىلارعا، جۇمىسشىلارعا،كاسىپورىندارعا زالالىن تيگىزەدى.

 

ا ق ش كيىم - كەشەك، اياق كيىم، بايپاق كاسىبى بىرلەستىگىنىڭ باستىعى ريك حالفەنباي بىلاي دەدى : ا ق ش ۇكىمەتى جۇڭگومەن كەلىسىمگە كەلۋگە اسىقپاي ٴوز تۇتىنۋشىلارىنىڭ باجىسىن ارتتىرۋمەن ابىگەر بولدى. بۇل زات باعاسىنىڭ قىمبات بولۋىنا، ساتىلۋ مولشەرىنىڭ تومەن بولۋىنا جانە جۇمىسقا ورنالاسۋدىڭ تومەندەۋىنە مۇرىندىق بولادى، مۇنداي «ٴوزىن- ٴوزى ارانداۋ» ارەكەتى ا ق ش ەكونوميكاسىنا اپات سيپاتتى ىقپال جاسايدى.