يران سىرتقى ىستەر مينيسترلىگى : ا ق ش – تىڭ قىسىم ءتۇسىرۋ ساياساتى، ءسوز جوق، ساتسىزدىككە ۇشىرايدى دەدى
كەلۋقاينارى: |جاۋاپتى رەداكتور: | جاڭالانعان ۋاقىت:2019-06-09 17:58:00

شينحۋا اگەنتتىگىنىڭ حابارى. يراننىڭ سىرتقى ىستەر مينيسترلىگى وسى ايدىڭ 8-كۇنى مالىمدەمە جاريالاپ، ا ق ش – تىڭ يرانعا جاڭا جازا قولدانعاندىعىن ايىپتاپ، ا ق ش – تىڭ قىسىم جاساۋ ساياساتىنىڭ ساتسىزدىككە ۇشىرايتىندىعى ءسوزسىز دەپ قارادى.


يران سىرتقى ىستەر مينيسترلىگىنىڭ مالىمدەمەشىسى ابباس مۇساۆي مالىمدەمەسىندە : ا ق ش وسى ايدىڭ 7-كۇنى يراننىڭ پارس شىعاناعى مۇناي - حيميا ونەركاسىپ سەرىكتىگىنە جازا قولدانۋ حالىقارالىق زاڭعا قايشى ەكەندىگىن جاريالاپ، بۇل ءبىر ءتۇرلى « ەكونوميكالىق لاڭكەستىك » ارەكەت دەدى. بۇل جازا ا ق ش - نىڭ يرانعا باستان - اياق جاۋ كوزبەن قارايتىن ساياساتىنىڭ ءبىر بولەگى ەكەندىگىن، ا ق ش - تىڭ وسىدان بۇرىن يرانمەن پىكىرلەسۋدى ۇندەۋىنىڭ تەك بوس ءسوز عانا بولىپ، تيىتتەيدە شىنايىلىعى جوق ەكەندىگىن دالەلەدى.


مالىمدەمەدە بىلاي دەلىنگەن : ا ق ش – تىڭ قىسىم جاساۋ ساياساتىنىڭ ساتسىزدىككە ۇشىرايتىندىعى ءسوزسىز، وسىدان بۇرىن ا ق ش – تىڭ كوپتەگەن پرەزيدەنتىنىڭ مىندەتكە وتىرعان كەزدەگى ارەكەتى مۇنىڭ دالەلى. حالىقارالىق قوعام ا ق ش - نىڭ سىڭار جاقتى شارالارى مەن زورەكەرلىك ساياساتىنا جاۋاپ قايتارۋعا مىندەتتى.