يتاليا كەڭەس پالاتاسى سىرتقى ىستەر كوميتەتىنىڭ ءتوراعاسى پەتروچەلي: سىڭار جاقتىلىق پەن قورعانىمپازدىق جولىنىڭ بولاشاعى جوق دەدى
كەلۋقاينارى: |جاۋاپتى رەداكتور: | جاڭالانعان ۋاقىت:2019-06-10 08:41:00

جۇڭگو حالىقارالىق راديو ستانسياسىنىڭ حابارى. سوڭعى ءبىر جىلدان استام ۋاقىتتان بەرى ا ق ش جان - جاققا ساۋدا داۋ - شارىن تۋدىرىپ، جۇڭگونى قامتىعان كوپتەگەن ەلدەرگە كەدەن سالىعىن سالىپ، حالىقارالىق ەرەجەلەر مەن كوپ جاقتى ساۋدا تۇزىلىسىنە بەتالدى سايىس جاريالادى. يتاليا كەڭەس پالاتاسى سىرتقى ىستەر كوميتەتىنىڭ ءتوراعاسى پەتروچەللي تاياۋدا بىلاي دەدى: كوپ جاقتى ساۋدا ءتۇزىلىسىن قورعاۋ ماسەلەسىندە، يتاليا مەن جۇڭگو ءبىر مايداندا تۇرىپ، وسى مايداندى ەۆروپا وداعىنىڭ سۇلباسى مەن حالىقارالىق كوپ جاقتى ورتاعا باستايدى.


پەتروچەللي بىلاي دەدى: يتاليا مەن ەۆروپا وداعى قورعانىمپازدىقتى قاجەت ەتپەيدى. حالىقارالىق ساۋدا ماسەلەسىندە بازاردى اشىق ۇستاۋ، ساياسي مەن ەكونوميكا - ساۋدانىڭ كوپ جاقتىلى جۇلگەسىن قورعاۋ يتاليا مەملەكەت مۇددەسىنىڭ ءتۇبىرلى تياناعى بولىپ تابىلادى. پارلامەنتتىڭ سىرتقى ىستەر قىزمەتىنىڭ جاۋاپتىسى رەتىندە، مەن زۇڭليعا 6 ـ ايدا وتكىزىلگەن 20 ەل توبى باسشىلار ماجىلىسىندە ا ق ش ـ قا: سىڭار جاقتىلىق پەن قورعانىمپازدىق جولىنىڭ بولاشاعى جوق، 21 ـ عاسىردا بۇرىنعى كەدەن سالىعى سوعىسىنىڭ قۇرساۋىنا قايتا كىرىسۋگە بولمايدى دەپ ۇسىنىس بەرۋگە بورىشتىمىن.