جۇڭگو مەن ا ق ش ـ تىڭ ەكونوميكا ـ ساۋدا قاتىناسى جونىندەگى قازىرگى جاعداي جانە بولاشاق تالقى ٴماجىلىسى شياڭگاڭدا اشىلدى
كەلۋقاينارى:جۇڭگو قازاق راديو تورابى |جاۋاپتى رەداكتور: | جاڭالانعان ۋاقىت:2019-07-10 15:31:00

 

    شينحۋا اگەنتتىگىنىڭ حابارى: تەك سەلبەستىك جاساعاندا عانا، ەكى جاق تا تەڭ پايداعا كەنەلەدى. حالىقارالىق جاعدايدا وراسان زور وزگەرىستەر بولعانىمەن جۇڭگو مەن ا ق ش قارىم ـ قاتىناس پەن تىلدەسۋدى كۇشەيتىپ، ەكونوميكا-ساۋدا كەڭەسى مەن سەلبەستىگىن ىلگەرىلەتۋى كەرەك . بۇل7-ايدىڭ 9-كۇنى شياڭگاڭدا اشىلعان جۇڭگو مەن ا ق ش ـ تىڭ ەكونوميكا ـ ساۋدا قاتىناسى : قازىرگى جاعداي جانە بولجال جونىندەگى تالقى ماجىلىسىنە قاتىسۋشىلاردىڭ ورتاق ٴۇنى.


    جۇڭگو حالىقارالىق ەكونوميكالىق اۋىس ـ كۇيىس ورتالىعىنىڭ باس القاسى زىڭ پەييان بىلاي دەپ باسا دارىپتەدى : ا ق ش سىرتقى ساۋدا كەرى بالانىسىنىڭ قالىپتاسۋىندا وبيەكتيۆ قاجەتتىلىك بار، ا ق ش جۇڭگومەن ەكونوميكا ـ ساۋدا بارىس ـ كەلىسىندە زيان تارتپايدى، قايتا مەملەكەت، كاسىپورىن، وتباسى سياقتى تاراۋلاردا ناقتى مۇددەگە قول جەتكىزەدى.


    جاپونيانىڭ بۇرىنعى باس ٴۋازىرى فۋتيان كاڭفۋ سوزىندە ەكونوميكا - ساۋدا قاقتىعىسى ەكونوميكالىق دامۋ بارىسىندا بولماي قويمايدى، ەكى جاق تا جالپى جاعداي تۇرعىسىنان شەشىم جاساۋى كەرەك. ەگەر جاقسى شەشىلسە، ەكى جاققا دا ىلگەرلەۋ ورايىن اپەرەدى دەدى.


    ا ق ش ٴداستۇرلى قور قوعامى ازيا زەرتتەۋ ورتالىعىنىڭ ٴتوراعاسى فوەرنا بىلاي دەدى : جۇڭگو مەن ا ق ش ەكى ەلدىڭ ەكونوميكا ـ ساۋدا قاتىناسىن قايتا سومداۋدى جانە دارەجەسىن جوعارىلاتۋدى ورتاق نىسانا ەتىپ، ەكونوميكا ـ ساۋدا كەلىسسوزىن وسى نىساناعا جەتۋدىڭ ورايىنا اينالدىرۋى. ا ق ش جۇڭگومەن ىقپالداستىقتى ٴونىمدى رەتتەۋ ٴتاسىلىن ۇيرەنۋى كەرەك . ەكى جاقتىڭ كەلىسسوزدى بەلسەنە ىلگەرىلەتۋىن ٴارى كەلىسكەن كەلىسىمدى شىنايى تياناقتاندىرۋىن ٴۇمىت ەتەمىن.


    ماجىلىسكە قاتىناسقان سيلى قوناقتار بىلاي دەدى : ەكى ەل باسشىلارىنىڭ وساكا كەزدەسۋى ماڭىزدى ورتاق تانىمعا كەلىپ، تەڭدىك جانە ٴوزارا قۇرمەت ەتۋ نەگىزىندە ەكونوميكا ـ ساۋدا كەڭەسىن قايتا باستاۋعا قوسىلدى، بۇل جۇڭگو ـ ا ق ش قاتىناسىنىڭ كەلەسى قادامداعى دامۋىنا ايقىن باعدار كورسەتتى.


اۋدارعان: بالاپان ٴارىپجان ۇلى