افريكا وڭىرىندەگى جوعارى دارەجەلى لاڭكەستىككە قارسى تۇرۋ ٴماجىلىسى كۇش بىرىكتىرىپ، لاڭكەستىكتى جويۋعا ۇندەدى
كەلۋقاينارى:جۇڭگو قازاق راديو تورابى |جاۋاپتى رەداكتور: | جاڭالانعان ۋاقىت:2019-07-11 10:17:00

 

    شينحۋا اگەنتتىگىنىڭ حابارى: 2 كۇنگە جالعاسقان افريكا وڭىرىندەگى لاڭكەستىككە قارسى جوعارى دارەجەلى ٴماجىلىسى 7-ايدىڭ 10-كۇنى كەنيانىڭ استاناسى نايروبيدا اشىلدى، حالىقارالىق ۇيىمداردىڭ جاۋاپتىلارى مەن ۇكىمەت باسشىلارىن قامتىعان مىڭعا جۋىق ادام ماجىلىسكە قاتىناستى. ماجىلىسكە قاتىناسقان ۋاكىلدەر كۇش بىرىكتىرە وتىرىپ لاڭكەستىكتى جويىپ، افريكا قۇرلىعىنا ورنىقتىلىق پەن دامۋ الا كەلۋگە ۇندەدى.


    ب م ۇ ـ نىڭ باس حاتشىسى گۋتتەرەس ٴماجىلىستىڭ اشىلۋ سالتىندا ٴسوز سويلەپ بىلاي دەدى : لاڭكەستىك افريكاعا تارالۋدا ٴارى تۇتاس ٴوڭىردىڭ ورنىقتىلىعىن بۇلدىرۋدە، حالىقارالىق قوعام افريكا ەلدەرىنىڭ لاڭكەستىككە قارسى تۇرۋ سالاسىنداعى تەحنيكالىق جانە ەكونوميكالىق قولداۋىن كۇشەيتۋى كەرەك . لاڭكەستىكتىڭ تامىرىنا بالتا شابۋ ساياسي تىلەكتەستىكتى، جەتكىلىكتى قارجىنى، ساقاداي ساي تۇراتىن قارۋلى كۇشتەردى قاجەت ەتەدى، سونىمەن بىرگە جاستارداعى يدەيالىق ۇشقارىلىقتىڭ الدىن الۋ كەرەك

اۋدارعان: بالاپان ٴارىپجان ۇلى