جۇڭگونىڭ لاڭكەستىككە قارسى كۇرەسى لاڭكەستىك ارەكەتتەردىڭ ٴجيى تۋىلۋ جاعدايىن ٴونىمدى تەجەدى
كەلۋقاينارى:جۇڭگو قازاق راديو تورابى |جاۋاپتى رەداكتور: | جاڭالانعان ۋاقىت:2019-07-11 10:21:00


    شينحۋا اگەنتتىگىنىڭ حابارى: جۇڭگونىڭ ب م ۇ ـ داعى تۇراقتى ۋاكىلى ما جاۋشۇي وسى ايدىڭ 9-كۇنى بىلاي دەدى : جۇڭگو لاڭكەستىككە قارسى تۇرۋ جانە ۇشقارىلىقتى الاستاۋ كۇرەسىن ورىستەتىپ، لاڭكەستىك ارەكەتتەردىڭ ٴجيى تۋىلۋ جاعدايىن ٴونىمدى تەجەپ، ٴار ۇلت حالىق بۇقاراسىنىڭ ٴومىر ٴسۇرۋ ۇقىعى، دامۋ ۇقىعى سياقتى نەگىزگى ۇقىقتارىن بارىنشا قامتاماسىز ەتتى.


    سول كۇنى ب م ۇ حاۋىپسىزدىك القالار كەڭەسى حالىقارالىق لاڭكەستىك پەن ۇيىمدى قىلمىسقا قاتىستى ماسەلەلەر جونىندە اشىق تالقى وتكىزدى . ما جاۋشۇي بىلاي دەدى : جۇڭگو لاڭكەستىكتىڭ زاردابىن كورگەن . لاڭكەستىك، ۇشقارىلىق سىندى رەال حاۋىپ الدىندا، جۇڭگو باتىل شارا قولدانىپ، لاڭكەستىككە قارسى تۇرۋ جانە ۇشقارىلىقتى الاستاۋ كۇرەسىن ورىستەتتى . جۇڭگونىڭ لاڭكەستىككە قارسى تۇرۋ جانە ۇشقارىلىقتى الاستاۋ كۇرەسى حالىقارالىق قوعامنىڭ لاڭكەستىككە قارسى تۇرۋ كۇرەسىنىڭ ماڭىزدى قۇرامداس بولەگى، بىرلەسكەن مەملەكەتتەر ۇيىمىنىڭ لاڭكەستىككە سوققى بەرۋ، ادامدىق ۇقىقتى قورعاۋ ماقساتىنا جانە پرينسيپىنە بۇكىلدەي ۇيلەسەدى.


    ما جاۋشۇي بىلاي دەدى: قازىر لاڭكەستىك ارەكەتتەر ۇيىمدى قىلمىسپەن توعىسىپ، ٴوزارا ارالاسىپ كەتتى، لاڭكەستەر ۇيىمداسقان قىلمىستىق ارەكەتتەردەن پايدالانىپ قارجى قۇراۋدا، قىلمىستىلار ۇشقارىلىقتى ۇيىمداستىرىپ نەمەسە لاڭكەستىك قيمىلدارمەن شۇعىلدانعاندا، حالىقارالىق بەيبىتشىلىك پەن حاۋىپسىزدىككە اۋىر قاتەر توندىرەدى. حالىقارالىق قوعام، ٴسوز جوق، ناقتى سەلبەستىكتى كۇشەيتىپ، اقپارات، ينفورماتسيا اۋىستىرىپ، تابىستى تاجىريبەلەردەن بىرگە يگىلىكتەنىپ، تىزە قوسا ارەكەت قولدانۋى كەرەك.

اۋدارعان: بالاپان ٴارىپجان ۇلى