جۇڭگو - اق ش ەكونوميكا - ساۋدا قوسىنى كەلەر كەزەكتى ناقتى ورنالاستىرۋ جونىندە اۋىس - كۇيىس جاساۋدا
كەلۋقاينارى: |جاۋاپتى رەداكتور: | جاڭالانعان ۋاقىت:2019-07-12 09:50:00

ءوز حابارىمىز. ساۋدا ىستەر مينيسترلىگى بىلاي دەدى: ساۋدا مينيسترلىگىنىڭ اقپارات مالىمدەمەشىسى گاۋ فىڭ 7 - ايدىڭ 11 - كۇنى جۇڭگو مەن ا ق ش ەكى جاقتىڭ ەكونوميكا – ساۋدا ۇيىرمەسى تەڭدىك جانە ءوزارا قۇرمەت ەتۋ نەگىزىندە ەكونوميكا – ساۋدا كەڭەسىن قايتا باستايدى. سونىمەن بىرگە ا ق ش – تى ۋادەنى شىن مانىندە تياناقتاندىرىپ، جۇڭگو كاسىپورىندارىنا قىسىم جاساۋ جانە جازالاۋ شارالارىن ەرتەرەك كۇشىنەن قالدىرۋعا قۋزايدى.


ساۋدا ىستەر مينيسترلىگىنىڭ اقپارات مالىمدەمەشىسى گاۋ فىڭ بىلاي دەدى: قازىر ەكى جاقتىڭ ەكونوميكا ـ ساۋدا ۇيىرمەسى كەلەسى قادامدا ناقتى ورنالاستىرۋ جونىندە پىكىرلەسۋدە، ەكى ەل باسشىلارىنىڭ وساكا كەڭەسىندەگى تالابىنا ساي، ەكونوميكا ـ ساۋدا كەڭەسىن تەڭ تۇرعىدا جانە ءوزارا قۇرمەت ەتۋ نەگىزىندە قايتا باستادى. جۇڭگونىڭ كەڭەسۋ مايدانى دايەكتى، ايقىن، جۇڭگونىڭ وزەكتى كوڭىل ءبولىپ وتىرعان ماسەلەلەرى، ءسوز جوق، ۇيلەسىمدى شەشىلۋى كەرەك، ەكى جاقتىڭ تەڭ تۇرعىدا پىكىرلەسۋ ارقىلى ءبىر - بىرىنە ۇيلەسىمدى قامقورلىق جاسايتىندىعىنا، ماسەلەنى شەشۋدىڭ ءادىسىن ءسوزسىز تابا الاتىندىعىنا سەنەدى، بۇل ەكى ەلدىڭ جانە ەكى ەل حالقىنىڭ مۇددەسىنە دە، بۇكىل دۇنيە ءجۇزى مەن دۇنيە ءجۇزى حالقىنىڭ مۇددەسىنە دە ۇيلەسەدى.


حۋاۋي سەرىكتىگىنىڭ ءالى دە ا ق ش ساۋدا ىستەر مينيسترلىگىنىڭ « قارا تىزىمدىگىندە » تۇرعاندىعىنا قاراتا، گاۋ فىڭ بىلاي دەدى: « ءبىز ا ق ش – تى ۋادەنى شىن مانىندە تياناقتاندىرىپ، جۇڭگو كاسىپورىندارىن قاتە ادىستەرمەن تىزگىندەۋىن تەز ارادا توقتاتۋعا قۋزايمىز.