قورعانىس مينيسترلىگىنىڭ اقپارات مالىمدەمەشىسى ا ق ش - تىڭ تايۋانعا قارۋ - جاراق ساتىپ بەرۋ جونىندە اڭىس ءبىلدىردى
كەلۋقاينارى: |جاۋاپتى رەداكتور: | جاڭالانعان ۋاقىت:2019-07-12 09:54:00

ءوز حابارىمىز. جۇڭگو قورعانىس مينيسترلىگىنىڭ اقپارات مالىمدەمەشىسى ۋ چيان 7 - ايدىڭ 11 - كۇنى ا ق ش مەملەكەتتىك كەڭەسىنىڭ تايۋانعا قۇنى 2 ميلليارد 220 ميلليون امەريكا دوللارىندىق قارۋ – جاراق ساتۋ دەلوسى جونىندە اڭىس ءبىلدىردى.


جۇڭگو قورعانىس مينيسترلىگىنىڭ اقپارات مالىمدەمەشىسى ۋ چيان بىلاي دەدى: جۇڭگو ارمياسى بۇعان كۇشتى نارازىلىق ءبىلدىرىپ، باتىل قارسى تۇرادى . ۋ چيان مىنانى باسا دارىپتەدى: تايۋان ماسەلەسى جۇڭگونىڭ ىشكى ءىسى، ول جۇڭگونىڭ وزەكتى مۇددەسى مەن جۇڭگو حالقىنىڭ ۇلتتىق سۇيىسپەنشىلىگىنە سايادى، ءارقانداي سىرتقى كيلىگۋگە جول بەرىلمەيدى. جۇڭگو جاق ا ق ش – تى ۋادەسىندە تۇرۋعا، ءبىر جۇڭگو پرينسيبى مەن جۇڭگو - ا ق ش – تىڭ ءۇش بىرلەسكەن مازمۇنداماسىنداعى بەلگىلەمەلەرگە بويسۇنىپ، تايۋانعا قارۋ – جاراق ساتۋ جوسپارىن دەرەۋ كۇشىنەن قالدىرىپ، ا ق ش پەن تايۋاننىڭ بارلىق فورماداعى اسكەري بايلانىسىن توقتاتىپ، جۇڭگو مەن ا ق ش ەكى ەل ارمياسىنىڭ قاتىناسىنا ونان ارى زيان جەتكىزۋدەن ساقتانۋعا قۋزادى. جۇڭگو ارمياسىندا بەرىك جىگەر، تولىق سەنىم، جەتكىلىكتى قابىلەت بار بولىپ، ءارقانداي فورماداعى سىرتقى كۇشتەردىڭ كيلىگۋى مەن ” تايۋان دەربەستىگى “ سىندى بولشەكتەۋ ارەكەتتەرىن تالقانداپ، بارلىق قاجەتتى شارالاردى قولدانا وتىرىپ مەملەكەتتىڭ يەلىك ۇقىعىنىڭ حاۋىپسىزدىگى مەن تەرريتوريا تۇتاستىعىن باتىل قورعايمىز.