«حالىقارالىق اسكەري جارىس--2019» مانيۆەرىنىڭ پاراشوتشىلار ٴپايى نىسانىنداعى سوعىس اۆتوموبيلىمەن قۋعىنداۋ جارىسىندا جۇڭگو كومانداسىنىڭ جارىس قارقىنى مەن شابىتى ەلدەن ەرەك بولدى
كەلۋقاينارى:جۇڭگو قازاق راديو تورابى |جاۋاپتى رەداكتور: | جاڭالانعان ۋاقىت:2019-08-12 15:16:00

 

    «حالىقارالىق اسكەري جارىس--2019» مانيۆەرىنىڭ پاراشوتشىلار پايىمى نىسانىنداعى سوعىس اۆتوموبيلىمەن قۋعىنداۋ جارىسى وسى ايدىڭ 8-كۇنى رەسەيدىڭ پوسكوۆ وبىلىسىنداعى قىزىل اعاش قايىق نىسانا الاڭىندا وتكىزىلدى، جۇڭگو، رەسەي، قازاقستان سياقتى 7 مەملەكەتتەن كەلگەن 14 اۆتوكولىك گرۋپپاسى قيان ـ كەسكى سايىستى. جۇڭگو كومانداسى جارىس جاعدايى ٴتيىمسىز بولعان جاعدايدا، جارىس قارقىنى مەن قىزعىندىلىعى بويىنشا گرۋپپادا ٴبىرىنشى بولىپ، شەتەل ارمياسىنىڭ ماداقتاۋىنا يە بولدى.


    جۇڭگو قۇراماسىنداعى سوعىس كولىگى نىسانى گرۋپپاسىنىڭ جاتتىقتىرۋشىسى فان يانچياڭنىڭ تانىستىرۋىنشا، سوعىس اۆتوموبيلىمەن قۋعىنداۋ جارىسىنىڭ تەكسەرۋىندە جارىسقا قاتىناسۋشىلاردىڭ جالپىلىق قۋاتى مەن ادامداردىڭ شوفەرلىك تەحنيكاسى، نىسانا اتۋ ساپاسى، سونداي ـ اق اۆتوموبيل گرۋپپاسىنداعىلاردىڭ سەلبەسىپ سوعىس جۇرگىزۋ قابىلەتى، پاراشوتشى اسكەرلەردىڭ تەحنيكالىق، تاكتيكالىق ورەسى مەن ادام مەن اۆتوموبيلىنىڭ تۇلعالىق سوعىس جۇرگىزۋ قابىلەتى جونىندەگى جالپىلىق باعالاۋ بار ەكەن. جارىس تالابىنا ساي، جارىسقا قاتىناسقان اۆتوموبيل گرۋپپاسى جالپى 12 كيلومەترلىك جارىس جولىندا ىلگەرىندى - كەيىندى تانكىگە قارسى اكوپ، ناجاعاي توسقاۋىلى جانە ٴورت بوگەت بەلدەۋى قاتارلى 12 ٴتۇرلى كەدەرگى زاتتار ارقىلى اۆتوكولىكتەگى قارۋ- جاراقتاردىڭ كومەسكى نىساناسىن اتقىلايدى. جەرەبە سۋىرۋدىڭ رەت - تارتىبىنە ساي، جۇڭگو، ۆەنەسۋەلا، قازاقستان سىندى 3 جارىس كومانداسى 2 - گرۋپپادا جارىسقا قاتىناستى.


    جەرگىلىكتى ۋاقىت 8-ايدىڭ 8-كۇنى ساعات 11 دەن 10 مينۋت وتكەندە ۆەنەسۋەلا، قازاقستان جانە جۇڭگو كومانداسىنىڭ 1 ـ اۆتوموبيل گرۋپپاسى ىركەس ـ تىركەس ٴبىر مينۋتتا جول الدى. كوپ وتپەي ۆەنەسۋەلا سوعىس كولىگى كەدەرگىگە ۇشىراعان كەزدە، جۇڭگو سوعىس كولىگى ودان اسىپ كەتكەن سوڭ قازاقستان سوعىس اۆتوموبيلىن قۋدى. ٴۇشىنشى ورىنداعى اۆتوكولىكتىڭ ٴتيىمسىز جاعدايىنا قاراتا، شوفەر چىن لينيۋان جۇرەكتىلىكپەنٴتۇرلى كەدەرگىلەردەن تەز ٴوتىپ، قازاقستان سوعىس كولىگىنىڭ نىسانا اتۋ رايونىنا كەلدى. نىسانا اتۋ جارىسى بارىسىندا قازاقستان سوعىس كولىگى ٴبىر زەڭبىرەك نىساناسىنان ايىرىلىپ 400 مەتر جەر كەيىن قالىپ قويدى، جۇڭگو كومانداسىنىڭ مەرگەنى شياڭ جىجيە 6 رەت تولىق ناتيجەمەن جۇڭگو كومانداسىنا ۋاقىت ۇتىپ، ەڭ سوڭىندا 3 مينۋتتىق ناتيجەمەن ٴبىرىنشى رەتكى بەلدەسۋدى اياقتاتتى.


    ەكىنشى ماشينا گرۋپپاسى جارىسىندا ۆەنەسۋەلا كومانداسىنىڭ ٴبىرىنشى گرۋپپاسىنىڭ سوعىس كولىگى ٴبۇلىنىپ، رەسەي تورەلىك ايتۋ گرۋپپاسى جارىستى كەلەسى كەزەككە سوزدى، جارىس جولىندا تەك جۇڭگو كومانداسى مەن قازاقستان كومانداسى عانا بار ەدى. ارت - ارتىنان كەلە جاتقان جۇڭگونىڭ 802 - اۆتوموبيل گرۋپپاسى جولعا شىعىپ 5 مينۋتتان كەيىن قازاقستاننىڭ سوعىس اۆتوموبيلىن باسىپ وزىپ، نىسانا اتۋ وڭىرىنە دەرلىك كىردى . الايدا نىسانا اتۋ جارىسى باستالعاننان كەيىن، جۇڭگو جارىسقا قاتىناسۋشىلار كومانداسىنىڭ الدىڭعى ٴبىر كەزەڭدەگى جارىسىندا ۇزدىك مەرگەن حۋ چينشىڭ اعاتتىق وتكىزدى، 6 نىسانادان تەك 3ەۋىنە عانا دارىپ، 802 - اۆتوموبيل گرۋپپاسىنىڭ 1 . 2 كيلومەترلىك شەڭبەرىنە ايىپ سالىندى. جۇڭگونىڭ سوعىس كولىگى جازا شەڭبەرىنە جۇگىرگەننەن كەيىن، قازاقستاننىڭ سوعىس كولىگى ودان الدە قاشان وزىپ كەتتى. 802 - اۆتوموبيل گرۋپپاسى ۇدىرە العا تارتىپ، شوفەر ديڭ چيجۋە سول كۇنگى جەكە شەڭبەردىڭ ەڭ تەز قارقىنىمەن زىمىراپ، قازاقستانمەن بولعان پارىقتى ۇزدىكسىز ازايتىپ، ەڭ سوڭىندا قازاقستان سوعىس اۆتوموبيلىنەن 30 سەكۋندتىق ناتيجەمەن اسىپ ٴتۇستى.
«پاراشوتشىلار پايىنىڭ» جارىس ٴتۇرىنىڭ ورىنباسار ٴتوراعاسى، رەسەي پاراشوتشى اسكەرلەرىنىڭ پولكوۆنيكى گوۆوروۆ جۇڭگونىڭ پاراشوتشى اسكەرلەرىنىڭ بەينەسىنە جوعارى باعا بەرىپ بىلاي دەدى: «جۇڭگونىڭ پاراشوتشى اسكەرلەرىنىڭ بۇگىنگى بەينەسى ەرەكشە كورنەكتى بولاى، جارىسقا قاتىناسۋشىلاردىڭ دەڭگەيى ەڭ وزىق دارەجەدە».