ۆيەتنامدىق وقۋشىلار: جۇڭگوداعى وقۋ تۇرمىسىنان زور ٴۇمىت كۇتەدى
كەلۋقاينارى:جۇڭگو قازاق راديو تورابى |جاۋاپتى رەداكتور: | جاڭالانعان ۋاقىت:2019-08-12 15:23:00

 

    8-ايدىڭ 8 ـ كۇنى جۇڭگونىڭ ۆيەتنامداعى باس ەلشىحاناسى حانويدا جۇڭگو ۇكىمەتىنىڭ 2019 ـ جىلعى وقۋ سيلىق اقشاسىن قابىلداۋ ۇقتىرۋىن تاراتۋ سالتىن وتكىزدى، ۆيەتنامنان جۇڭگوعا كەلىپ وقيتىن 40 نەشە وقۋشى ۋاكىلى وقۋ سيلىق اقشاسىن العان 79 ادامنىڭ ۇقتىرۋ قاعازىن الدى. قابىلداۋ ۇقتىرۋىن العان ۆيەتنام ستۋدەنتى چىن تيانشيۋ تەبىرەنە بىلاي دەدى: جۇڭگوعا وقۋعا قابىلدانعانىما، ٴوزىمدى باقىتتى سانايمىن. بۇل ٴبىزدىڭ ارمانىمىزعا قانات قاقتىردى. بيىل 9-ايدا بەيجيڭگە كەلىپ ورتالىق تەاتر ينستيتۋتىنىڭ ماگيسترلىق اتاعىن الۋعا وقۋعا قابىلدانعان ول تىلشىگە بىلاي دەدى: ٴبىز جۇڭگوداعى وقۋ تۇرمىسىمىزدان زور ٴۇمىت كۇتەمىز. ٴبىز قۇلشىنا ۇيرەنىپ، ٴبىلىمىمىزدى بايىتىپ، بولاشاقتا ۆيەتنامنىڭ دامۋى مەن العا باسۋىنا، سونداي ـ اق ۆيەتنام مەن جۇڭگونىڭ دوستىق اۋىس ـ كۇيىسىنە ۇلەس قوسامىز.


    جۇڭگونىڭ ۆيەتنامداعى باس ەلشىسى شيۇڭ بو بىلاي دەدى: جۇڭگو مەن ۆيەتنامنىڭ وقۋ ـ اعارتۋ سەلبەستىگىنىڭ تاريحى ۇزاق، تاياۋ جىلداردان بەرى كوپتەگەن ماڭىزدى تابىستارعا قول جەتكىزدى. وقۋ سيلىق اقشاسى يەگەرلەرىنىڭ وقۋدى وراي ەتىپ، جۇڭگو مەن ۆيەتنامنىڭ ٴداستۇرلى دوستىعى مەن ەكى ەلدىڭ دامۋ جولى جونىندەگى تۇسىنىگىن كۇشەيتىپ، وقۋ بىتىرگەننەن كەيىن ۆيەتنامنىڭ دامۋىن جەبەۋگە، جۇڭگو مەن ۆيەتنام دوستىعىن تەرەڭدەتۋگە ۇلەس قوسۋىن ٴۇمىت ەتەمىن.


    ۇعىسۋعا قاراعاندا، 2018 ـ جىلى جۇڭگودا وقىعان ۆەتنامدىق وقۋشىلار 11 مىڭ 299 ادامعا جەتكەن، مۇنىڭ ىشىندە جۇڭگونىڭ ٴتۇرلى وقۋ سيلىق اقشاسىن العان ۆەتنام وقۋشىلارى 2000 نان اسىپ، جۇڭگودا وقىپ جاتقان ۆەتنامدىق وقۋشىلار جالپى سانىنىڭ 18 % ىن ۇستاعان. ۆيەتنام وقۋ ـ اعارتۋ، تاربيەلەۋ مينيسترلىگى حالىقارالىق سەلبەستىك مەكەمەسىنىڭ باستىعى رۋانشى چيۋحى بىلاي دەدى: ۆيەتنام مەن جۇڭگو وقۋ ـ اعارتۋ سالاسىنداعى سەلبەستىككە باستان ـ اياق ايرىقشا ٴمان بەرىپ كەلەدى، سونداي ـ اق وقۋ سيلىق اقشاسى جانە وقۋشىلار اۋىس ـ كۇيىسى قاتارلى تاسىلدەر ارقىلى ەكى ەل حالقىنىڭ دوستىعى مەن ٴوزارا ٴتۇسىنىسۋىن ۇزدىكسىز كۇشەيتۋدە. تاياۋ جىلداردان بەرى، وزىق وقۋ - اعارتۋ ورەسىنە سۇيەنۋدە، جۇڭگو ۆەتنامدىق وقۋشىلاردىڭ وقۋعا بارعىسى كەلەتىن نىسانالى جەرىنە اينالدى.


    وسى رەت جۇڭگو ۇكىمەتىنىڭ وقۋ سيلىق اقشاسىن العان ۆيەتنام وقۋشىلارى ماگيستر جانە دوكتورلىق اتاق الۋدى نەگىز ەتىپ، حانزۋ ٴتىلى ادەبيەتى، حالىقارالىق ساۋدا، عىلىم - تەحنيكا قاتارلى كوپ سالانى قامتىدى. حانوي مەملەكەتتىك داشۋەسىنە قاراستى ادامزات مادەنيەتى قوعامدىق عىلىمدار داشۋەسىنەن وقۋ تاۋىسقان دىڭ شىچيڭ - ى جۇڭگو حىحاي داشۋەسىنىڭ ماگيستر اسپيرانتى بولادى. ول تىلشىگە بىلاي دەدى: رەفورما جاساپ، ەسىك اشقان 40 نەشە جىلدىق جەدەل دامۋ ارقىلى جۇڭگو دۇنيە جۇزىندەگى ەڭ ۇلكەن زات ساۋداسى ەلىنە اينالدى، بۇل مەنىڭ جۇڭگوعا بارىپ حالىقارالىق ساۋدا كاسىبىن ۇيرەنۋىمنىڭ ماڭىزدى سەبەبى. مەن وسى جولعى ۇيرەنۋ ورايىن ايرىقشا قاستەرلەيمىن، بولاشاقتا ەلىمنىڭ ٴۇمىتىن اقتاپ، ۆيەتنام ـ جۇڭگو دوستىعىنا بەلسەنە دەم بەرۋدى ٴۇمىت ەتەمىن.


    بەيجيڭ ٴتىل ۋنيۆەرسيتەتىنە كەلىپ، حالىقارالىق ساياسات كاسىبنەن ماگيسترلىق اتاق الاتىن حانوي مەملەكەتتىك ۋنيۆەرسيتەتىنە قاراستى ادامزات مادەنيەتى قوعامدىق عىلىمدار ۋنيۆەرسيتەتىنەن وقۋ تاۋىسقان رۋان گۋاڭشيۇڭ تىلشىگە بىلاي دەدى: جۇڭگونىڭ جوعارى دارەجەلى وقۋ ـ اعارتۋ ساپاسى بارعان سايىن حالىقارالىق قوعامنىڭ مويىنداۋىنا يە بولىپ، شەتەلدە وقىپ جاتقان كوپتەگەن شەتەلدىك وقۋشىلار جۇڭگوعا وقۋعا ٴتۇستى. كوپتەگەن ۆەتنامدىق وقۋشىلار ەلىنە ورالعاننان كەيىن، ٴار سالا، ٴار كاسىپتىڭ ماڭىزدى كۇشىنە اينالدى.


    حانوي مەملەكەتتىك ۋنيۆەرسيتەتىنە قاراستى ادامزات مادەنيەتى قوعامدىق عىلىمدار ۋنيۆەرسيتەتىنىڭ باستىعى فان گۋاڭميڭ بىلاي دەدى: «جۇڭگو ۇزاق ۋاقىت بويى ۆيەتنامدىق وقۋشىلارعا وراي جاراتىپ، ۆيەتنامنىڭ دامۋىنا باعالى دارىندىلار تاربيەلەپ بەرۋدە، بۇل ۆيەتنام ەكونوميكاسىنىڭ دامۋىن جەبەۋگە اناعۇرلىم زور ۇلەس قوسادى. ساباقتاستاردىڭ جۇڭگوداعى قىمباتتى وقۋ ورايىن قاستەرلەپ، بولاشاقتا ۆيەتنام مەن جۇڭگو دوستىق بارىس ـ كەلىسىنىڭ ەلشىسى بولىپ، ەكى ەل قاتىناسىنىڭ بارعان سايىن جاقسى دامۋىنا ۇلەس قوسۋدى ٴۇمىت ەتەمىن.