ەكونوميكا ـ ساۋدا قاقتىعىسىنىڭ اسقىنۋى ا ق ش ـ نىڭ جارنا بازارىندا زور تولقۋ تۋدىردى
كەلۋقاينارى:جۇڭگو قازاق راديو تورابى |جاۋاپتى رەداكتور: | جاڭالانعان ۋاقىت:2019-08-12 15:44:00

 

    جۋىردا ا ق ش – نىڭ جۇڭگو مەن ا ق ش – نىڭ ەكونوميكا – ساۋدا قاقتىعىسىن اسقىندىرۋىنا بايلانىستى، كوپتەگەن ەلدەردىڭ ورتالىق بانكەسى ٴوسىمدى ارت – ارتىنان تومەندەتتى، ا ق ش – نىڭ زايوم كىرىسى زور دارەجەدە تومەندەپ، قارجى قوسۋشىلاردىڭ حاۋىپ – قاتەردەن ساقتانۋ كوڭىل كۇيى اياق استىنان كۇشەيدى. ساراپشىلار بىلاي دەپ قارادى : حاۋىپ ـ قاتەر ۇزدىكسىز ٴومىر سۇرۋدە، جۇڭگو مەن ا ق ش ـ نىڭ ەكونوميكا ـ ساۋدا قاقتىعىسىنىڭ ٴورشۋى ا ق ش ـ نىڭ جارنا بازارىن زور دارەجەدە الاساپىران كۇيگە ٴتۇسىردى.


    جۇڭگو-ا ق ش ەكونوميكا ـ ساۋدا قاقتىعىسىنىڭ ىقپالىمەن، ا ق ش ـنىڭ ٴۇش ۇلكەن جارنا كورسەتكىشى وسى ايدىڭ 5 ـ كۇنى وسى جىل ىشىندە ەڭ زور دارەجەدە قۇلدىرادى، دوۋجونس ونەركاسىبىنىڭ ورتاشا كورسەتكىشى ٴبىر مەزەت 962 گە تومەندەپ، بازار سەنىمدىلىگى سوققىعا ۇشىرادى.


    وسى اپتادا قارجى قوسۋشىلار بارىنشا ۋايىمداپ جانە الاڭداپ، بازاردىڭ حاۋىپتەن ساقتانۋ قاجەتى وسى ايدىڭ 7-كۇنى كۇرت جوعارىلاپ، ا ق ش – نىڭ 10 جىلدىق مەملەكەت زايومىنىڭ پايدا مولشەرى ٴبىر مەزەت %1.595 كە قۇلدىراپ، 2016 – جىلدىڭ كۇزىنەن بەرگى ەڭ تومەنگى شەككە ٴتۇستى ؛ 30 جىلدىق ا ق ش مەملەكەت زايومىنىڭ پايدا مولشەرى%2.12 اينالاسىندا تومەندەپ، 2016 – جىلعى تاريحتاعى ەڭ تومەن بولعان مانگە تايادى.


    چيكاگو فەدەراتسيالىق قور جيناۋ بانكەسىنىڭ باستىعى چارلز ەۆەنس 8-ايدىڭ 7-كۇنى بىلاي دەدى: فەدەراتسيالىق قور بىلتىر جىل سوڭىنان بەرى اقشا ساياساتىن كورنەكتى بوساڭسىتتى، ٴبىراق اقشانىڭ قۇنسىزدانۋ دەڭگەيىنىڭ السىرەۋى مەن ساۋدانىڭ بولاشاعىنان الاڭداۋ ٴتىپتى دە كوپ ٴوسىمدى تومەندەتۋدى قاجەتىسنىپ وتىر.


    سونىمەن بىرگە، زەرتتەۋ قۇرىلىمى جۇڭگو مەن ا ق ش ـ نىڭ ەكونوميكا ـ ساۋدا قاقتىعىسىنىڭ دارەجەسى مەن فەدەراتسيالىق قوردىڭ اقشا ساياساتىنىڭ ٴبىرىن ـ ٴبىرى جەبەۋىنەن الاڭداپ، جۇڭگو مەن ا ق ش ـ نىڭ ەكونوميكا ـ ساۋدا قاقتىعىسىنىڭ دارەجەسى فەدەراتسيالىق قوردىڭ اناعۇرلىم كەڭ اقشا ساياساتىن اتقارۋىن جەبەيدى، سوڭعىسى كەرىسىنشە ا ق ش ـ نىڭ جۇڭگو-ا ق ش ەكونوميكا ـ ساۋدا قاقتىعىسىنىڭ ورشۋىنە تىرەك بولادى دەپ قارادى .
ا ق ش بانكەسىنىڭ قاراماعىنداعى Merrill Lynch سەرىكتىگى بىلاي دەپ قارادى : جۇڭگو مەن ا ق ش ـ نىڭ ەكونوميكا ـ ساۋدا قاقتىعىسىنىڭ ٴورشۋى فەدەراتسيالىق قوردىڭ ٴوسىمىن ونان ارى تومەندەتىپ، ەكونوميكانىڭ ۇلعايۋىن ساقتاۋ مۇمكىندىگىن جوعارىلاتتى.


    ا ق ش بازارىنا تالداۋ جاساعان قايراتكەر توم ايساي بىلاي دەدى : كەيىنگى نارىققا نازار سالساق، جۇڭگو مەن ا ق ش ـ نىڭ ەكونوميكا ـ ساۋدا قاقتىعىسى ماسەلەسى قازىر تۇتاس بازار ورنىقتىلىعىنىڭ ەڭ شەشۋشى فاكتورى بولىپ وتىر . ەگەر ەكونوميكا - ساۋدا قاقتىعىسى ۇزدىكسىز ٴورشي بەرسە، فەدەراتسيالىق قوردىڭ قولىنان تۇكتە كەلمەيدى، قايتا بازار قۇلدىراي تۇسەدى.


    شۆەتساريا بىرلەسپە بانكە توبى بىلاي دەدى : سوڭعى بىرنەشە كۇننىڭ ىشىندە جارنا بازارىنىڭ باعاسى ا ق ش – نىڭ 300 ميلليارد امەريكا دوللارىندىق جۇڭگونىڭ ا ق ش – ىنا تاسىمالدايتىن تاۋارلارىنا % 10 تىك كەدەن باجىسىن ۇستەمەلەپ الۋدى جاريالاۋىنا ىقپال جاسادى. ەگەر بۇل شەشىم قايتارىپ الىنسا نەمەسە فەدەراتسيالىق قور اقشا ساياساتىن ونان ارى بوساڭسىتسا، ا ق ش جارنا بازارى قۇلدىراۋدان بۇرىنعى دەڭگەيگە قايتا ورالۋى مۇمكىن . الايدا، جۇڭگو مەن ا ق ش - تىڭ ەكونوميكا - ساۋدا قاقتىعىسى اسقىنسا، كەيبىر ەكونوميكالىق قيمىلدار اۋىر زيانعا ۇشىراۋى مۇمكىن، قامداۋ تىزبەگىن قايتادان رەتتەۋگە تۋرا كەلەدى، ا ق ش - نىڭ جارنا بازارى جالعاستى قۇلدىراۋى مۇمكىن.


    شينحۋا قازىنا-ەكونوميكا ساراپشىسى جاڭ چي بىلاي دەپ اتاپ كورسەتتى : بولاشاققا كوز جىبەرسەك، ەگەر جاڭا كەزەكتى كەدەن سالىعى تياناقتانسا، بۇل ا ق ش - نىڭ بولشەك ساتۋ كاسىبىنە، جاساۋ كاسىبىنە، كەن اشۋ كاسىبىنە ٴتيىمسىز ىقپال جاسايدى . سوندىقتان، ا ق ش ەكونوميكاسىنىڭ نەگىزگى جاعدايى جاقسى بولماعان جاعدايدا، ا ق ش ساۋدا ساياساتى حاۋىپ - قاتەرىنىڭ ۇزدىكسىز جوعارىلاۋىنا بايلانىستى، قاتەردەن ساقتانۋ كوڭىل كۇيى بارعان سايىن كۇشەيىپ، ا ق ش جارنا بازارى اۋقىمدىق قۇلدىراۋعا تاپ بولۋى مۇمكىن.