ميللەردىڭ پارلامەنتتىڭ ىسپات تىڭداۋ ماجىلىسىندەگى ىسپات ٴسوزى ترامپقا قانشالىق ىقپال جاسايدى
كەلۋقاينارى: |جاۋاپتى رەداكتور: | جاڭالانعان ۋاقىت:2019-07-27 15:20:00


    ا ق ش-نىڭ بۇرىنعى ادىليا مينيسترلىگىنىڭ ەرەكشە پروكۋرورى روبەرت.ميللەر 7-ايدىڭ 24-كۇنى قاۋىم پالاتاسىنىڭ ادىليا كوميتەتى مەن اقپار توپتاۋ كوميتەتى ارت-ارتىنان اشقان ىسپات تىڭداۋ ماجىلىسىندە «رەسەيمەن استاسۋ» دەلوسىنىڭ تەكسەرۋ ناتيجەسى جونىندە ىسپات بەردى، سپات تىڭداۋ ٴماجىلىسى 7 ساعاتقا جالعاستى.


    ساراپشىلار بىلاي دەپ قارادى: ميللەردىڭ ىسپات ٴسوزى جالعاستى تاعايىندالۋعا قامدانىپ جۇرگەن ترامپ جونىنەن ەرەكشە ويرانداۋ قۋاتىنا يە، الايدا پارتيالار توبىنىڭ مايدانى ايقىن، جۇرت اۋانى اۋىر بولشەكتەنگەن جاعدايدا، ونىڭ ويرانداۋ قۋاتى شەكتى بولۋى مۇمكىن.


    ميللەردىڭ پارلامەنتتە ىسپات بەرۋى ٴۇشىن، دەموكراتتار پارتياسىنىڭ مەڭگەرۋىندەگى قاۋىم پالاتاسى شاقىرتۋ قاعاز جولداۋعا جانىن اياماي سالدى، الايدا ٴار جاق بۇدان بۇرىن دۇمپۋ قوزعايتىنداي ىسپات ٴسوز تىڭداۋعا تىم ٴۇمىت ارتىپ كەتپەگەندىكتەن، ميللەر الدىن الا ٴسوز جاريالاپ، 448 بەتتەن تۇراتىن «رەسەيمەن استاسۋ دەلوسىن» تەكسەرۋ بايانداماسىنىڭ باسىم كوبى ٴوزىنىڭ ىسپات ٴسوزى ەكەندىگىن، باياندامادان سىرت مازمۇندار جوق ەكەندىگىن ايتتى.


    سپات تىڭداۋ ماجىلىسىندە، دەموكراتتار، رەسپۋبليكاشىلدار سىندى ەكى پارتيانىڭ ماقساتى مۇلدە قاراما-قارسى بولدى: دەموكراتتار پارتياسىنىڭ پارلامەنت مۇشەلەرى ترامپتىڭ ٴادىلياعا كەدەرگىلىك جاساۋ نيەتى مەن ورىنسىز ارەكەتىن دالەلدەپ، ترامپقا جان-جاقتى تەكسەرۋ جۇرگىزىپ، كەلەر جىلعى پرەزيدەنت سايلامىنا، اۋەلى قاۋىم پالاتاسىنىڭ ايىپتاۋ تەكسەرۋىن باستاۋىنا دالەل-سپات جيناقتاۋدى ٴۇمىت ەتتى؛ ال رەسپۋبليكاشىلدار پارتياسىنىڭ پارلامەنت مۇشەلەرى ترامپتىڭ ٴادىلياعا كەدەرگى بولعان-بولماعاندىعىنان جالتارىپ، ميللەردىڭ تەكسەرۋ بايانداماسىنىڭ سەنىمدىلىك دارەجەسى مەن ماقساتىنا كۇمان تاقتى.


    ساراپشىلار بىلاي دەپ قارادى: ميللەردىڭ پارلامەنتتە ىسپات جاساۋىنىڭ ٴوزى دەموكراتتار پارتياسىنىڭ «تەكسەرۋدى» جەلەۋ ەتىپ العا ىلگەرلەگەندىگىنەن دەرەك بەرەدى. ٴبىرىنشى، ا ق ش بۇقاراسىنىڭ ترامپتى تەكسەرۋدى قولداۋ مولشەرىن جوعارىلاتتى؛ ەكىنشى، بۇقارانىڭ نازارىن ترامپ ۇكىمەتىنىڭ تۇسىندىرۋىنە قۇلاق اسۋعا ەمەس، قايتا ميللەردىڭ تەكسەرۋ ناتيجەسىنە تاعى دا اۋداردى؛ ٴۇشىنشى، 2020-جىلعى زور سايلامعا دايىندالۋ تۇرعىسىنان قاراعاندا، ميللەردىڭ پارلامەنتتە ايعاق بولعان سۋرەتى دەموكراتتار پارتياسىنىڭ سايلاۋ باسەكەسىندەگى جارناما ماتەريالى بولۋى مۇمكىن.


    ال ىسپات تىڭداۋ ماجىلىسىنەن كەيىن ترامپ: ميۋللەردىڭ بەينەسى ايتارلىقتاي بولمادى،-دەپ جار سالىپ، وسى كۇن اق ساراي مەن رەسپۋبليكاشىلدار پارتياسى جونىنەن ٴساتتى كۇن بولدى،-دەدى. ول ميللەر جاۋاپتى بولعان “رەسەيمەن استاسۋ دەلوسىن ” تەكسەرۋ ٴىسىن “قۇشىناشتىق قىلىق” دەپ تاعى دا جازعىردى.


    ميللەردىڭ قاتىستى ىسپات سوزدەرى «رەسەيمەن استاسۋ دەلوسىن» تەكسەرۋدەگى ٴىشىنارا ماڭىزدى ماسەلەلەردى ايقىندادى، وتە-موتە ترامپتىڭ قىلمىسىنان ارىلۋىن تەرىسكە شىعارۋدا بەلگىلى مولشەردە قىرعىنداۋ قۋاتىنا يە.


    ىسپات تىڭداۋ ماجىلىسىندە ميللەر تەكسەرۋ ناتيجەسىنىڭ ترامپ سودان بۇرىن تۋيتتەردە جاريالاعانداي «قىلمىسىنان تۇبەگەيلى، بۇكىلدەي قۇتىلۋ» ەكەندىگىن تەرىسكە شىعارىپ، باياندامادا بۇلاي دەلىنبەگەن،-دەدى. ميللەر: پرەزيدەنتتى تەكتەمەۋ-ٴادىليا مينيسترلىگىنىڭ مىندەت وتەپ جاتقان پرەزيدەنتتى تەكتەمەۋ پىكىرى بويىنشا ىستەلگەن بە،-دەگەن سۇراۋعا ميللەر: سولاي،-دەپ جاۋاپ بەردى ٴارى پرەزيدەنت مىندەتىنەن بوساعاننان كەيىن دە ايىپ تاعىلۋى مۇمكىن ەكەندىگىن ايتتى.


    رەسپۋبليكاشىلدار پارتياسىنىڭ تەكسەرۋدىڭ ماقساتىنا دەگەن كۇمانىنا باعىتتاي وتىرىپ، ميللەر 22 ايعا جالعاسقان «رەسەيمەن استاسۋ دەلوسىن» تەكسەرۋ جۇمىسىنىڭ «ٴادىل، دەربەس» جۇرگىزىلگەندىگىن قايتا-قايتا باسا دارىپتەدى.


    ٴبىراق ميللەر سەزىمتال بولعان تەكتەۋ ماسەلەسىنە توقتالۋدان بارىنشا جالتاردى. رەسپۋبليكاشىلدار پارتياسىنىڭ مۇشەسى: بايانداماڭىزدا پرەزيدەنتتى تەكتەۋ ۇسىنىسى جاسالدى ما، جوق،-دەپ سۇراۋ تاستاعاندا، ميللەر بۇل ماسەلەنى اۋىزعا المايمىن،-دەپ جاۋاپ قايتاردى. ميللەر اۋەلى قاتىستى ىسپات سوزدەردىڭ بۇدان كەيىن ٴتۇرلى ماقساتپەن بۇرمالانۋىنىڭ الدىن الۋ ٴۇشىن، «پرەزيدەنتتى تەكتەۋ» دەگەن ٴسوزدى ايتۋدان ساقتاندى.


    ساراپشىلار: ميللەر بۇل رەتكى ىسپات بەرۋىنىڭ ترامپتى قىرعىنداۋ قۋاتى شەكتى،-دەپ قارادى.


    ەڭ اۋەلى، ميللەردىڭ دالەلدەرى جالپى جاقتان دەموكراتيالىق پارتياعا ٴتيىمدى بولعانىمەن، ا ق ش بۇقاراسىنىڭ پوزيتسياسىندا تۇبەگەيلى وزگەرىس تۋدىرۋى قيىنداۋ. حالىق رايىن تەكسەرۋگە نەگىزدەلگەندە، ترامپ تاققا شىققاننان كەيىن بۇقارانىڭ ونى قولداۋ مولشەرى نەگىزىنەن ورنىقتى بولعان، «رەسەيمەن استاسۋ دەلوسىن» تەكسەرىپ شىققاننان كەيىن دە قولداۋ مولشەرى كورنەكتى تومەندەگەن جوق. ا ق ش مەديالارى بىلاي دەپ اتاپ كورسەتتى: قازىرگى جاعدايدان قاراعاندا، ميللەردىڭ نەمەسە پارلامەنتتەگى دەموكراتتار پارتياسىنداعىلاردىڭ ترامپ پەن ونىڭ ۇكىمەتىن قۋزاستىرۋى ترامپتىڭ قولداۋ مولشەرىن السىرەتە الماعان.


    ەكىنشى، ىسپات تىڭداۋ ماجىلىسىنەن كەيىن ا ق ش-نىڭ ساياسي ساحناداعى اڭىسىنان قاراعاندا، ترامپتى تەكتەۋ ٴۇنى قايتا باستالعانىمەن، ٴبىراق جاڭا ىسپات كەمشىل بولعان ميللەردىڭ كۋا ٴسوزى دەموكراتتار پارتياسىنىڭ تەكتەۋ مەن تەكسەرۋدى جەدەلدەتۋىنە مۇمكىندىك بەرمەدى. ساراپشىلار بىلاي دەپ قارادى: پرەزيدەنتتى تەكتەۋ ا ق ش-نىڭ الەۋمەتتىك جاماعات پىكىرى اۋقىمىندا كەلەلى وزگەرىس تۋدىرۋدى قاجەت ەتەدى، ال مۇنداي كەلەلى وزگەرىس ٴالى تۋىلا قويعان جوق. مىسالى، ا ق ش-نىڭ كوپتەگەن سايلاۋشىلارى دەموكراتتار پارتياسىنىڭ تەكتەۋىنە قارسى شىققان.


    ميللەر ىسپات تىڭداۋ ٴماجىلىسىنىڭ باستالۋ سالتىندا بۇيىرىق بويىنشا «رەسەيمەن استاسۋ» دەلوسىن تەكسەرەتىندىگىن، بۇقارانى تەكسەرۋ ناتيجەسىنە تولىق سەندىرۋ ٴۇشىن، قىزمەتتى تىنىش، تۇبەگەيلى، شىنايى ىستەۋدى ٴۇمىت ەتەتىندىگىن ايتتى. ٴبىراق تەكسەرۋ بايانداماسىنىڭ سوڭىندا ترامپتىڭ ادىلياعا كەدەرگى بولعان-بولماعاندىعى جونىندە ەكى ۇشتى وي ورتاعا قويىلدى، بۇل بۇقارانىڭ پىكىرىنىڭ ۇزدىكسىز اۋىر دارەجەدە بولشەكتەنگەندىگىن، پارتيا-توپتاردىڭ تالاسىنان دا قۇتىلا المايتىندىعىن تۇسىندىرەدى. ال ەكى پارتيانىڭ باياندامانى زور سايلام جانە پارتيا تالاسىنىڭ قۇرالى رەتىندە جالعاستى پايدالانۋىنان ساقتانۋ قيىنداۋ.