دۇنيە جۇزىندەگى 500 مىعىم كاسىپورىننىڭ ىشىندە جۇڭگو كاسپورىندارىنىڭ سانى ارتا تۇسۋدە
كەلۋقاينارى:جۇڭگو قازاق راديو تورابى |جاۋاپتى رەداكتور: | جاڭالانعان ۋاقىت:2019-07-27 16:00:00

 

    «بايلىق» جۋرنالى تاياۋدا 2019-جىلعى دۇنيە جۇزىندەگى 500 مىقتى كاسىپورىننىڭ قاتار تىزبەسىن جاريالادى، مۇنىڭ ىشىندە جۇڭگو كاسىپورىندارىنىڭ سانى 129 عا جەتتى، قاتارعا تۇرعىزىلعان جۇڭگو كاسىپورىندارىنىڭ سانى ٴۇرتىس كوپ جىل ارتتى، مۇنى كەيبىر حالىقارالىق اقپارات قۇرالدارى «تاريحي وزگەرىس» دەپ قارادى.


    بايلىق جۋرنالىنىڭ قاتارعا تۇرعىزعان 500 مىقتى كاسپورنى حالىقارادا ٴبىرشاما مويىندالعان ٴىرى كاسىپورىنداردىڭ كولەمى مەن قۋاتىن بەينەلەيتىن ٴتىزىم، 2019 - جىلعى قاتارعا تۇرعىزۋ جاعدايى جۇڭگو كاسىپورىندارىنىڭ جالپى تۇلعالىق كولەمىنىڭ كەڭەيۋى مەن ناقتى قۋاتىنىڭ جوعارىلاۋىن تۇسىندىرەدى. الدىڭعى 10 سەرىكتىكتىڭ التاۋى جۇڭگو ۇلى قۇرلىعىنان كەلگەن. جاڭادان تىزىمگە الىنعان سەرىكتىكتەردىڭ ىشىندە جۇڭگو كاسىپورىندارى تەڭ جارىمىنان استامىن ۇستايدى. مۇنان سىرت، دۇنيە جۇزىندەگى 500 مىقتى كاسىپورىن دا جۇڭگونىڭ ۇلەسى باسىم.


    جۇڭگو كاسىپورىندارىنىڭ ەگەيلەرى بارعان سايىن كوبەيىپ كەلەدى، بۇل جۇڭگو ەكونوميكاسىنىڭ بارعان سايىن قۇدىرەتتەنگەنىن تۇسىندىرەدى. سوڭعى جىلداردان بەرى، جۇڭگو ەكونوميكاسىنىڭ ارتۋى سالىستىرمالى تۇردە ٴبىرشاما جوعارى دەڭگەيدە بولىپ، ەكونوميكانىڭ كولەمى ۇزدىكسىز كەڭەيىپ، قۇرىلىم ۇزدىكسىز بۇرىلىس جاساپ، دارەجەسىن جوعارىلاتىپ، كاسىپورىنداردىڭ دامۋىنا كوپتەگەن جاڭا وراي الا كەلدى. سونىمەن بىرگە، ۇكىمەت ورىندارىن ىقشامداپ، ۇقىقتى تومەنگە ٴتۇسىرۋ، باجىنى ازايتۋ، اقىنى تومەندەتۋ، عىلىم-تەحنيكا جاسامپازدىعى تاقتاسىن اشۋ سياقتى ٴبىرقىدىرۋ جاڭا شارالار جۇڭگونىڭ ساۋدا ورتاسىن ۇزدىكسىز كەمەلدەندىرىپ، بازار رايىن كۇن سايىن جانداندىردى.


    جۇڭگو كاسىپورىندارىنىڭ جالپى تۇلعالىق جاقتان دامىپ زورايۋى جۇڭگو ەكونوميكاسىنىڭ ورنىقتىلىق بارىسىندا ىلگەرىلەگەن، بولاشاعى نۇرلى تابيعي ناتيجەسى جانە جاندى بەينەسى.


    كاسىپورىن ەگەيلەرى بارعان سايىن كوبەيىپ، جۇڭگو ەكونوميكاسىنىڭ باسەكەلىك قۋاتقا يە جاعىن ايگىلەدى. وسى رەت دۇنيە جۇزىندەگى 500 قۋاتتى جۇڭگو كاسىپورىندارىنىڭ ىشىندە كوپتەگەن جاساۋ كاسىبى كاسىپورىندارى، سيفرلى كاسىپورىندار جانە جاڭاشىل كاسىپورىندار جارىققا شىقتى، مىسالى، حۋاۋي، گىلي، تىڭشۇن، سۋنيڭ، ت . ب . بۇل تاياۋ جىلداردان بەرى جۇڭگونىڭ جاساۋ كاسىبى ورنىقتى جوعارىلادى، جۇڭگو كاسىپورىندارى جاساندى زەردە، زات تورابى سياقتى سالالاردا ەل الدىنا شىعىپ، كاسىپ اتتاپ توعىسۋ سياقتى قۇبىلىستاردىڭ شاعىن كورىنىسى بولىپ تابىلادى.


    ٴىس جۇزىندە، بۇگىنگى تاڭدا ەلەكتروندى ساۋدا، تولايىم ساتۋ سياقتى سالالاردا، جۇڭگو بازارىندا حالىقارالىق ەل ارالىق سەرىكتىكتەردىڭ باسەكەلىك قۋاتىنىڭ قۇلدىراۋى سەبەپتى ٴوز جەرىندەگى كاسىپورىندارعا بەرگەن مىسالدارى ۇزدىكسىز جارىققا شىقتى، بۇل مىسالدار وسى رەتكى تىزىمدىكتەگى ٴىشىنارا وزگەرىستەرگە تۇسىنىك بەردى.


    ناتيجە، ارينە، ادامدى قۋانتادى، ٴبىراق تىزىمدىكتى بۇكتەپ شىققان كەيبىر ماسەلەلەرگە دە وي جۇگىرتۋگە تۋرا كەلەدى. جالپى تۇلعالىق جاقتان قاراعاندا، جۇڭگو كاسىپورىندارىنىڭ «ۇلكەن بولعانىمەن كۇشتى بولماۋ » سىندى كونە ماسەلەلەرى ٴالى دە ورىن تەۋىپ وتىر. «بايلىق» جۋرنالى جاريالاعان ساندى مالىمەتتە كورسەتىلۋىنشە، وسى رەت دۇنيە جۇزىندەگى 500 مىقتى كاسىپورىننىڭ ورتاشا پايداسى 4 ميلليارد 300 ميلليون دوللار بولعان، ال، جۇڭگوداعى تىزىمدىكتەگى كاسىپورىننىڭ ورتاشا پايداسى 3 ميلليارد 500 ميلليون دوللار بولعان، بىلايشا ايتقاندا، جۇڭگو كاسىپورىندارىنىڭ پايدا تابۋ قۋاتى دۇنيە جۇزىندەگى 500 مىعىم كاسىپورىننىڭ ورتاشا ورەسىنە جەتە الماعان. ونىڭ ۇستىنە ەگەر تىزىمدىكتەگى بانكە تۇرىندەگى كاسىپورىنداردى ەسەپكە الماعاندا، جۇڭگو كاسىپورىندارىنىڭ پايدا ورەسى ا ق ش كاسىپورىندارىنىڭ ۇشتەن ٴبىرى عانا بولادى.


    وسىدان قاراعاندا، جۇڭگو كاسىپورىندارى ەكونوميكانىڭ الدىڭعى لەگىندە تۇرعان كەلەسى قادامدا ونىمدىلىكتى جوعارىلاتۋعا، باسەكەلىك قۋاتتى جوعارىلاتۋعا كۇش سالۋ كەرەك. ۇلكەننەن كۇشەيۋ ٴۇشىن ٴالى دە قۇلشىنۋعا تۋرا كەلەدى.


    بۇدان سىرت، نازار اۋدارۋعا تاتيتىنى مىناۋ: جۇڭگو نەشە ٴجۇز ميلليون ورتا دارەجەلى حالىق سانى بار مەملەكەت، كوپتەگەن رايوندار دا كۇننەن-كۇنگە قارتتانىپ كەلە جاتقانىمەن، وسى رەتكى دۇنيە جۇزىندەگى 500 مىقتىنىڭ تىزىمدىگىندە دەنساۋلىق، سەيىل-سەرۋەن سياقتى سالالاردا جۇڭگو كاسىپورىندارى ٴالى جوقتىڭ قاسى. ٴداۋىردىڭ ورايى جاڭاشا جۇڭگو كاسپورىندارىنىڭ جارىققا شىعۋىنا اڭسارى اۋۋدا.


    بولاشاققا كوز جىبەرسەك، جۇڭگو ەكونوميكاسى جاڭا داۋىرگە قادام تاستادى، اشىق قاقپا بارعان سايىن ايقارا اشىلدى، كاسىپ سالاسىنىڭ تيپىن وزگەرتىپ، دارەجەسىن جوعارىلاتۋ جولى اشىلدى. جۇڭگو كاسىپورىندارىنىڭ دامۋىنىڭ جاڭا پاراعى، جۇڭگو ەكونوميكاسىنىڭ تاماشا جاڭا ساپارى دۇنيە ٴجۇزىنىڭ ەكونوميكا تاريحىندا شۇعىلالى بەت قالدىراتىندىعى ٴشۇباسىز.