كۋبا مەن ەۆروپا وداعى ەكى جاقتى ساياسي سۇحبات پەن سەلبەستىكتى كۇشەيتەتىندىكتەرىن باسا دارىپتەدى
كەلۋقاينارى:جۇڭگو قازاق راديو تورابى |جاۋاپتى رەداكتور: | جاڭالانعان ۋاقىت:2019-09-11 10:46:00


    شينحۋا اگەنتتىگىنىڭ حابارى: كۋبا-ەۆروپا وداعى بىرلەسپە كوميتەتىنىڭ 2 - كەزەكتى ٴماجىلىسى 9-ايدىڭ 9-كۇنى حاۋانا قالاسىندا وتكىزىلدى. كۋبانىڭ سىرتقى ىستەر مينيسترى رودريگەس پەن ساپارلاي بارعان ەۆروپا وداعى كوميتەتىنىڭ ورىنباسار ٴتوراعاسى، سىرتقى ىستەر جانە حاۋىپسىزدىك ساياساتىنىڭ جوعارى دارەجەلى ۋاكىلى موگاريني كۋبا مەن ەۆروپا وداعىنىڭ «ساياسي پىكىرلەسۋ جانە سەلبەستىك كەلىسىمى» رەسمي كۇشكە يە بولعان ەكى جىلدان بەرگى ەكى جاقتى قاتىناستىڭ دامۋ جاعدايىن بەلسەندى باعالادى ٴارى ەكى جاقتى سەلبەستىكتى ونان ارى ىلگەرىلەتۋدى باسا دارىپتەدى. ەۆروپا وداعىنىڭ مينيسترلەر القاسى 2016-جىلى 12-ايدا كۋبامەن «ساياسي پىكىرلەسۋ جانە سەلبەستىك كەلىسىمىنە» قول قويۋدى ۇيعاردى. 2017 ـ جىلى 11 ـ ايدا بۇل كەلىسىم رەسمي كۇشكە يە بولدى. كۋبا مەن ەۆروپا وداعىنىڭ بىرلەسپە كوميتەتى وسى جۇلگە نەگىزىندە قۇرىلدى ٴارى بىلتىر بەلگيادا 1-كەزەكتى ٴماجىلىسىن اشتى.

اۋدارعان: امانتاي مۇسايىپ ۇلى