ۋاڭ ي وڭتۇستىك كورەيا پرەزيدەنتىنىڭ ەرەكشە ەلشسى لي حايزانمەن كەزدەستى
كەلۋقاينارى: |جاۋاپتى رەداكتور: | جاڭالانعان ۋاقىت:2017-05-19 10:54:00

 

    شينحۋا اگەنتتىگىنىڭ حابارى: سىرتقى ىستەر مينيستر ۋاڭ ي 18-مامىر بەيجيڭدە وڭتۇستىك كورەيا پرەزيدەنتىنىڭ ەرەكشە ەلشسى لي حايزانمەن كەزدەستى.

 

ۋاڭ ي بىلاي دەدى: ۋىن زاييان پرەزيدەنت بيىلىك باسىنا شىققان العاش ساتتە ۇكىمەتتەرىڭىز ٴبىر بەلدەۋ، ٴبىر جول حالىقارالىق سەلبەستىك باسشىلار تالقىسىنا ۋاكىل جىبەرىپ قاتىناستىرىپ، ٴتوراعا شي جينپيڭنىڭ ورتاعا قويعان ٴبىر بەلدەۋ،ٴبىر جول دارىپتەمەسىن قولدادى. ٴسىزدى ەرەكشە ەلشى رەتىندە ەلىمىزگە جىبەرىپ، وڭتۇستىك كورەيا جاڭا ۇكىمەتىنىڭ جۇڭگو-وڭتۇستىك كورەيا قاتىناسىنا باسا ٴمان بەرگەندىگىن جانە ەكى جاقتىلى قاتىناستىڭ تەز ارادا جاقسارۋىن بارىنشا ٴۇمىت ەتەتىندىگىن ايگىلەدى. جۇڭگو مۇنى توتەنشە القايدى.

 

بيىل ەكى ەل ديپلوماتيالىق قاتىناس ورناتقاندىعىنىڭ 25 جىلدىعى، وڭتۇستىك كورەيا جاڭا ۇكىمەتىنەن العا باسۋ جولىنداعى كەدەرگىلەرگە تۋرا مامىلە جاساپ جانە ودان اۋلاق بولىپ، جۇڭگو-وڭتۇستىك كورەيا قاتىناسىنىڭ ەرتەرەك اقاۋسىز، دامۋ ارناسىنا ورالۋىن ٴۇمىت ەتەدى ٴارى ەكى جاقتىڭ قالىپتى اۋىس-كۇيىس جانە سەلبەستىك ورىستەتۋىن قالايدى.

 

ۋاڭ ي جۇڭگونىڭ سا-ا-د ماسەلەسىندەگى مايدانىن جان-جاقتىلى بايىمداپ، وڭتۇستىك كورەيادان جۇڭگونىڭ ماڭىزدى جانە ۇيلەسىمدى تالاپتارىن لايىقتى شەشۋىن ٴۇمىت ەتتى. جۇڭگو وڭتۇستىك كورەيانى قامتىعان ٴار جاقپەن ورتاق قۇلشىنىپ، ٴتىپتى ٴونىمدى شارا قولدانىپ، سۇحپات ارقىلى تۇبەك ماسەلەسىن شەشىپ، كورەي تۇبەگىنىڭ بەيبىتشىلىگى مەن ورنىقتىلىعىن باتىل قورعايدى.

 

لي حايزان بىلاي دەدى: وڭتۇستىك كورەيا مەن جۇڭگو ٴوزارا ماڭىزدى كورشى ەلدەر. ەكى جاقتىڭ ٴتۇرلى سالاداعى اۋىس-كۇيىس سەلبەستىگى قويۋ، وڭتۇستىك كورەيا مەن جۇڭگو قاتىناسىنىڭ دامۋى كورەي تۇبەگى ٴتىپتى شىعىس سولتۇستىك ازيا رايونىنىڭ بەيبىتشىلىگى مەن گۇلدەنۋى جونىنەن توتەنشە ماڭىزدى ٴمان الادى. وڭتۇستىك كورەيا جۇڭگومەن ناقتى سەلبەستىكتى كۇشەيتىپ، ەكى ەلدىڭ ستراتەگيالىق سەلبەستىك سەرىكتەستىك قاتىناسىنىڭ دامۋىن ٴۇمىت ەتەدى. وڭتۇستىك كورەيا سا-ا-د باسقارىلمالى بومبىدان قورعانۋ جۇيەسىن ورنالاستىرۋ وڭتۇستىك كورەيا مەن جۇڭگونىڭ ٴوزارا سەنىمدىلىگى جانە ەكى ەلدىڭ بارىس-كەلىسىنە زيان اكەلگەندىگىن سەزىندى، جۇڭگونىڭ ۇيلەسىمدى تالابىن تولىق تۇسىنەدى. وڭتۇستىك كورەيا شىنايلىقپەن وسى ماسەلەنى لايىقتى شەشۋدىڭ ٴادىسىن تابۋدى قاراستىرادى.

 

اۋدارعان: سانيا قازەك قىزى