پارتيا 18-قۇرىلتايىنان بەرى ەلىمىزدىڭ شارۋاشىلىق قوعام دامۋىندا وراسان زور جەتىستىكتەر قولعا كەلدى
كەلۋقاينارى:جۇڭگو قازاق راديو تورابى |جاۋاپتى رەداكتور:ايناگۇل | جاڭالانعان ۋاقىت:2017-06-18 16:52:00

 

    شارۋاشىلىق گازەتىنىڭ حابارى: مەملەكەتتىك ساناق مەكەمەسى 16-ماۋسىم كۇنى پارتيا 18-قۇرىلتايىنان بەرگى ەلىمىزدىڭ شارۋاشىلىق قوعام دامۋىنا قاتىستى ساندى مالىمەتتەردى جاريالادى. ساناققا قاراعاندا، پارتيا 18-قۇرىلتايى اشىلعان بەس جىلدان بەرى ەلىمىزدىڭ شارۋاشىلىق قوعام دامۋىندا وراسان زور جەتىستىكتەر قولعا كەلگەن.


    ساناقتا مىنالار كورسەتىلدى: 18-قۇرىلتايدان بەرى، ەلىمىز شارۋاشىلىعى ورتا جوعارى ارتۋ قارقىنىن ساقتادى. 2013-جىلدان 2016-جىلعا دەيىن ىشكى ٴوندىرىس جالپى قۇنىنىڭ جىلدىق ارتۋى %7.2 بولىپ، دۇنيەنىڭ ۇقساس مەزگىلدەگى %2.5 تىك قارقىنى مەن دامۋ جولىنداعى شارۋاشىلىق تۇلعالاردىڭ %4 تىك ورتاشا ارتۋ ورەسىنەن جوعارى بولدى. تۇتىنۋ- شارۋاشىلىق ارتۋداعى باستى جەبەۋشىگە اينالدى. 2013-جىلدان 2016-جىلعا دەيىن تۇتىنۋدىڭ شارۋاشىلىق ارتۋعا قوسقان جىلدىق ورتاشا ۇلەسى %55 بولىپ، قارجىنىڭ جالپى سوما قالىپتاستىرۋعا قوسقان ۇلەسىنەن 8.5 پايىز جوعارى بولدى.


    سونىمەن ٴبىر ۋاقىتتا كاسىپتەنۋ مەن زات باعاسى دا ورنىقتى بولدى. 2013-جىلدان 2016-جىلعا دەيىنگى ارالىقتا قالا-قالاشىقتاردا جاڭادان ارتقان كاسىپتەنۋ مولشەرى جالعاستى ٴتورت جىل 13 ميلليون ادامنان جوعارى بولىپ، 31 ٴىرى قالانىڭ قالا-قالاشىقتارىنداعى كاسىپسىزدىك سالىسترماسى نەگىزىنەن %5 شاماسىندا بولدى، ديحان جۇمىسكەرلەر جالپى مولشەرى جىلىنا ورتا ەسەپپەن %1.8 ارتتى. زات باعاسى ورنىقتى ارتىپ، تۇرعىنداردىڭ تۇتىنۋ باعاسى جىلىنا ورتا ەسەپپەن %2 جوعارلادى.


    بۇدان سىرت، حالىقاراداعى ىقپالى دا كورنەكتى ارتتى. 2016-جىلى ەلىمىز ىشكى ٴوندىرىس جالپى ٴونىم قۇنى 11ترليون 200ميلليارد امەريكا دوللارىنا جەتىپ، دۇنيە شارۋاشىلىعى جالپى مولشەرىنىڭ %15 تىن ۇستاپ، 2012-جىلداعىدان 3 پايىز ۇستىندە ارتىپ، دۇنيەنىڭ ەكىنشى ورنىنا ٴوتتى. 2013-جىلدان 2016-جىلعا دەيىن ەلىمىزدىڭ دۇنيە شارۋاشىلىعىنىڭ ارتۋىنا قوسقان ۇلەسى ورتا ەسەپپەن %30 تەن جوعارى بولىپ، ا ق ش، ەۋرو رايونى جانە جاپونيانىڭ قوسقان ۇلەسىنىڭ جالپى جينتىعىنان اسىپ، دۇنيە بويىنشا 1- ورىندى ۇستادى.


    ساناقتا مىنالار كورسەتىلدى: حالىق بۇقاراسىنىڭ يگىلىكتەنۋ سەزىمى كورنەكتى جوعارلادى. تۇرعىندار كىرىسى بىرشاما تەز ارتتى، 2016-جىلى مەملەكەت بويىنشا تۇرعىنداردىڭ ادام باسىنا تۋرا كەلەتىن بولىسكە سالۋعا بولاتىن كىرىسى 23821 يۋان بولىپ، 2012-جىلداعىدان 7311يۋان جوعارلاپ، جىلىنا ورتا ەسەپپەن %7.4 ارتتى.


    بۇدان سىرت، كەدەيلەردى ٴدال سۇيەمەلدەۋدە كورنەكتى تابىستار قولعا كەلدى. ادام باسىنا جىلىنا 2300 يۋاننان تۋرا كەلەتىن اۋىل -قىستاق كەدەيلىك ولشەمىمەن ەسەپتەگەندە 2016-جىلى اۋىل -قىستاقتارداعى كەدەي جان سانى 43 ميلليون 350 مىڭ ادام بولىپ، 2012-جىلعى 55 ميلليون 640مىڭ ادامنان ازايىپ، جىلىنا ورتا ەسەپپەن 14 ميلليون ادام كەدەيلىكتەن ارىلدى؛ كەدەيلەسۋ سالىسترماسى %4.5 كە تومەندەپ، 2012-جىلعىدان %5.7 پايىز تومەندەدى. 2016-جىلى، كەدەي رايون اۋىل-قىستاق تۇرعىندارىنىڭ ادام باسىنا تۋرا كەلەتىن ورتاشا بولىسكە سالۋعا بولاتىن كىرىسى 8452 يۋان بولىپ، باعا فاكتورىن شىعارىپ تاستاعاندا، 2012-جىلعىدان %10.7 ارتىپ، مەملەكەت بويىنشا اۋىل قىستاق تۇرعىندار كىرىسىنىڭ جىلدىق ارتۋ قارقىنىنان 2.7 پايىز تەز بولدى.

اۋدارعان: گۇلميرا قوزىقان قىزى