شي-ان قالاسىنىڭ ورتا ساپاسىن باقىلاۋ ساناعىنا كوزبوياۋشىلىق ىستەۋ دەلوسىنا ۇكىم شىعارىلدى
كەلۋقاينارى:جۇڭگو قازاق راديو تورابى |جاۋاپتى رەداكتور:ايناگۇل | جاڭالانعان ۋاقىت:2017-06-19 09:45:00

 

    ٴوز حابارىمىز: جۇرت نازارىن اۋدارعان «شي-ان قالاسىنىڭ ورتا ساپاسىن باقىلاۋ ساناعىنا كوزبوياۋشىلىق ىستەۋ دەلوسىنا» 16-ماۋسىم كۇنىٴبىرىنشى سوتتا ۇكىم شىعارىلدى. ورتا قورعاۋ مينيسترلىگى بۇل جونىندە، وسى دەلو ورتا ساپاسىن باقىلاۋ ساناعىنا كوزبوياۋشىلىق ىستەگەن تيىپتىك دەلو، ورتا قورعاۋ مينيسترلىگى بۇدان كەيىن بۇنداي كوزبوياۋشىلقتىڭ الدىن الۋ جانە جازالاۋ مەحانيزمىن قۇرادى،-دەپ كورسەتتى.


    ٴبىرىنشى قاراۋدا بىلاي دەلىندى: «شي-ان قالاسىنىڭ ورتا ساپاسىن باقىلاۋ ساناعىنا كوزبوياۋشىلىق ىستەۋ دەلوسىنا» قاتىستى جەتى ادام كومپيوتەر ينفورماتسيا جۇيەسىن بۇلدىرۋ قىلمىسىن وتكىزگەندىكتەن قىلىمىس جازىلدى، قىلمىس مەرزىمى ٴبىر جىل ٴۇش ايدان ٴبىر جىل ون ايعا دەيىن، ورتا قورعاۋ مينيسترلىگى باقىلاۋ مەكەمەسىنىڭ جاۋاپتىسى بىلاي دەدى: ورتانى باقىلاۋ- ەكولوگيالىق ورتانى باسقارۋداعى ماڭىزدى تەحنيكالىق تىرەك. وسى دەلونى تۋدىرعان قىلمىستىلار اۋاداعى ادام دەنساۋلىعىنا زياندى تۇيىرشىكتەردىڭ قويۋلىق دارەجەسىن %30 تە %50 تومەن جاريالاعان. جۇڭگو قۇرلىس اكەدەمياسىنىڭ اكەدەميگى، چيڭحۋا ۋنيۆەرسيتەتى ورتا ينستيتوتىنىڭ باستىعى حى كىبين: بۇل ٴوڭىردىڭ اتموسفەرا لاستانۋىن وڭاۋ مەن اۋانىڭ اۋىر لاستانۋىنان ساقتانۋعا اۋىر ىقپال جاسايدى، -دەپ كورسەتتى.


    ول بىلاي دەدى: الدىن الا مالىمەت- ٴسوز جوق ساندى مالىمەتتى نەگىز ەتىپ جانە باقىلاۋ ساناعىن سالىستىرىپ ٴبىرشاما ٴدال تۇجىرىم شىعارۋى كەرەك، باقىلاۋ ساندى مالىمەتىندە ماسەلە بولسا ەشقانداي ناتيجە شىقپايدى.


    ورتا قورعاۋ مينيسترلىگى باقىلاۋ مەكەمەسىنىڭ جاۋاپتىسى بىلاي دەدى: ورتا قورعاۋ مينيسترلىگى مەملەكەت بويىنشا 1436 مەملەكەت باسقارۋىنداعى اۋا ساپاسىن باقىلاۋ ورنىنا تەكسەرۋ جۇرگىزدى ٴارى جىلىنا وسىنداعى ساندى مالىمەتتەرگە ارناۋلى تەكسەرۋ جۇرگىزەتىن بولدى. قازىرگى تەكسەرۋ جاعدايىنان قاراعاندا، مەملەكەت باسقارۋىنداعى ورىنداردىڭ باقىلاۋ ساندى مالىمەتى جالپى جاقتان جەرلىك ورىننىڭ اۋا ساپاسىن وبيەكتيۆ بەينەلەگەن. الايدا ىشنارا ورىندار مەن تۇيىندەردىڭ ساندى مالىمەتىندە ماسەلە ساقتالىپ، ٴشي-اندا تۋىلعان دەلومەن قارايلاس ماسەلەلەر ساقتالعان. قاتىستى جاۋاپتى بىلاي دەدى: وسىدان ىلگەرى جاريالانعان «13-بەسجىلدىق مەزگىلدەگى ورتا ساپاسىن باقىلاۋ-باسقارۋ قىزمەت جوباسىندا» بۇدان كەيىن جەرلىك ورىندار ورتا ساپاسىن باقىلاۋدا كوزبوياۋشىلىق ىستەيتىن بولسا سول رايوننىڭ قىزمەت ونىمدىلىگى ٴبىر داۋىسپەن جوققا شىعارىلادى، -دەپ تالاپ ەتىلگەن.


    قاتىستى جاۋاپتى بىلاي دەدى: ٴبىز ناقتى باقىلاۋ ورىندارىنا ۇنەمى تەكسەرۋ جۇرگىزىپ تۇرامىز، اۋا ساپاسىن تەكسەرۋ ورىندارىنىڭ ماڭىنا تۇگەلدەي كامەرا ورناتىلدى، وسى رايونعا كىرگەندەردىڭ ٴبارى كامەراعا تۇسىرىلەدى.

اۋدارعان: گۇلميرا قوزىقان قىزى