2017-جىلعى تەبىندى ەلدەر سپورت جارىسىنىڭ ٴتۇرلى جارىس تۇرلەرى جالپى بەتتىك باستالدى
كەلۋقاينارى:جۇڭگو قازاق راديو تورابى |جاۋاپتى رەداكتور:ايناگۇل | جاڭالانعان ۋاقىت:2017-06-19 09:47:00

 

    شينحۋا اگەنتتىگىنىڭ حابارى: 2017-جىلعى تەبىندى ەلدەر سپورت جارىسىنىڭ ٴتۇرلى جارىس تۇرلەرى جالپى بەتتىك باستالدى. يندىستاندىق شامباس شەبەرى ماياڭلانبامۋ جارىستىڭ تۇڭعىش التىن مەدالىن ەنشىلەدى.


    رەسىمي جارىستا تۇڭعىش ونەر كورسەتكەن جۇڭگو ەرلەر ۆاسكيتبول كومانداسى 40 نومىرلىك ناتيجەمەن يندىستان كومانداسىن جەڭدى، جۇڭگو ايەلدەر ۋاليبول مەملەكەتتىك كومانداسى ۇشكە قارسى ٴبىر ۇپايمەن رەسەي كومانداسىنان جەڭىلدى.


    شامباس تۇرىندەگى جارىسقا برازيليا، رەسەي، يندىستان، وڭتۇستىك افريكا جانە جۇڭگودان 33 سپورتشى قاتىناستى. يندىستاندىق شەبەر ماياڭلانبامۋ مەن جۇڭگولىق شەبەر چىن گۇيجىن جەكە-جەكە ەرلەر مەن ايەلدەردىڭ تايجي جۇدىرىقشىلىعى مەن تايجي قىلىشى بويىنشا اعا جۇلدەگەرلىككە يە بولدى.


    27 جاستاعى يندىستاندىق شەبەر ماياڭلانبامۋ وسى كەزەكتى سپورت جارىسىنداعى تۇڭعىش التىن مەدالدى ەنشىلەدى، وسى سپورتپەن 12 جىل اينالىسقان ول كەزىندە گۋاڭجوۋ ازيا سپورت جارىسى مەن جاكارتا دۇنيە جۇزىلىك جۇلدەگە تالاسۋ جارىسى قاتارلى كولەمدى جارىستارعا قاتىناسقان، وسى رەت ول تۇڭعىش رەت حالىقارالىق اعا جۇلدەگەرلىككە يە بولدى.


    ەرلەر ۆاسكيتبول كومانداسى وسى رەت قايتا قۇرىلعاننان كەيىنگى تۇڭعىش رەسمي جارىستى قارسى الدى، ولار جارىس بارىسىندا كوپ ٴتۇرلى باسىمدىلىقتى ساۋلەلەندىرىپ، سوڭىندا 57 گە قارسى 97 ۇپايمەن يندىستان كومانداسىن جەڭدى. ۆاليبول جارىسىندا جۇڭگو ايەلدەر كومانداسى ۇشكە قارسى ٴبىر ۇپايمەن رەسەي كومانداسىنان جەڭىلدى، برازيليا كومانداسى نولگە قارسى ٴۇش ۇپايمەن وڭتۇستىك افريكا كومانداسىن جەڭدى.

اۋدارعان: گۇلميرا قوزىقان قىزى