پارتيا 18-قۇرىلتايىنان بەرگى 5 جىلداعى تابىستار-جەر شارىنداعى 10 ءىرى پورتتىڭ جەتەۋى جۇڭگودا
كەلۋقاينارى:جۇڭگو قازاق راديو تورابى |جاۋاپتى رەداكتور:ايناگۇل | جاڭالانعان ۋاقىت:2017-06-19 17:42:00

 

    شينحۋا اگەنتتىگىنىڭ حابارى: جۇك سيىمدىلىعى ەڭ ۇلكەن جانە جۇك تيەۋىشتەر مولشەرىنىڭ كوپتگى جاعىندا جەر شارىن بويىنشا الدىڭعى 10 ورىندى يەلەيتىن پورتتاردىڭ جەتەۋى جۇڭگودا. جۇڭگونىڭ پورتتارى ءىرى ەلدىڭ توعىز جولدىڭ تورابىندىق سالاۋاتىن كورسەتىپ، مەملەكەتتىڭ كوركەيۋىنىڭ ستراتەگيالىق تىرەگى ەكەندىكتەرىن ايگىلەدى. پارتيا 18-قۇرىلتايىنان بەرگى 5 جىلدا ەلىمىزدىڭ پورت ىستەرىندە كولەمدەنۋ، كاسىپتەنۋ ورەسى جەدەل ارتىپ، فونكىتسيالىق قابىلەتتى كورنەكتى جوعارىلاتۋ ارقىلى حالىق شارۋاشىلىعىنىڭ دامۋىن پەرمەندى جەبەدى.


    گۋاڭدوڭ ولكەسى اۋ-ما مۇز ساندىق سەرىكتىگى كاسىپتىك ءبولىمىنىڭ ديرەكتورى جاۋ چاۋياڭ بىلاي دەيدى: ءبىزدىڭ %90 تەن استام ونىمدەرىمىز تەڭىز تاسىمالى ارقىلى دۇنيەدەگى 100 دەن استام مەملەكەت پەن رايونعا جەتكىزىلەدى. ‹‹ءبىر بەلدەۋ، ءبىر جول›› ستراتەگياسىنىڭ اتقارىلۋى اۋما سەرىكتىگىمىزدىڭ جاڭادان كوركەيگەن مەملەكەتتەرگە ورىستەۋىنە تىڭ وراي جاراتتى. تۇركيانى مىسالعا الار بولساق، گۋاڭجوۋدىڭ نانشا پورتىنان تۇركياعا تىكە تاسىمال جولى اشىلعان سوڭ، اۋما سەرىكتىگىمىزدىڭ كەمەلەرى تۇركياعا ءبىر ايعا جەتپەيتىن ۋاقىت ىشىندە جەتە الاتىن، جۇك تاسىمالىنىڭ وزىندىك شىعىمى %50 ۇنەمدەلەتىن بولدى.


    اۋما مۇز ساندىق سەرىكتىگى-گۋاڭدوڭداعى اۋەلى بۇكىل ەلىمىزدەگى پورت ىستەرىن دامىتۋدىڭ يگىلىگىنە كەنەلگەندەردىڭ تەك بىرەۋى عانا. ەلىمىزدىڭ %90 تەن استام سىرتقى ساۋدا جۇكتەرى تەڭىز تاسىمالى ارقىلى جەتكىزىلەدى، قاتناس جانە زات تاسىمالىنداعى توعىز جولدىڭ تورابىنا اينالعان جۇڭگونىڭ پورتتارى دۇنيە ءجۇزىنىڭ ەمپورت- ەكسپورت ساۋداسىندا ماڭىزدى رول اتقارۋدا.


    كوز الدا، ەلىمىزدە قابىلداي الاتىن جۇك سيىمدىلىعى 100 مىلليون توننادان اساتىن پورت سانى 34 كە جەتسە، جەر شارى بويىنشا جۇك سيىمدىلىعى ەڭ ۇلكەن جانە جۇك تيەۋىشتەر مولشەرىنىڭ كوپتگى جاعىندا الدىڭعى 10 ورىندى يەلەيتىن پورتتاردىڭ جەتەۋى جۇڭگودا. 2016-جىلدىڭ سوڭىندا جۇڭگوداعى جۇك قابىلداۋ سيىمدىلىعى 10 مىڭ توننادان اساتىن پورتتار 2317 گە جەتىپ، 5 جىلدىڭ الدىنداعىدان 1.3 ەسە ارتتى. چيڭداۋ پورتىنداعى 400 مىڭ توننالىق جۇك سيىمدىلى بار مينەرەل تاستار پورتى، نيڭبونىڭ جۋشان پورتىنداعى 450 مىڭ توننالىق جۇك سيىمدىلىعى بار وڭدەلمەگەن مۇناي پورتى، گۋاڭجوۋدىڭ نانشا پورتىنداعى تيەۋىش جۇك پورتىنىڭ 3-مەرزىمدىك جۇمىسى، چوڭچيڭنىڭ گو يۋان جەمىس ـ تاسىمال پورتى قاتارلى ءىرى قۇرىلىستار ىركەس ـ تىركەس ورىندالىپ تاسىمالعا قوسىلۋدا.

اۋدارعان: قاناتبەك جۇماباي ۇلى